الشموع الشفافة وطريقة صنعها
الادوات المطلوبة
(*) كأس شفاف بالشكل والحجم اللي ترغبين فيه
(*) خيط خاص للشموع ( متوفر في محلات الاشغال اليدوية )
(*) مسدس صمغ حار
(*) جل واكس gel wax جربي استعمال النوع المكتوب عليه Medium Density ( متوفر في محلات الاشغال اليدوية )
(*) لون حسب الرغبة
(*) قطرات من الزيت العطري حسب الرغبة
خلونا نقول بنسوي شمعة شفافة على اشكال بحرية
راح نحتاج لشوية صدف وشوية رمل وسمكة زينة
خلونا نبدأ
1- حطي الكاس على قاعدة عمل وسخني الجل واكس الى درجة حرارة مرتفعة بس مو غليان
2- اغمسي الخيط اللي راح تستعملينه في الجل واكس وخليه يجف على جنب
3- حطي شوية صمغ حار في قاعدة الكاس وثبني الخيط بشكل عمودي تماما في المنتصف وثبتيه لفترة حتى يمسك في الصمغ الحار
4- بعد ما يجف اضيفي الرمل لربع الكوب واضيفي شوية صدف في اماكن متفرقة على سطح الرمل
5- بعدين اسكبي الجل واكس فوق الرمل والصدف بس بشويش عشان ما يتلخبط الرمل الى الثلث
6- اضيفي السمكة وكملي صب المزيج الى قبل حافة الكاس بشوي وطبعا خلال العملية كاملة لازم تنتبهي الى ان الخيط لسه واقف في الوسط
7- اتركيها الى ان تبرد وبعدين استمتعي بانجازك
السلام عليكم ورحمة الله وبركاته
بنت المملكة