معاناتي مع الحمل ساعدوني

السلام عليكم اشحالكم؟؟

قصتي هي: انا معرسة من 3 سنين تقريبا وحملت بعد العرس على طول وكملت 3 شهور ونص بس الله ماراد ان هالحمل يكتمل لسبب انا ماعرفه ولا الاطباء ويمكن هالشي خيرة لي وعقبها ماحملت 9 شهور تقريبا ويوم حملت المرة الثانية كملت 4 شهور ونص وبعد الله ماراد ان هالحمل يكتمل لان المشيمة كانت طالعة من الرحم والاطبا قالوا خلاص لازم تنزلين هالياهل والله ماتتخيلون شكثر تعبت من الضيج لان هاي المرة الثانية وماخبي عليكم والله فقدت الامل اني احمل بعد ماعقيت مرتين والشيطان كان يوسوس لي اني مابحمل وسرت عند مطوع عسب يقرا علي قرآن ووقت ماكان يقرا كنت احس اني ماقدر اتنفس وبطني ينشد ويوم المطوع يقول لي انتي اقري اقرا واوقف لاني ماقدر اكمل والموع قرا علي 2 تقريبا وقال لي اشربي زيت زيتون مقري عليه وعسل وماي زمزم لمدة 7 ايام وقال لي افركي زيت زيتون على جسمج قبل ماترقدين وكنت افركه بس في اول الايام ماكنت اقدر ارقد كنت احس حد وياي في الحجرة وريلي كان مداوم وكنت اخاف ارقد ويوم عيني تغفى احس حد يسحبني واقوم ومرات بطني يعورني وعقب ماكملت 7 ايام ماسرت عند مطوع وحطيت فبالي اني خلاص تشافيت وان الجن اللي فيني طلع واني يوم بحمل ما بعق وماقص عليكم مرات كنت احلم في الجن واحس انهم وياي في الحجرة وعقب سنة تقريبا حملت للمرة الثالثة وحملي الثالث كان شهر 4 من سنة 2008 وكنت وااااااااااايد مستانسة وريلي بعد كان واااايد مستانس يمكن اكثر عني وما كنت اتحرك وااااااايد يعني اكثر شي كنت اطيح على ظهري وماكنت اسير مكان بعيد عشان حملي. تاريخ 1/5/2008 كنت طالعة وياريلي ورديت البيت الساعة 12 تقريبا وماكان فيني شي ويلست لين الساعة 2 ويا مرت حمي ويوم دشيت الحجرة ياني عوار فضيع من السرة لين تحت لا اروم اقعد ولا اروم اوقف كل ما قعد يني عوار ويوم اوقف بعد ايني عوار واتصلت فريلي عسب يوديني المستشفى ويوم سرت المستشفى سوت سونار بس مابين شي الرحم قالت بسويلج التراساوند ويوم سوت قالت مايبين شي وانا بعدني ماكملت 40 يوم قالت بناخذ تحليل دم وبنشوف كم نسبة الحمل ويمكن يكون حمل خارج الرحم وانتي باتي عندنا قلت لها لا انا برد البيت وباجر بي قالت لازم توقعين وقعت وطلعت ماياني رقاد لين 5 الفير تقريبا وعقب نشيت 8 الصبح عسب اسير المستشفى ويوم وصلت شافت الدكتورة النتيجة وقالت نسبة الحمل مب ضعيفة وانتي تمي عندنا لان بنسويلج اشعة قلت لها لا انا بطلع قالت على مسؤوليتج لان هالشي خطر عليج قلت لها لو كان حمل خارج الرحم البيبي بينزل قالت البيبي ينزل ولا انج تعرضين نفسج للخطر والله ماكنت افكر فنفسي كنت افكر في البيبي ووقعت وطلعت والظهر سرت مستشفى الزهرة ويا اختي وسولي التراساوند وقالت حمل خارج الرحم مستوي في الانبوب اليمين وانتي لازم توصلين للمستشفى اللي سرتيله خلال ساعة لان يمكن ينفجر وخطر عليج ورديت المستشفى اللي سرت له الصبح وقالوا انفجر ولازم نسويلج عملية نشل الانبوب لان يسوا تسمم ومب زين حق وانتي لاتحاتين ان شاء الله بتحملين من الانبوب الثاني والله تعبت وكرهت عمري من مستشفى لمستشفى وفي الاخير لازم ينزل البيبي وحالتي النفسية كانت في الحضيض ووايد غمضني ريلي وقالولي لازم ماحمل 6 شهور وسؤالي هو لو حملت قبل 6 شهور شو بيستوي ؟؟ ومنو صار لها نفسي؟؟ واتمنى انكم تعطوني نصايحكم (للعلم اللي يستويلي من الحسد)

واسمحولي طولت عليكم