اغراض شهر العسل

LoLo Wa BaS 17-05-2008 40 رد 1,724 مشاهدة
L
سلام عرايس

حبيت اخذ رايكم باغراضي لشهر العسل طبعا راح يكون السفر الى ماليزيا وتايلند لمدة 12 يوم

حطيت في شنطة السفر 6 بدلات طبعا كلهم قميص طويل مع بنطلون
2 بدلتين تنورة مع قميصهم
2 شنطتين لليد وحدة كبيرة راح تكون للمطار والثانية صغيرة للتجوال هناك في البلد (او ما يحتاج اشيل شنطة)
2حذائين اعزكم الله (واحد فلات للمشي وواحد بكعب للطلعات العدلة مثل المطاعم)
6 قمصان نوم
4 بجامات
مكواه صغير
3فوط او مناشف للحمام
3 شيلات (حجاب) يكفي او اكثر
ما خذيت عباية
فوط صحية او اولويز

شنطة اليد راح يكون فيها:غسول للوجه
مقشر للوجه
كريم واقي من الشمس
قرآن صغير مع الاذكار
مناديل لازالة المكياج
مكياج (مب وايد بس راح اخذ قلوس وبودرة وكحل وشدو صغير )
عطر
عضاضات للشعر

الله يخليكم اذا تشوفون اني ماخذة شي وايد او ناقص تقولوا لي عليه عشان ما ينقصني شي هناك واتوهق

ومشكورين



w
السلام

اممم ؟؟

خذي عاك ادويه - صيدليه -
مثل بندول وفازلين وفكس و.. الي تحسين انك بتحتاجين لهم
ولفاف للرجل او اليد
ومقراض اظافر
وشراريب
ومشط .. فرشاة ومعجون اسنان
وبورده جسم
وكلينكس معطر
نظارات شمسيه

انا فكرت اخذ بخور معاي .. بس الى الحين ماقررت اذا اخذ ولالا

دفتر صغير وقلم
وكيس عشان تحطين فيه الملابس الوسخه
شاحن جوال


وعلى فكره لاتمسكين شنطه بيدك لانه هناك تصير سرقات كثيره
خذوا شنطه ظهر يكون حجمها ممتاز وحطوا فيها الي تحتاجون
وخلي زوجك يشيلها

هذا الي اتذكره الحين .. اذا تذكرت شي ثاني رجعت


^_*
L
مشكورة اختي ما قصرتي على الرد كنت ناسية اشياء ذكرتيني فيها
ز
الاخت ما قصرت معاج و بالنسبه لتنوره احس في ماليزيا و تايلاند ما يحتاج خصوصا اذا بتروحون حجز و تحتاجين اكثر من حذاء فلات لان هو الاكثر استعمالا و الافضل تاخذين حذاء رياضه بسيط انا رحت ماليزيا و اخذت حذاء رياضه بسيط ناعم مال مشي طلعات المطاعم اكثر شي بتكون و انتو طالعين قليل يمن تروحين مخصوص لمطعم شيلات ما اعرف انا كنت لكل بدله اخذ شيله و بالنسبه للشنطه الصغيره كلش ما تحتاجينها احنا كنا ناخذ شنطه كبيره و احط فيها شويه سناك اكل للرحلات البحريه و يعني اذا نتمشي و الماي و كلينكس و الخريطه للمكان الي احنا فيه كنا ناخذ فلوس على الي يكيفنا لهذا المكان و نزيد وي عليه عشان لو صارت سرقه لا سمح الله ما نخسر وايد و طبعا ما انسى السن بلوك لان لازم كل فتره نغسل ويهنا و نغيره يعني بها الشنطه كل الاشياء مالت رحلات ونصيحه اذا بتروحين بشهر 8 كل يطيح مطر في ماليزيا اخذوا مطله من الي تصير صغيره و تنحط في الحقيبه عشان ما تتاذون اذا طاح و انتوا ما عندكم او عندكم الكبار الي ما يتكرفسوون و اي استفسار انا حاظررره و لا تنسسسسين اذا رحتي منتجع افاموسى تذكريني
ق
انا بعد قررت ما اخذ وياي ملابس وايد لان بروح تايلند
وبقعد هناك اسبوع بس يعني يكفيني بدلتين لان بشتري من هناك ثياب احسن عن الوزن

وقمصان النوم قلت باخذ 4 يعني زين اذا خذتي 6

بس ما انصحج بالتنانير

ومثل ماقالت اختي حذاء رياضي ناعم وراقي بيكون حلو حق الطلعات وبعدين في عندهم نعل هناك اخذي 10 بدل وحده هههههههه

ويااااااااارب يوفقج وتستانسين
L
مشكورين حبايبي على النصايح والاغراض والله افتدوني وايد
^
اختي لاتنسين النعول لازم تكون مريحة و مب كعب
أ
حبيبتي الله يسر ليج وبالمبارك ان شاء الله

بس حبيت اقول ليج اي سفره لازم ماتنسين البوانطلين الجينز والتيشيرتات والجوتي رياضه وشنطه على الظهر او على الكتف

وبعد لازم تكون لون البوانطلين مش بيضا ولا فاتحه لانه من كثر المشي ولانه مناطق خضرا وفيها ماي فبتتوسخ بسرعه لازم تكون الالوان غامقه

وثاني شي لازم تذكرين زوجج بهالشي يعني تجيكين على شنطته بعد

يعني تحملين عده الحمام كلها كرمج الله وكرم السامعين
والادويه يلي مانستغني عنها مثل البندول والفوكس وبعد اذا بطولين تحملين معاج الوكس او الحلاوه او الشفرات مالت الحلاقه او ماكينه براون


