3 ساعات من الفراغ ما اعرف شو اسوي فيهم

السلام عليكم اختي
ازا بتحبي اشتغلي صوف او تطريز منو بتسلي وقتك ومنو بتسوي اشياء حلوه بتزيني فيها بيتك
بصراحه انا مابعرف اذا هدا ممكن بالمدرسه هههههه بس هدا اللي خطر في بالي

مشكوره اختي مانرينيم اعرف اشتغل صوف وللأسف ما احبه حتى انا الكوشيه الي كل الناس يحبونها ما احبها ابدا ما اعرف ليش،، بس مشكووووووووووووووره وياليت باقي البنات بعطوني افكارهم

[GLOW="660033"]
ابسط الافكار ممكن انج ترسمين واذا ما تقدرين تقرين القران الكريم ممكن انج تاخذين معاج هيد فون وتحطيلج شريط قران او ادعية او محاضرات وتسمعين مممم هذا الي في بالي الحين واذا تذكرت شي بقولج وبالتوفيق
[/GLOW]

تسلمين عسولة قلبه افكار عسسسسسسسسسسسسل مثلج وبانتظار باقي افكارج يا حلوه

والله ياحبيبتي مشكلتك نفس مشكلتي والمشكله اني في مدرسه اغلب العاملين فيها كبار مو نفس سني احس اني شيبت قبل حلي
تعبت وانا ادور افكار استغل فيها هالساعات الي تروح لا للدنيا ولاللاخره
احيانا اروح لغرفه لحالي واقعد افكر في مشاريع تجاريه تدخل علي ربح
بس فعلا ابي استغل كل دقيقه في حياتي بفايده بس ماني عارفه
هل من منقذ يساعدنا

ااذا كنت تحبي الرسم تجيبي معاك كراسه وترسمي
او اذا تحبي الشعر والخوواطر تقدري كل يوم تكتبي وباخر السنه يطلع لك مجلد

او تقدرين تتعرفي على صديقات وتتبادلين الافكار


حملي العاب بجوالك والله 3ساعات بيطوورن بسررعه:)


ولك مليون تحيه:)

وان شاء الله يعجبوك افكاري

عندي فكرة
اشتري هيدفون وشغلي محاضرات وفريها، يعني فرغي المحاضرات على اللاب توب ونسقيهم وبعدين نزليهم على النت وتكونين استفدتي وافدتي غيرج
انا عن نفسي احب الرسا، اخذ كراسة وارسم والون، ومرات ادخلهم على الكمبيوتر ويكون عندي تابلت الرسم والونهم، في سكنرات حلوة وما يبيلها كهربا بس توصلينهم عالكمبيوتر وتشتغلين
تقدرين تسوين خلفيات على الفوتوشوب بحجم الاوراق حق دفاتر تحضيرج والدروس...
انا احب الاشغال اليدوية، دوري في النت واختي الماتيريالز اللي تحتاجينها وياج المدرسة واشتغلي عليهم، مرة سويت برواز للصور طلع يهببببببببببل وعجيب، بس حطيت داخله اسم مدرسة اختي علشان توديه نشاط للمادة، ومرة سويت طقم برواز صير وكبير وعلبة صيرة حق اختي حطتهم على مكتبها، ومرة سويت طقم مكتب وردة الفستق وقاعدة ورق ومشبك الورق وكاس حق الاقلام طلع روووووعة
احب العب بالصلصال واسويه على اشكال واصبه وبعدين ازين فيه، وحلو انج تسوينهم صغار صغار يا حلزوني او خيوط وتلزينهم على رسمة رسمتيها من قبل وتلونينهم، بتطلع لوحة فناااااااااااان
عندج بعد فكرة ثانية للرسم، بعد ما ترسمين لوحة تاخذين ورق القص واللزق وتقصينه بيدج صغار صار وتلزقينه وكانج تلونين اللوحة بتطلع عجيييييييييييييييييبة
وبعد يصير بورق الكورنيش او مادري شيسمونه هههههههههه تاخذين نتفة نتفة وتسوينهم دواوير صغار وتلزقينهم بالصمغ على الرسمة

هذي الافكار اللي عندي واذا عندي شي ثاني بقول لج

ممكن تستغلين هالوقت انك تروحين القاعة الرياضيه وتسوين تمارين لمده ساعه ..

