بسم الله الرحمن الرحيم
سلام عليكم
حابة اشرح لكم مشكلتي مع زوجة أخو زوجي التقليدية ..وانتو احكموا على المشكلة هذه هل انا غلطانة بحكمي عليها او حكمي عليها صائب
السالفة و ما فيها ان انا ادرس بالجامعة وعمري 21 و لله الحمدل متزوجة من3 شهور و لحين ما صار حمل (مشغولة بدراستي و بيتي و زوجي ) وعندي يوم بالاسبوع اجلس مع بيت اهل زوجي و بهاليوم احب ان اظهر لهم باحلى مظهر و اذا كنت قادرة ان اسوي حلا او احمل شي معي لبيت اهل زوجي فانا ما ابخل عليهم لانهم مثل اهلي و اكثر ..بس للاسف اكتشفت انة زوجة اخو زوجي تغار مني خاصة انة زوجها عينة زايغة:mad: و يحب البنت المتطورة الة تماشي الموضة واهي الن عمرها 29 و عندها بنت و وولد و حامل بالثالث على الرغم ان زوجها كان ما يبيها تحمل و هي تبي لانة اطفالة اباليس وهي باردة ما تهزها ولا شعرة و اذا سوو اي مشكلة هو يعصب و يكسر الدنيا وهي ولا هامها شي !
عموما حصل لي اليوم موقف ان حبينا نشترك كلنا في العشاء ان نشتري عشا و نحملة معانا الى بيت اهل زوجي و نشترك معاهم فاخو زوجي و زوجتة ماكو حاملين شي معاهم فقام ابو زوجي يسالني عن العشا (هذا شنو انتي مسويتة ) قلت له لا و الله هذا شارينة جاهز وفي نفس الوقت تدخلت زوجة اخو زوجي تقول ( اي و الله هذا الة متعبة نفسها تسويه من العصر لين الحين ) مع العلم انها تطبخ و تعمل انواع من الاكلات لزوجها و انا طالبة جامعية ما اطبخ وللآن ما خذيت لي عفش مطبخ ووقتي كلة ضايع بين الدراسة و الجامعة و زوجي و زوجي راضي و قانع و يعرف انة ما عندي وقت اطبخ له .. صحيح اني ما اعرف اطبخ بس اكيد لو مشيت على طريقة معينة و مقادير و تجارب راح اتعلم ...
الموقف حز في نفسي لدرجة اني طلعت مقهورة من بيت عمي و خبرت زوجي انة زوجة اخوه قليلة أدب تريد تشوه شكلي امام اهل زوجي باي طريقة و حتى لو كان كلامها مزح الا اني حسيتها انها قاصدرة لهذا الشي لانة قالتة و هي جادة
ياريت احد يقول لي وش اسوي معاها هذي ن وين طلعت لي ؟؟ استغفر الله ناس فاضية ما همها الة الانجاب و اطفالها صغار في العمر و عديمة مسؤولية و باردة تمشي على البيض ما يتكسر ...
مدري شنو الحل معاها هل اني اطنشها ولا ارد عليها .. مع اني اخرت زوجي ان لقيت منها حركة مرة ثانية الة ارد عليها و ابرد قلبي ولا انتو شنو تقولون ؟
على فكرة كثير حركات و كلام تقولة يجرحني و تنغز لي في اشياء بطريقة غير مباشرة بس انا و الله الحمدلله طيبة معاها و احب ابنائها و احب العب معاهم بس ليش هي تحقد علي كذا انا مالي ذنب اذا كانت تغ او زوجها من النوع الة يعجب بحركات البنات الصغار:(
حبيبتي
الزين عندنا والشين حاولينا
رحم الله امرئ عرف قدر نفسه انتي شحرتي حياتها وحالتها وشحرتي حالتك
يعني شي روتيني واكيد بتغار وبتتفجر غيره
خليها هي الغبيه الي جالسه تشوه صورتها قدام اهل زوجك مش انتي
بالعكس اسكتي ولا تردين الا بابتسامه ساحره ونظره خاصه لها تبينين لها انك فاهمتها زين
بس احــــــــــــــــــــــذرك لا تصيرين جاكي شان قدام زوجك او اهله بالعكس اسكتي وخليها هي الي تقط كلام وتهين نفسها بنفسه صدقيني هي مره وله مرتين وبتتضح الصوره للكل
الكل بيعرف انها تغار منك واذا بينتي انك بنت اصول ومتطوره مش بشكلك بس بعقلك بعد
صدقيني بيرد عليه اشخاص ما تتوقعينهم وبيدافعون عنك مثل,,, ابو زوجك,,, او امه.. او وحده من خواته...