وان شاء الله تستانسين في سفرج
o
الله يهنييكى ويسعدك
L
مشكورين خواتي على النصايح وانا خذيت منوع جينزات وبوانطلين سود بس كلهم عليهم قمصان طويلة
والنعول باخذلي اكيد بدون كعب لان كله بيكون مشي بس وحدة باخذها شوي كعب صغير عشان الطلعات العدلة
ح
البنات ما قصروا بس ضروري تاخذين لج جوتي أو جوتيين رياضة علشان المشي والرحلات هناك،، إي وزيدي الشيلات أنا أشوف 3 مو كفاية

وتذكريني إذا رحتوا لنكاوي :) الله يهنيج ويبارك لج
ر
اختي مانصحج بالتنانير كلش

كل شي اوكي

انا جذي بودي معاي جينز و2 بنطلون اسود
وواحد حذاء رياضي او فلات + حذاء كعب
شيلات احس اوكي 3
وخذي وحده قديمه بعد يمكن تتسبحين في البحر + مايو لان بعض الفنادق فيها جاكوزي وهالسوالف طبعا في الغرفه اللي انتوا فيها ،
عطرين كفايه
لاتنسين عدة الحمام يعني شور جل مع الكريم المرطب طبعاله ريحه حلوة مثل بدي شوب

طبعا شنطه اليد احسها مهمه
انا سافرت كذا مكان مصر وتركيا ووو ايد اماكن بس طبعا مصر وتركيا فيها ناس واايد هذي مايمنع انج ماتيودين شنطه ،،
يعني عن نفسي لازم شنطه يد وكل وحده وراحتها


ولاتاخذين اشياء مالها معنا وترسين الشنطه على الفاضي لان وانتي راجعه راح تترسينها اشياء وااااااااااايد ،، ولاتقولين يمكن اتوهق ترى هناك كلشي في لو توهتي روحي اشتري شوز ولا بدي ولا جينز



واذا تذكرت شي باقولج
l
لاتنسين تاخذين كاميرا ونوت صغير للملاحظات والذكريات وكمان كريمات للترطيب ومطهر لليد وانا مثلك رايحه لماليزيا بشهر 7 ان شاء الله نتقابل

وع فكره كثري من التي شرتات تحتاجيها واذاتذكرت شيء باقولك ان شاء الله
ا
الله يعافيكم
ف
البنات ماقصروا والله يوفقك
L
مشكورين بنات ان شاء الله نخدمكم بالافراح
b
هلااااااااااااااااااااااا الغاليه
ان شاء الله تكون سفره موفقه و تستانسين هناك

انا ان شاء الله 16/7 طايره

من الاشياء المهمه في السفر الديتوووووووووول يعني خذي لج المناديل وخذي لج الرش
و حتى الصابونه

انا ذيج المره يوم نسافر نسيت اخذ لي حسيت روحي ضايعه لانه فيني وسواس حتى لو الفندق نضيف تجوفيني اغسل الحمام

فأضطريت ما ادش الحمااااااااااام الا يوم رحت شريت من عندهم ديتول خخخ

ولاتنسين المطهر مال اليد خذي لج

وخذي لج حبل صغير طبعا بتقولين ما باحتاجه لكن بتحتاجينه هنااااااااااك
لانه ساعات بتضطرين تغسلين اشياء متوصخه عندج يبيلج حبل مع مشابيص
واكيد راح تغسلين ملابسج الداخليه

واذا بتروحين ماليزيا خذي معاج جاكيت لانه في كذى منطقه بارده

امااااااااااا الاشياء الباقيه ما قصروا العضوات خبروج عنها


رحله موفقه

اختج
بحرينيه
L
حاملة القرنفل;6071134:
البنات ما قصروا بس ضروري تاخذين لج جوتي أو جوتيين رياضة علشان المشي والرحلات هناك،، إي وزيدي الشيلات أنا أشوف 3 مو كفاية

وتذكريني إذا رحتوا لنكاوي :) الله يهنيج ويبارك لج


انشاله ولا يهمج كل يوم في ماليزيا راح اتذكركم والله ما تنسون قعدتكم ما تنمل
L
ba7rinia;6080247:
هلااااااااااااااااااااااا الغاليه
ان شاء الله تكون سفره موفقه و تستانسين هناك

انا ان شاء الله 16/7 طايره

من الاشياء المهمه في السفر الديتوووووووووول يعني خذي لج المناديل وخذي لج الرش
و حتى الصابونه

انا ذيج المره يوم نسافر نسيت اخذ لي حسيت روحي ضايعه لانه فيني وسواس حتى لو الفندق نضيف تجوفيني اغسل الحمام

فأضطريت ما ادش الحمااااااااااام الا يوم رحت شريت من عندهم ديتول خخخ

ولاتنسين المطهر مال اليد خذي لج

وخذي لج حبل صغير طبعا بتقولين ما باحتاجه لكن بتحتاجينه هنااااااااااك
لانه ساعات بتضطرين تغسلين اشياء متوصخه عندج يبيلج حبل مع مشابيص
واكيد راح تغسلين ملابسج الداخليه

واذا بتروحين ماليزيا خذي معاج جاكيت لانه في كذى منطقه بارده

امااااااااااا الاشياء الباقيه ما قصروا العضوات خبروج عنها


رحله موفقه

اختج
بحرينيه


مشكورة اختي والله كل الي قلتيه ما كان على بالي وبالتوفيق للجميع
ر
حبل خوش فكرة
راح احط حبل
X