منها تريحين اعصابك وتضيعين الوقت في شي يفيد جسمك ..

وممكن تاخذين معاك المدرسه نعال تصلح للمشي وتستغلين هالوقت في المشي ..

ما في أحلى من اللاياضه تضربين عصفورين بحجر

وااااااااااااااااااااااااااااااااااااو والله العظيم افكاركم يا بنات روووووووووعه
ماشاءلله وجزاكم الله كل خي
ر
الاخت الفاضله centrino
مشكوووووووووره يا عسل وفعلا انا اسوي هالشي بالنسبه للتحضير بس ما ياخذ مني ربع ساعه!!!! اما التصحيح فانا الثلاث ساعات هذي بعد ما اخلص تصحيح!!!! وعن الرسم مشكلتي ما احب الرسم ، مش من هواياتي للأسف وعن الاظافر اسوي هالشي مرات بس مرات استحي لحد يشوفني ويقول تافهه!!! هاهاي
ومشكووووره افكار ررررررررررررررائعه انتظر اذا بتعصري افكارج بعد وبتعطينا ،،ن لوول


االاخت بووك 2
يارب تستفيدي من الموضوع لاني استفدت بصراحه وموفقه الغاليه

بي بي الحلوه
فعلا حبيبتي انا مرات اكتب شعر وخواطر يوم يكون الجو هادئ لكني امل،، و المشكله انه في بعض الاحيان الازعاج ما يخلي حد ينسجم ،، لوول اجباري تزيديني من افكارج الرائعه ولا ... لووول فديت روحج ما تقصرين

ام عبدالله
والله انتي رائعه وافكارج اروع ما تقصرين ،، شوفي بالنسبه للهيدفون للأسف ما اظن ينفع لانه في مرات ازعاج
اما فكرة الاشغال اليدويه هذي فعلا روووووووووعه وجاري التطبيق يا عسل
والعاب الموبايل ما اعرف بس انا مش وايد احب الاعاب الاكترونيه بس بعد فكره حلوه من وقت للثاني
والانترنت للأسف مافي لو شي انترنت بالمدرسه كان انا مرتااااااحه ،، لوول
مشكوووووووووووره الغاليه وياا ليت تبدعي اكثر واكثر

الاخت اماني ذبحها الغياب
فكررررره رائعه خصوصا اني امووت بالرياضه بس يا ليت اقدر اسوي رياضه بس القاعه دوم مشغوله مع ابلة الرياضه
مشكورين يله نبى عصر للمخ النظيف الي عندكم نبى بعد افكار بصراحه حمستوني يا بنات ما توقعت القلى مثل هالافكار الحلوه،، بانتظاركم

اذكر على ايام المدرسة كانت وحدة من المدرسات كانت تفرش سيادتها تحت طاولتها وتنام ههههههههههه
الحمد لله افكاري عجبتج
تبين شي صججججججج ما بتمللين منه؟
نزلي دروس حق الفوتوشوب، وحق برنامج السويش اللي هو نفس برنامج الفلاش بس اسهل، ولما تروحين المدرسة طبقي الدروس، انا كنت اسوي هالسوالف وقت الفراغ في الاجازة، مع الاعمال اليدوية،،،
وتقدرين بعد تجهزين مواضيع حلوة ومفيدة للمنتدى ولما ترجعين البيت تنزلينهم :)
مممممممممممممم
بفكر باشيا ثانية وبرد عليج

روووووووووووووووووووعه يا ام عبدالله شكلي فعلا بنزل برامج الفوتوشوب وبتعلمها ولو اني بعيد عنج ثوره في الكمبيوتر وبرامجه،، ومتاكده من نفسي ان نزلت برامج الفوتو شوب حدي يوم يومين وبوقف لاني للأسف ما افهمه ولا احبه حدي افتح منتديات واشارك بمواضيع حتى تنزيل صور يالله مره اعرفه وعشره لا!!!!! القراءه من هواياتي وعندي كتب وايده بس ما ادري ليش امل من القراءه في المدرسه، يعني لو بالبيت استمتع بالقراءه لكن بالمدرسه لا!!!! اظاهر اني ما احب مدرستي من الاساس ،،، ها هاها ها هاي
مشكوووووووووووره وانتظر جديد ابداعج الغاليه

