والله تعبانه وايد من حياتي

السلام عليكم خواتي والله انا من زمان حابه اكتب مشكلتي بس كنت دائمن اتردد واقعد مع همومي بروحي ااااااااه والله بموت من همومي والله يابنات اكتب لكم ودموعي بعيوني قصتي طويله اسمحولي اذا بطول عليكم انا انسانه متزوجه وعندي توأم بنات وولد الله يحفظهم حقي وبحفظ كل ولد او بنت لامه انا يابنات كنت احب زوجي قبل لا اخذه بس مو انه كان بينا علاقه كبيره لا كانت مكالمات بسيطه وما اشوفه لاني من دوله ثانيه وهو مني المهم حاول اكثير انه ياخذني بس اهله دائمن كانو يرفضون لان يبون وحده من بلادهم المهم تمينا صابرين اربع سنوات جاني يقولي قبل لانتزوج ان امه تقوله نفسه لتشوف عياله قبل لاتموت قلبي عورني لما سمعت السالفه وخاصه ان امه بعد ما مات ابوه ما تزوجت ووهبت عمرها حقهم امهم انا تميت اقنعه سنه كامله انه يتزوج واني باخذه عقب مايتزوج بس انا بنفسي اقول اني خلاص ماباخذه بس ماقدرت حبي له غلبني المهم لاتقولولي ليش ما حلول مع امه اكثر حلول بكل الطرق من غير فايده موهني كتب الله وزوجنا بعد ما اتزوج بشهور هو انسان اخاف الله ومدين وطيب واهلي احبونه وايد انكتب النصيب بينه وبينه بس اتزوجنا واهله بعدهم رافضين وزوجته ماعرفت وانا اتحملت فتره سنتين ان زوجي مايقدر انام عندي بالشهر مره وحده ويمكن مايقدر احيانن مشكله زوجي ضعيف وايد قدام اهله بالثلاث سنوات الاولى ولا كأني متزوجه ما يطلع معاي ماينام عندي حملت وكنت اروح اراجع الدكتوره بروحي واخلص كل شي بروحي لانه ماعنده اهل اهني وحيده المهم الحمدلله بعد ولادتي بسنه زوجي حسن وضعي الف درجه الحمدلله واهله صاروا احسن شوي معاي وخلاص الحين زوجي مقسم الايام او ماقصر بس فجأه انقلبت حياتنا من غير سبب فجأه نتهاوش مع بعض ما نطيق بعض انا احاول اخلق المشاكل من غير ما احس اكرهه احيانن ما حب انه يجي البيت وايام العكس المهم زوجي وانا شكينا ان فينا سحر وسألنا مطاوعه قالوا ان زوجته اتسويله سحر عشان يكرهني وطلقني وعشان انا دايمن اتهاوش معام المهم احنا طنشنا وحاولنا نتعالج بس ماقدرا والمشاكل ازيد يوم بعد يوم وتم زوجي كل فتر ياخذ عيالي اروحون بيته اسلمون على جدتهم انا ماقدر اروح لانه هي عايشه في بيت امه المهم مع الايام خدامه زوجته اندونسيه وخدامتي صارو ربع لاني اودي خدامتي اهناك ادير بالها على عيالي كانو ناس من اهله كله يقوولي حرام عليج لاتجبين اعيالج اهني اتعاملهم زوجه ريلي بحقاره وتوكل عيالها قدامهم وعيالي اطالعون ولما اقول لزوجي اقولي ما تسوي جذي جدامي اسوي عمرها اتموت فيهم طبعن بنات نسيت اقول لكم قبل موضوع السحر كانت كله تسبني وتهزئني عند الناس وانا وظلمتني عند اهل زوجي كلهم كرهتهم فيني بس الله بينلهم الحق بعدين الموضوع يوم من الايام خدامتي شافتنا انا وزجي نتهاوش راح زوجي وجاعده اصيح قالتلي ماما اريد اقولك شي انا ماقتلك اول عشان انا مابي مشاكل قلتلها شنو قالت ان خدامه زوجي قالت لها ان حرمه زوجي تقول لها ان انا اسوي سحر حق بابا عشان اطلق ماما ومايوح اهناك وان الخدامه شافت حرمه زوجي تجط سحر على السرير الي خلاها تفضحها ان يومها كانوا مشغلينها وايد وكانت ملانتهم وعلى فكره حرمه زوجي من النوع الي اتصادق الخدامه وتقعد معاها بالساعات حتى ام زوجي اتقول عنها المهم قلت لزوجي وزجي من اول كان كاشفهها وشايف عندها