والصدمه احتمال زوجها يرد عليها
انتي خليها تسوي الي تبيه ولا تعتقدين هالشي بيأثر عليك او بيشوه صورتك قدام اهل زوجك لا لا
بالعكس اهل الزوج يموتون على الهاديه الطيبه الي ما تغث ولا تجر ح ومايحبون الملسونه
واذا صدر منك شي احتمال يشملون نفسهم فيه وبيقولون هانتنا كلنا لان صار الشي بوجودنا
الحل الامثل لك انك تتجنبي اى اصطدام فيها قدامهم بالذات
وحتى قدام زوجك اذا حكيتي الي صار قولي الله يسامحها لا تتحلفين وتتوعدين تدرين ليش؟
علشان اذا صارت اى مشكله بالمستقبل بيوقفون كلهم معك وبيشهدون لك بالهدوء والطيبه
واعتقد الصوره واضحه ومن حقها تــــــــــــــــــــــــغار
تحياتي
ط
طُهْر النّدَى ,.
عروس رائعة
18-05-2008 | 03:52 AM
حبيبتي مثل ما قالت اختي دلوعه حناني
و مثل ما يقولون عندنا بالكويت
إذا بتسل عدوك أحقه و امش و خله
و هذي مع احترامي صرآحه من كلامج احسها سفيهه
و الله و الله انها مبين انها محتره منج ما عليج منها لا تكلمينها
بتتعاملين معاها حقريها و عامليها بالأحسان عشان ما تطلعين انت غلطانه
و لا تسولفين معاها وايد يعني على قد السؤال اتكون الإجابه السلام و عليكم السلآم
أنت شلج بعوار الراس و الهوشات و المشاكل و بعدين ليش اتخربين سمعتج عند عمامج
انت ما تدرين باجر شبتقول لهم
و انت بعد لا تقولين لريلج كل شي سبحان الله راح تهاوش معا اخوه
يعني انت ترضين اتصير حزازيات بين الأخوان؟
و الله ما يصير خليج أحسن منها لا تصيرين غشيمه لعبيها صح
مبين انها مو مثقفه جاهله و انت المثقفه العاقله مالج شغل فيها
لا تلقينها بال
طمنيني عليج
أختج
انتي ما قصرتي فالمره صراحه
انتي مالج ثلاث شهور معاهم ووصفتيها بالتقليديه والبارده واللي ماعندها سالفه الا تييب عيال
وتغار ومادري وشو
يا اختي خلج فحالج وهي فحالها قالت ولا ما قالت
انتي الزم ما عليج زوجك
والا عوار الراس والواحد بغنا عنه
والله يهدينا ويهديها ويهديج
م
مرموم
نائبة المشرفة العامة
18-05-2008 | 12:13 PM
هلا بك أختي
أختي ما صار لك 3 شهور معاهم...و كل هذه الأوصاف قلتيها ؟
هي حرّة أختي في حياتها...تجيب عيال ما تجيب عيال ( على فكرة أغلب اللي في سنها عندهم 3 عيال و يمكن أكتر...يعني عدد عيالها عادي ! )
و كون إنها باردة...طبعا لأنها لو عصبت بتضرب عيالها...أو بتحرق دمها و هي حامل...خلاص هي إتعودت تكون كوول...أفضل لها و للي حواليها...
حياتها مع زوجها هي حرة فيها...تطبخ له تطلع معه تتصرف بتقليدية تتصرف على الموضة...هذا شيء راجع لها...
أما لما تيجي عندك و تتدخل في شؤونك...من غير عصبية...يا إما تردي عليها بهدوء...يا إما تسكتي من غير مشاكل...و هي لحالها راح تبطل تتكلم ...
و ياما تصير بين السلايف هذه الأمور...بالذات في أول علاقتهم مع بعض...و لسه أمامكم مشوار طويل...و في يوم من الأيام لما تحملي و يصير عندك عيال أكيد راح تحتاجي لخبرتها...
ما تعملي حساسيات من أول زواجك...لأنه هذه حياة طويلة...و أقلمي نفسك على طباع الناس...
بالتوفيق أختي...