شكلج ما منج فايدة هههههههههه ما تعرفين شي ابد!! ههههههههههههه امزح معاج
عندج اشيا وايد ترا بس انتي مو دارية عنها، تدرين ليش؟؟ لانها في محلات الاطفال... ما امزح معاج دوم اقول حق زوجي خاطري اروح محل الاطفال واشتري من هناك
اخذت مثل المسدس تحطين من ورا لون وينفخ فيه لما تضغطين عالزر ويلون بالرش ^^ ومعاه اشكال تجي وياه بس صراحة روووووووعة،، وغي هاللعبة في العاب كثيييييييييييرة مسلية
وشريت بعد جهاز تثبيت الكريستال وقمت ازين فيه الكاسات، الجوالات، كروت دعوة، هدايا، اشتري مثل الفصوص اللي تركب بالحرارة واستخدمه وياهم...
وشريت بعد الوان زجاج، الالوان اللي ترسمين فيها على ورقة شفافة وتنتظرين الين ما تنشف وتشيلينها وتلزقينها على اي سطح مثل الزجاج، انا سويت لوحة فنية حق كمبيوتري الكللللللل استانس عليه وقالوا لي بصراحة مجازفة، لما قلت لهم ان هذي الوان اليهال اللي تنشال ما صدقوا هههههههههه قالوا شلون جات على بالج!!! تقدرين تسوين اشكال حق اكوابج والطاولة او اي شي، لا تقولين ما اعرف ارسم لانج تقدرين تنقلين اي رسمه...
مرة من الفراغة جبت اوراق ملونة وكتبت عليهم، وحدة دعاء لبس الثوب، وحدة الثوب الجديد و هكذا، وزخرفتهم وزينتهم ووزعتهم في غرفتي بشكل حلو ^^ مثلا على المراية دعاء خاص لما تشوفين صورتج، على الخزانة دعاء خاص... حتى على الكومدينو قبل لا تنامين تحطين ادعية، بيطلع حلو... اشتغلي عليهم وانتي في المدرسة...

ولا تمزحين فديتج ولا شي!!!! اصلا هذا واقع وملموس انا فعلا ما اعرف لأشياء كثيره مثل الكمبيوتر والرسم و... و... و... (حزنتج صح) لوول بس تراني اعرف اشياء وايده مثل الصحه العامه ، التغذيه، العنايه الفائقه بالبشره وبطريقه علميه، الفاشين والتصميم(أصمم فساتين وعبي، لي ولخواتي ولربيعاتي وربيعات خواتي)
اعرف في خلطات العطور العربيه والدخون وهالسوالف شويتين، واعرف شويتين في علم النفس واعرف واعرف واعرف ،، لووول (كل هذا عشان قلتي ما اعرف شي ، ابى اقهرج بس) لووول فديتج والله اسولف يا عمري، وافكارج روووووووووووووووعه بس بالنسبه لجهاز الكرستال والله روعه فكرتج بس مشكلة الكرستال عندنا في الامارات وايد غالي والله يعني تشترين الشي جاهز مزين بالكرستال ارخص عن انج اتسوينه بووووووووووووووايد
وفكرة الادعيو روووووووووووعه وجاري التنفيذ
بس الرسم والتلوين والله ابدا ما حب الرسم متعقده من مدرسة الفن وانا بصف ثالث ابتدائي كانت تقولي:
ايه القرف ده!!!! ولا بتوع الروضه ،، رسمك زي وشك!!(معأن ويهي فديته كيوت)
لووول والله طفرتج بس اتحمليني الغاليه
ويزاج الله كل خير والله ما راح جميلج وافكارج الرائئئئئئئئئئئئئئئئئئئئئئئئعه

