قصة ولادة احلى مارية مع انها تعبتني بس حلوة ههه..

السلام عليكم ورحمة الله وبركاته جبتلكم اليوم قصة ولادتي ببنوتي ماريا بصراحة من فترة ودي اكتبها بس من الخرعة ماكنت احب اتذكرها بس سبحان الله نبدا ننسى شوي شوي والحين قررت اكتبها عظة وعبرة لاتسوون زيي ههههههه كني مسوية جريمة ترا كل الي سويته ولدت المهم اعطتني الدكتورة موعد ولادة 25ابريل ومن الشهر الثامن وانا احس بتقلصات يوم 18 ابريل الساعة 9 مساءا حسيت بالم طنشت قلت كالعادة ياسعادة تجي وتروح وطبعا انا خلاص طفشانة ابغاها تجي واولد الا اشوفها كل ربع ساعه ترجع كان يوم جمعه وتخيلو وانا جالسة يدق علي زوجي وكنت مشغولة مارديت فتركلي مسج يقول مبروك الف مبروك الله جعلها من مواليد السعاده تكبر وتشوفيها عروسة استغربت قلت كانه حاس ان فيني ولادة وانا ماقلت له المهم رجع وحطيت له العشا عل 11 ونص واحنا نتعشى قلت له ترا فيني الام ولادة طبعا فرح بس هو تعبان موشايف شي من الصباح صاحي فقلت له نام اذا زاد الالم بصحيك على 3 صحيته لان الالم صار كل 10 دقايق وانا خفت لاتجيني الولادة وتعرفو مغتربة وماعندي احد ورحت المستشفى وكشفت الدكتورة قالت 4 سم امشي في الاسياب هذا كان الساعة 4 ومشيت الى الساعة 5 وتعبت خلااااااااااص لمن كشفت قالت 6 سم خلاص ولادة ودوني غرفة الولادة وركبولي مضاد حيوي لان قالو عندي ميكروبات من تحت الله يكرمكم سالوني ايش تبغي مسكن قلت كمامة قالو مافي كمامة في ابرة ظهر وفي ابرة وريد طلبت وريد ومااااااااااااتسوي شي قالو لي لمن تحسي بدفع نادينا وزوجي جنبي رايح فيها نايم يشخر وكل شوي يروحو الممرضات ويجو على الساعة 9 صباحا جو وحزنو علي من كثر الالم وقالو بنفك كيس الموية وفتحو ه كان الرحم8سم وغلطتييييييييييييييييييي من قوة الالم قلت لهم في دفع والبنوتة كانت مرتفعة فصرت ادفففففففففففففع واصرررررررررررررررررخ وهو مافي دفع فعلى ماوصلت البنية للباب مسكينة ماعاد فيني حيل ادفع فقفل الرحم على راسها الدكتورة ماعرفتتخرجها وخافت عالبنت فضطرت تمسك المقص وتقصصصصصصصصص خلتني فستان هههه وسحبت الحلوة الامورة الله يحفظهاطبعا شالوها على طول يطمنو عليها عشان المضاد اللي عطوني ايه وقعدت الدكتورة تخيط الفستان اللي قصتو خخخخخخخخخخخ 10 غرز بس الحمدلله كله بأجره ان شاء الله حبيت اضحككم شوي في ولادتي ببنتي الاولى الله يحفظهم كنت ماصرخ بس تعرفون من الدفع الوحدة تطلع صوت كانت جنبي ممرضة تقولي (بدوووووووووون صوت )حشى مدرسةهههههههه الله يسهل على كل حامل وسامحوووووووووووووووووني عالاطاله.....بس كل وحد تقرا الرسالة تدعي لي ولبناتي ولزوجي بالهداية والثبات .