ألم ظهري ذبحني يا بنات ساعدوني ارجوكم

انا كنت جذي و اللي يزيدني انه نص يومي اكون جالسه على كرسي لان كنت ادرس ! و الله اتعب من الالم و ما ارتاح الا لما انسدح و ارفع رجايلي على جدار او على شي مرتفع !

جربي و بينفعك ان شاء الله و هذا شي طبيعي بالحمل !

انا مثلج لما كنت في الشهر الثالث ييني الم في اسفل ظهري ودكتورتي اللي اراجع عندها تبط الجبد كل شي عندها عادي اقول لها يألمني تقولي عادي الحين انا في بداية الشهر السادس احس لما اجلس كثير يألمني تحت صدري يعني على جنب وقلت لها تقولي اي عادي هذي عضلة الله يعينج عيل في التاسع قمه في الاحباط شهالدكتوره ذي ... كأني هذرت وايد وطلعت عن الموضوع خخخخخخخ

انا اعاني من نفس المشكله باول الحمل ولما دخلت الرابع انتهت المشكله والحين ب22 رجعتت لي بس اشد شوي لما رحت للدكتور بالحوادث لان الالم اشتد معاي قال لي انه التها بالبول مع ضغط الجنين على العضلات واعطاني مسكنات والحمدلله انا الحين احس بالالم بس تدرين مادمت عرفت السبب مرتاحه مادام بعيد عن جنيني ومشوار حملي فيه . . قال لي الطبيب بالثالث اخذي مطارة ماي ساخنه وخليها ورا ظهرك وبالفعل مرتاحه من هالكماده وكمان طبيب الحوادث قال لي مافي مضره ان شالله
سلامتكم بنات وماتشوفون الشر ويارب يتمم حملنا على خير ان شالله

ما عليج شر ان شاء الله عليج بالراحة و راجعي دكتورتج الافضل

لا تخافي عيوني انا مثلك ولحد الان ظهري يعورني وخفت وقتها لانه كثير قالولي انه وجع الظهر يجي باخر شهور الحمل وسألت دكتورتي قالتلي شي عادي الا لو لاقدر الله تحسين بالم فوق الطبيعي ومستمر معك دايما وقتها استشيري دكتورتك احسن لكن انا كنت كل ما اقعد ضهري يعورني وراحتي اني اكون نايمه على ظهري وان كنت الحين مع اي مجهود لو كان بسيط الاقي ضهري يعورني واوقات جنابي بعد بس ماتخافين مع الحمل يصير وان شاء الله خير