هههههههههههههه فديتج انا
ذكرتيني بولد اختي قال لها انا ما ابي هالمدرسة خلاص، الابلة قالت لي رسمتك حلوة بس ما بعطيك علامة كاملة ههههههههه قهر والله.... هالمدرسات يبيلهم حد يسنعهم
بالنسبة للكرستال احنا عندنا محلات يبيعونهم ال100 حبة على 8 ريال غالي وايد، وفي محلات يبيعون شكككككككككككككككثر بس على 15 ريال ولوين، صج ان لمعتهم مو ذاك الزود بس يفون بالغرض

انا بعد اعرف في الصحة العامة والتغذية، واحاول اساعد البنات في المنتدى على وصفات الرجيم، اخذ منهم وزنهم وطولهم واكلهم ومحيط البطن وبعدين اسوي لهم وصفات على رواقة في وقت فراغي... شي يونس

لا صج قهرتيني خاطري ابدع في التصميم، صج اعرف له بس ما ابدعت فيه...

يالله عاد بعد ما تنفذين الافكار هذي روينا...
انتظرج

انا اريد منك تصممي لي عبايات وترسلي لي
في الانتظار

صممي لي برنامج رياضي يضعف الزنود والارجل :)

انتي مشتركة في جمعية نشاط في المدرسة؟ وش مجالها.؟

هاهاهاي تعيبيني يا ام عبدالله وولد اختج ترى مدرسته هيه نفسها مدرستي ، لووول امزح
وبالنسبه للكرستال والله انهم غالين ضووووووووووو اتقولين ذهب مب كرستال ويقولج اونه سوارفسكي وهو عادي وخرطي بس نحن عندنا كل شي غالي صار ،،، حتى الهوى ،، لوول
لكني وصيت من السعوديه اظن بيكون ارخص (اخاف اغلى صدق بصييييح )
وما شالله شطوره اتعرفين في الصحه!!!!(اشتغلت الغيره عندي، لوول) ماشالله دراسه ولا هوايه؟؟
اما بالنسبه للتصميم فلا والله وبشهادة الجميع انا وااايد تصاميمي غريبه وجريئه ،، يعني صدق مميزه والله لدرجة ان ريلي يحايلني يفتحلي محل عبي لكن بصراحه انا خايفه نخسر لان بوظبي كلها محلات عبي،، بس مشكلتي ما اعرف اصمم الا والميتيريالز(المواد الخام سوء كرستال، كلف، تل، وحركات ثانيه) عندي ، يعني امسك القطعه وابدأ احط عليها (في مرات موديلات اصممها بالرسم) لكن الشغل الاكثر ابدع فيه من خلال المواد الخام،،
و والله يا ام عبدالله اني تقريبا ما جد لبست عباه الا وكثير من ربيعاتي يسؤولني ويمسكونها ويطلبونها عشان يفصلو مثلهن،،
ادري وايد اتمدح بس والله يا ام عبدالله ان حتى ربيعاتي الي ما يحبو يقولو عن الشي حلو يقول حلو،، و و ايد من ربيعاتي انا مصممه لهن ولخواتهن ولامهاتهن بعد، ودووووووم يوم اسير افصل العبي يطلب مني الخياط اصمم للمحل، يعني شوفي العبي مالتي حتى لو بسيطه بس دوووم فيها لمسه مبتكره ،
يعني مثلا اعز ربيعاتي خجوله وكلاسيك وما تحب الاشياء المودرن و التوب فاشين فأصمملها موديلات ناعمه بس لازم فيها لمسه شوي مبتكره ومختلفه
عاد ادري صدعتج بس والله ارتحتج الغاليه وحسيتج فاهمتني عسى الله يديم المحبه حبيبتي، ولو تبين اي شي عيوني لج


بالنسبه للبنات الغاليات من عيوني انشالله بس صبرو عليه شوي والله وايد مشغوله ابوي مريض الله يعافيه
وسلام لاحلى بنات

الله يشفيه حبيبتي ويقومه بالسلامة
والله شوقتيني انا بعد ابي عبي للاعراس ههههههههههههه
لاني للطلعات البس عباية راس
وبصراحة انا بعد استانست عليج ^^ احسج مرحة ههههههههه فديتج انا

بالنسبة للتغذية مجالي مو هواية، بس بصراحة احبه هههههههههه
الله يوفقج حبوبة والله شوقتيني اشوف تصاميمج
وبالعكس عادي تصممين حق محلات، فكرة حلوة