كلام الاخت مرموم صحيح مليون بالمية
و ربنا يصلح حالك و يهديها
مسامحة
ما في تفاصيل في الموضوع بس اللي كتبتيه ضدك مو ضدها !!!! يعني عمرها 29 مو عجوز ، وأم 2 والثالث في الطريق طبيعي تكون رزينة ، و3 شهور جداً مو كافية للحكم
وإذا تميتي تنظرين للأمور بهذي الطريقة بتتعبين جد ... نصيحة أخوية اتركي عنك المقارنات وسوت وقالت وغارت وركزي على بيتك وزوجك ودراستك وصدقيني بترتاحين
آسفة إذا صراحتي ازعجتك
هي بارد بارد
انتي خليكي كوووووووووول
وقدام ريلج قولي الله يسامحها ولا تبينيبن انج منقهرة
ولا تدخلين ريلج في سوالف الحريم
الخوات ما قصروا بالردود ولكن عندي تعليق على نهاية قصتك
تقولين انا وش ذنبي ان زوجها عيونه زايغه على البنات الصغار
معلش يا اختي احنا ما ناكلك بقشورك ونضايقك يا بعد عمري
ولكن انتي طلبتي التوضيح من هو المخطأ ...
اختي خليني ارجع لتعليقي على جملتك
اختي إلبسي عبائه واسعه وقت زيارتك لهم
صحيح انتي مالك ذنب بأسلوب زوجها ولكن
بيكون لك ذنب ان كان لبسك وشياكتك مثل ما فهمت من كلامك
انك تلبسين وتحبين تتكشخين
طيب عمك حسبت الوالد
ولكن الحمى يا اختي الشرع أمر بذالك ؟ كما ذكر الرسول الكريم( الحمو الموت )
فألبسي لباس اسلامي غير مجذب للنظر ...
اتمنى اني اكون ضيفه خفيفه على موضوعك ..
وتقبلي من خواتك في الله الكلام والنصح الطيب
والله يوفقك ان شاء الله ويرزقك الذريه الصالحه
ا
الورده المسائيه
عروس مبدعة
18-05-2008 | 02:25 PM
انا الصرااااااااااااااااحه من كلام اختى دلوعه حنانى واختى رقم
الله يصلحلك الحال ويهدى السر اكثرى من الاستغفار
وعفوا هى من حقها تغيير وانتى فاهمنى حطى نفسك مكانها حاولى تخليها تحبك وتوددى لها
ويكفيك شرها
عسى تكونوا اكتر من الاخوات والله جربى
&
ღღ دريـــم ويــب ღღ
عروس ركن النساء والحمل والولادة
18-05-2008 | 06:23 PM
طنش تعش تنتعش ... والحقران يقطع المصران لا تردين عليها
اختي العزيزة ماصار شي الموضوع عادي جدا جدا غشمره
لاتسوين من الحبه قبه
حبيبتي مشي حياتج خصوصا انج في بدايتها
وصيروا خوات
مابينكم فرق كبير بالعمر
والله يهنيج ويسعدج ويرزقج ربي الذريه الصالحه
مشكورين جميعا اخواتي المحترمات
الله يعطينا و يعطيكم الذري يارب
بس حبيت اوضح نقطة يمكن ما كانت واضحة اني صار لي متزوجة 3 شهور بس عقد القرآن صار من (سنتين ) و سنتين اتوقع انها كفيلة بمعرفة شخصيتها
راح اسمع نصايحكم و خبراتكم و م بحط راسي براسها و ماراح اخبر زوجي بشي و بشوف !!
انا رايي من راي الاخت مرموم، انتي ما صار لج شي 3 شهور بس من تزوجتي يعني ما تقدرين تحكمين عليها بهالسرعة، ويمكن هي ما تقصد تجرح فيج يعني يمكن هي على نياتها وتتصرف بعفوية، وبصراحة بما انها باردة مثل ما تقولين فهالشي زين وصفة حلوة مو مذمومة، وانا من رايي تحاولين تتقربين منها وتعرفينها عدل قبل لا تحكمين عليها وتعاملينها معاملة حلوة علشان تعرف انج طيبة وياها وتعتبرينها مثل اختج، اما اذا كنتي شايلة عليها وكارهتها اكيد هي بتلاحظ هالشي وبتقلب ضدج، يعني ردة فعل طبيعية جداً، فانتي لا تحكمين عليها بسركة ولا تتصرفين بحكم شي انتي تخيلتيه او حطيتيه وهو مو وجود في الاساس،،،
اما عن حياتها الخاصة فهي حرة فيها، تكشخ، تبهدل بعمرها، تجيب 10 عيال في سنة وحدة هي ادرى باللي في مصلحتها، وبعدين انا احييها على سكوتها وصبرها على عيالها وهم مشاغبين والصراخ على اليهال وضربهم ابدا ما يجيب نتيجة،، وبتجيبين عيال في المستقبل وتفهمين هالشي
أنا راي من راي مرموم وأم عبد الله
تقبلي مروري
