محتارة ساعدوني ابي اعرف الحقيقة

اختى من نقلك كلام ينقل عليك
وليش يتكلمو اصلا بغيابك
اتحرصي من الثنتين والايام راح تكشفلك كلامي

روحي وقوليلها انك سمعتي بس لاتقولي من مين

فهميها انك موشايله في قلبك عليها

نصيحه لا تصدقي اي شي ينقال صدقي الي تسمعيه

عيون الفهد s;6059710:
روحي وقوليلها انك سمعتي بس لاتقولي من مين

فهميها انك موشايله في قلبك عليها

نصيحه لا تصدقي اي شي ينقال صدقي الي تسمعيه

انا موشايلة عليها
المشكلة انها بتفهم ان صديقتي قالت لي ويمكن تزعل عليها ومحد يعرف بالموضوع الموقف غير
صديقتي اللي قالت لي السالفة يعني بتفهمها ع طاير ان صديقتي قالت لي

اتخيلو ان صديقتي اللي قالت لي السالفة لما اتصلت فيني حست اني مضايقة وقالتلها ان السالفة اللي قالت لي مضيقتني تعرفون شو ردت علي قالت عن صديقتي انها ماتستاهل اني اضايق عشانها رديت عليها قلت لها
حرام عليش هي غالية علي وايد وقلتلها مستحيل ان هالكلام يطلع من قلبها يمكن عشان شايلة وتدرون لماحد يشيل على حد يمكن يطلع من كلام مايقصده ولا شو رايكم؟

أجل خلاص لاتقولين لها إنك سمعتي شيء
لكن الأفضل انك تكوني صديقة لهم في حدود المعقول لأن من ينقل لك ينقل عليك يعني كوني حذرة في التعامل معاهم
وممكن في فكرة تظاهري قدام صديقتك اللي شايلة بإنك محتاجة لها ضروري واطلبي منها أي حاجة علشان تساعدك فيها ..
وشوفي إذا ساعدتك وساندتك في مشكلتك الوهمية ولا لا
لأن الشدايد تبين الصديق الودود من العدو اللدود
وطمنينا ياعسل الله يوفقك..
أختك/ أهدلية

يا حبيبتي ياكسر كلامك الأخير معاها يدل على إن الثانية تكره الأولى وهذا إحدى الإحتمالات
نصيحتي لا تسمعين كلامها وخلي نفسك ما تعرفين شيء وماكأنك سمعت شيء

شوفي حبيبتي انا ما اقدر افيدج الا اذا عرفت السالفة شنو بالضبط اللي خلتها تشيل عليج والا جذي ما اقدر اقول الا تحملي منهم هم الثنتين، لان لو كانت السالفة صج فبتكون اللي شايلة عليج منافقة وياج بويه ومن وراج ويه ثاني، والصديقة الثانية نقالة حجي وخاصة انها ما كانت بتستفيد شي من نقلها لهالكلام الا للتخريب بينكم، او ممكن انها تكون كاذبة وذيك مو شايلة عليج اي شي
نصيحتي لا تصارحين هذي اللي نقلت لج الكلام باي شي ولا تقولين لها اسرارج مرة ثانية، اما الثانية فكوني وياها عادي ولا كان شي صار بينكم في الماضي ومافي داعي تفتحين معاها الموضوع مرة ثانية

مشكورات حبيباتي على الردود

أهدلية;6060241:
يا حبيبتي ياكسر كلامك الأخير معاها يدل على إن الثانية تكره الأولى وهذا إحدى الإحتمالات
نصيحتي لا تسمعين كلامها وخلي نفسك ما تعرفين شيء وماكأنك سمعت شيء

حبيتي سويت هالحركة لها وطرشت لها مسج واتصلت بعدين بس تمت يوم عقب اتصلت

خذي بنصيحة أم عبد الله وجربي اللي قلتلك اياه بكرة وطمنينا بعدها

علموني كيف ارضيها من قلبها
عشان من وراي ماتكون شايلة

شوفي حبيبتي
البنات في المواقف الرومانسية لا يمكن يرفضونج والا يزعلون، اول ما تشوفينها ضميها وقولي لها والله انج وحشتيني ووحشتني القعدة وياج، وبعد ما تقعدون تسولفون جيبي لها اكل وقولي لها هذا من يدي سويته خصيصا لاغلى صديقة على قلبي، وقبل ما تفارقينها عطيها هدية حلوة من ايدج وقولي لها عربون صداقتنا صج انها بسيطة بس قبولج لهالهدية يعني لي وايد

بس يا أم عبدالله رايج يعني اعزمها عندي لأني لو قلت لها بمر عليج تتعذر

اكيد عزميها مو مرة، اكثر من مرة، يعني مرتين في الشهر علشان تحس انها غالية عندج، لو قدرتي طبعا،، وبصراحة اشوف انج تعزمينها بيكون احلى

صراحة انتي ياأم عبدالله ذوق ومشكورة