1- راعي في اختيارك إن لون الشنطة يكون نفس لون الحذاء أو قريب منه لحد كبير جداً.
2- خدي بالك إن الشنطة تكون مناسبة لملابسك من حيث اللون أولاً، ومن حيث إستايل ملابسك، يعني مش معقول إنك تمسكي شنطة جينز وإنتِ لابسة ملابس رسمية...
3- احرصي في اختيارك للشنطة على إنك تختاريها على عكس شكل جسمك؛ يعني مثلا لو كنت:
• رفيعة وطويلة:
يبقى اختاري الشنطة اللي ممتلئة وليها إيد قصيرة.
• قصيرة وممتلئة:
يبقى اختاري الشنطة اللي ليها إيد طويلة ورفيعة، وابعدي عن الشنط الممتلئة.
• لو كنتِ ذات أرداف عريضة:
يبقى اختاري الشنطة اللي إيديها قصيرة بحيث إنك تحمليها تحت الإبط علشان ما تلفتش الانتباه إلى منطقة الأرداف.
وبالنسبة للموضة
صيف 2008 يتميّز بوجود تشكيلة متنوعة من الشنط بخامات وألوان مختلفة:
فبالنسبة إلى الألوان: هتلاقي إن ألوان شنط صيف 2008 كلها جريئة جداً فهتلاقي ألوان زي "الأصفر"، "التركواز"، "الأحمر"، "الفوشيا"، "البستاج" بالإضافة طبعاً إلى الأسود والأبيض والبني والبيج ملوك الموضة في كل الأوقات..
ومن حيث الخامات: هتلاقي خامات كتير قوي زي الجلد والقماش أما الشنط الجينز فاختفت تماما في صيف 2008
ودي تشكيلة متنوعة من الشنط ممكن تبصي عليها
