طرق الشحن ... ساعدوني طلبتكم

Aisha AL-Dossari 17-05-2008 12 رد 661 مشاهدة
A
{ السلام عليكم


بنات طالبتكم ..


ابي مساعدة منكم


انا ابي اتاجر برا البحرين .. اممم يعني لازم لموضووع فيه شحن ؟؟


ابي اعرف كيف نتفق مع الشركة وابي الشركات الموجودة بالبحرين للشحن ..


ابي كل المعلومات اللازمة لعمية الشحن ..


ضروري بنات !!

ابي اعرف شلوون نشحن وشلون نطرش وكل شي ^^


بليز يالتاجرات بليز ردوا علي ^_^
z
ان شاء الله بنات البحرين يفيدونك اختي
أ
باقول لج شواقه الـ (f)



أنا ناوية أشحن برا البحرين فسألت وحدة من البنات

وخبرتني ان أضمن شي تجويل الفلوس عن طريق شركة البحرين المالية

أو الوسترن يونيون

وطبعا .. تكلفة التحويل ييتحملها الشخص المستلم للبضاعة


أما الشحن ..

فقالت لي ان احسن البريد الممتاز ويوصل خلال 3 أيام

بس يبي تحاسبين حق الأشياء اللي تنكسر .. تلفينها عدل عشان ما تتكسر في الدرب


غير جذي ..

انا اشوف ان DHL سمعتها قوية في الشحن ماشحن ( بس ماعرف عن تسعيرة الشحن عندهم )

انتي تقدرين تستفسرين منهم من أي مكتب عندهم

اللي في المطار .. والا اللي في أم الحصم

انتي تشوفين الفرع الاقرب والأسهل للتوصيل والاستلام




ومساعة النت قطع عند فديتج فماقدر ارد عليج على المسنجر..

خبرج .. بتلكو مفرقة الجماعات ماتقصر (w)


وبالتوفيق يارب (A)



ا
الاخت قصاايد ما شا الله ما قصرت
ب
والله ماعندي فكرة
بي البريد الممتاز والدي اتش ال واااايد حلو ..... أنصحج فيهم
d
ردو عليك الاخوات
لكن الشحن عموما جدا غالي
b
1- شنو البضاعه
U
الممتاز ارخص شي، وسريع، والدي اتش ال شوي اغلى، بس تعاملهم حلو واحسن من الممتاز، وطيوبين...
وتعاملت مرة مع شركة ثانية، اعتقد فدكس، كنت ابي ادليه البيت قال بيتكم قريب من وين؟ قلت له كذا، قال خلاص طرشيلي السايق هناك ههههههههههههه، عيل شالفايدة منه جاي متعب نفسه!! كان انا رحت اجيب الاغراض،، بس بعد تعاملهم مع البضاعة اوكي
وممكن تشحنينها على البريد العادي، يعني على صندوق البريد، وايد ارخص، بستنتظرين للسنة الجاية الين ما يوصل ههههههههههههههههه،، وطبعا الشحن على اللي بتستلم، يعني كل شركة شحن او البريد عندهم ويب سايت، دخلي الويب سايت وشوفي لكل بلد بكم يشحنون، وضيفيها على سعر بضاعتج، وخبري الزبونة فيهم...
اما عن تغليف الاغراض اللي تنكسر واللي تتعفس واللي تنقلب، هم راح يغلفون لج ياها، يعني قولي لهم هذا قابل للكسر وبيغلفونه، الممتاز عندنا جذي، مادري عندكم شلون
T
السلام عليكم و رحمه الله وبركاته

كام تكلف مصاريف الشحن من مصر الى السعوديه ..؟

و ما هى الشروط التى يجب توافرها فى البضاعه المرسله ..؟

و جزاكم الله خيرا
ش
الله يوفق الجميع
U
T.tex;6549235:
السلام عليكم و رحمه الله وبركاته

كام تكلف مصاريف الشحن من مصر الى السعوديه ..؟

و ما هى الشروط التى يجب توافرها فى البضاعه المرسله ..؟

و جزاكم الله خيرا

اختي طرشت لج عالخاص موقع ان شاء الله بيفيدج :)
ن
ليش خاص خلي ي الكل يستفيد يا بنت الحلال
ابي اعرف اسعار الشحن من مصر الى البحرين
S
اهلين بنات كيفكم
اللي يعرف شركة شحن بامريكا بليز يعلميني وماتكون غاليه
مشكورين
X