سحر وماقالي الا يوم الي كشفتها الخدامه لان لما سألت زوجته عنه قالتله ان دوا عشان راسها جايبته من المطوع حق قرأن المهم زوجي قال لامه وجابها هي والخدامه حقتهم عندي وناديت خدامتي قلتله حلفي على المصحف ان الخدامه قالتلج جذي حطت ايدها على المصحف وحلفت وخدامته انكرت ومارضت تحلف عذرها ان فيها الدوره المهم زوجي ماراح اهناك واتصل فيه اخوه ثاني يوم قاللزوجي بلاوي عن زوجته اتاري انها خبيثه طلعت بعد وراعيه مشاكل واخو زوجي كشف كل الفضايح وقال ان اليوم الي خدامه زوجي مارضت تحلف فيه ان فيها الدوره جذب لان يومها زجروها وقالو ان قاعده اتصلي المهم زوجي قرر اطلقها لانها طلعت اسرار بيته امور كثيره لان اتصلوا فيه اثنين من اخوانه بعد قالوا حقه عن زوجته انها راعيه مشاكل وفاضحته بكل مكان المهم زوجي خلا ص كان بطلقها بس كان اقول استناها تروح بيت اهلها واطلقها هي ابد حتى ما زارت بيت اهلها وزوجي يوم عن يوم يضعف بقراره واهله ردو واثرو فيه قالوله لا طلق عشان بنتك وابنك فجأه قلبو ضدي وحرمته بنات ابدن ما زعلت حتى ربع يوم بيت اهلها عارفه عمره وهي دوم جذي المهم ماطلقها وانا زعلت من زوجي قتله رغم كل الي شفته والصبر الي صبرته وانت تعرف انها تأذيني وانا حياتي مدمره بسبتها وانت تقولي ما عليه ماقدر اطلقها المهم تم اقولي عشان عيالي مابي اشتتهم وانا والله كشفتها مابعاملها مثل بتكون مجرد زوجه تربي عيالي كله كلام طبعن بس بصراحه هو تغير معاملته عن اول معاها المهم قالي هذي اخر فرصه لهل تم احاول يرضيني لين اقتعت هدا الوضع فتره ورد الوضع بيي وبينه مثل اول واكثر بسبت اسحر وانا وزوجي ما خلينا مكان مارحنا عشان افك السحر صرت اشوف احلام اضايقني ما انام منها وتطلعلي وحده تقولي تركي زوجك وغيره امور كثيره اشكي ايام يسمع ايام يمل المهم لين قبل ثلاث ايام دلونا على مطوع وقال حق زوجي بالتفاصيل عن سحرها وانواعه وكم واحد ووين سوتهم رجل دين هو لاني انا هذا الشه ما انام الليل من وجع الراس والاحلام وضعف جسمي وحالي رد ورا وكله اصيح وزوجي لاحظ وعوره قلبه علي بس مايقدر ياخذ قرار فيهل اقول عشان عياله المهم المطوع قبل ثلاث ايام قال حق زوجي ان في سحر جديد وللحين ولما بند التلفون قتله خلاص انا تعبت من هالحياه محد جابرني عليها وكفيني عذاب وبعد الي سوته فيني مو قادر تتركها قتله خلاص لاتجي عندي البيت وخلينا مجرد ازواج بالاسم المهم جاني اليوم على الساعه وحده اقولي انطعم الولد قتله الحين قتله انت ليش جاي قال اجيبلك فلوس هو كان جاي يجعد بس انا مستحيل اقدر اتحملهم اكثر عن جذي والله يابنات الي كتبته ربع الي سوهه فيني وهمومي ماتنكتب بالف صفحه الحين انا ماكلمه ولاابي اكلمه لانه مايقدر ياخذ قرارته وهو اناني معاي مع اني والله ماقصرت حبايبي هو وايد احبني انا متأكده وخاصه ان زواجنا كان على حب ورضى بس زواجه الثاني كان غصبن عنه ودايمن اقولي انا عندك احس وما اقدر استغني عنك وكم طلبت منه الطلاق والله اني واااااااااااااااااااااااااايد تعبانه وماعندي احد اهني لاصديقه ولا اهل واحس روحي بتطلع حاولت اقرا سورت البقره كل يوم بس احيانن اتعب ما اقدر اكمل ساعدوني بنات شنو الحل والله بموت من الهم ادعولي الله يسعدني وافك كربتي لاني تعذبت وايد بحياتي ادعولي بصلاتكم اختكم بالاسلام لاتبخلون علي بالدعاء والله اني محتاجته