تعبانه نفسيا ومتحطمه ومحتاجه لكم واايد

ميخالف اختي حاولي تسامحينه ادري صعبة بس انا ادري انه الوقت بينسيج
الله يعينج يا اختي
حاولي تتقربين من ربج اكثر تره ماكو احسن من الصلاة والقرآن بهالفترة الصعبة
و حطي ببالج انها فترة و رح تعدي
تخيلي نفسج بعد 5 سنين وين تبين نفسج
تكونين مع زوجج مرتاحة متهنية
ولا تبين هالسالفه تنقد على حياتكم
حبيبتي اعتبريها غلطة
وكل ابن آدم خطاء
حاولي تتقبلين هالغلطة اللي سواها زوجج تره تلقينها بس نزوة و شهوة هالاندنوسية
ولا شيء اكثر من جذي
تبقين انتي الزوجة العزيزة المكرمة
و اللي اول ما يروح الدوام يفكر فيها
و يحاتيها في النهار
و لما يرجع من الدوام بالطريج يفكر فيها شنو قاعدة تسوي
حبيبتي هذا زوجج و لا تسمحين لهذه المنحطة القذرة تهدم بيتج اللي تعبتي عليه

مشكووره اختي علي الرد والله يصبرني وانشاءالله راح احاول انسي وادوس علي قلبي >>>>> بنات وووووووووووووووونكم تكفوووووون ارجوكم اب ردوكم الله يخليكم محتاجه لتخفيفكم عني .

حاولي تروحين انتي وياه مكان تريحون فيه كم يوم وتنسون هالسالفه وانسي الموضوع واقفليه ولا كأنه صار

وتعوذي من الشيطان وفكري في الي فبطنج اهم من هالسالفه وصحتج

واذا تكرر الموضوع اعوذ بالله الله لايقول ذيك الساعة تصرفي تصرف ثاني

اما الحين فكري في الياهل وبصحتج وحاولي تنسين وتغيرون جو

والله يسهل عليج ويهديه ويصلحه يارب ويسخره لج آمين

وإن شاء الله البنات بيفيدونج

اختى حاولي تنسين الموضوع او تتناسينة لان الصراخ ماراح يجيب نتيجة بالعكس هذا الي يخلية يشرد من البيت ويمكن يفكر بهالشي لو مكان يريدة بس عشانة صار يطفش من اسلوب المعاملة واللة يخليكم لبعض

يا حبيبتي ان بعض الظن اثم
يمكن في ادله بس حمدي ربك انك مش متأكده مجرد شك وخيالات تجيك يعني انتي صاحبة القرار بالموضوع
تقولين انه تحسن وصار زين وكله بالبيت ورقمه القديم عندك يعني احييك يالغاليه
انتي ماسكه كل خيوط حياتك ومسيطره تماما على الوضع بس للاسف مو قادره تسيطري على الوسواس الي براسك الي بيهدم حياتك مستقبلا
اذا هو غلط في يوم الايام عفا الله عما سلف وانتي تعجبيني الصراحه معتزه بنفسك وبكرامتك واحسن من كثير حالات يقهروني بضعفهم وتنازلهم الي ماله اى نتيجه في النهايه بس انتي حصلتي النتيجه ولله الحمد
زوجك رجع معك وصار وده رضاك باي شكل ويتحمل منك كل هالعصبيه
خــــــــــــــــــلاص افتحي صفحه جديده لان زوجك يتساهل منك السماح وتذكري حسناته وانسي هالغلطه
تعلمي تسامحي بينك وبين نفسك وجددي حبه بقلبك عن طريق المخلوق الي ببطنك الي كله براءه وماله ذنب بشي وعيشي حياتك بسعاده
واذا تبين تستمرين بحياتك وبسعاده انسي ولا تجيبين سيرة هالنكره لا في بالك ولا قدام زوجك
انتي بتدمرين حياتك علشان حشره؟ يمكن تكون مستانسه وعايشه احلى حياه وانتي جالسه تحرقين دمك؟
خلاص علشان نفسك اول شي وولدك وزوجك انسي واعفي وسامحي والله بيجزيك كل الخير على صبرك
تحياتي

أختي أعانج الله

انت لازم اتسامحينه و تحاولين اتشوفين الغلط الأولاني منج و لا منه و تصححينه

و هم لازم تدعين ل بالداية دايما في كل صلآة خصوصًا الفجر و الربع الأخير من الليل

و لا تنسين انت حآمل و هالشي أكيد حنن قلبه و حببه فيج هذا ولده مثل ما اهو ولدج

و يعني لا تتصرفين بدون وعي ترا ذا مو من صالحج كل خطوه درسيها عدل قبل لآ تسويها

لآن انت قريب بيصير بينكم يآهل

يعني لآ سمح الله لا سمح الله تطلقتوآ شذنب هالياهل يتشتت بينكم و ينحرم و بعدين

الريال الحين ما قام يطلع حاولي انت تطلعينه و تطلعين معاه بروحكم و ترجعين الأيآم * الخوالي *

و تقولين له كلام حلو و تمدحينه و تكشخي عشآن يشوفج أحلى مره بعيونه

طمنيني عليج

تقبلي تحيآتي

حبيبتي متزوجة وتعبانة بصراحة مشكلتج جدا بسيطة والحل بيدج انتي ترى

شوفي بعدي الظنون عنج ما دام تاب ورجع لج حاولي تعيدين الثقة فيه ادري انج انصدمتي وادري بحجم النار اللي بقلبج بس ترى زوجج يحبج ويغليج وعلى حسب كلامج انه طيب معاج وحنون لا تخسرينه على سبب راح وخلص ابتدي صفحه جديدة وبتجديد جديد بعد شرايج تسافرون مع بعض عقب ما تولدين بالسلامة ا اذا تقدرين في الوقت الحاضر لتتجديد واعادة ذكريات شهر العسل


لا تخسرين بيتج وزوجج وتهدمين كل شي حلو بينكم بسبب ابليس اللي يوسوس لج وخيج دايما ً تفكرين وكلي امرج لرب العالمين ودايما ً خلي الله جدام عينج راعي ربج في نفسج والياهل اللي في بطنج ترى كل شيء ينتقل لطفل في بطن امه اللهي في الطفل وبعدي نفسج عن المشاكل عيشي نفسج في جو مريح ريحي بالج من تفكير ترى اقولج زوجج يحبج ويبي يستمر معاج ويكون معاج اسرة مترابطة لا تهدمين كل شيء بالوسواس


الله يهديكم للبعض قولي آمين

شكراا اخواتي كفيتوا ووفيتوااااااا والله انكم ريحتوني الله يريح قلبكم ويسعدكم ويوفقكم دنيا وآخره.

مادام الريال طيب ويعزك حاولي تنسي وتسامحي ويمكن تطلعي ظالمتنه و بعدك احسن من غيرك الي مبتلية بواحد مايخاف الله ويعرف مية وحدة ومع ذلك يسبها ويظلمها ولا لها قيمة عنده

عفى الله عما سلف خلاص انسي وغيرو جو البيت روحوا سفرة وخلال السفرة افتحي صفحة جديده وتصارحي معاه على كل الى بقلبك بس بالتفاهم
والله يشرح صدرك