مااقدر ابعد عنه

غريبه مالقيت احد يرد هو الحل لهدرجه صعب ؟؟؟؟؟؟؟؟؟؟؟؟؟:(

السلام عليكم ورحمة الله وبركاته

اخت ميثاء
تمر الحياة ونتعلم منها الكثير ومن الواضح ان خبراتك في الحياة قليلة وذلك اكيد لصغر سنك لذا اقول لك انك اخطأت في:
- استمرارك في محادثته عبر النت وانت تعلمين انه زوج صديقتك
- اتصالك تليفونيا به
- رأتيه
وذلك ادى لإعطاؤه واعطاءك فرصة للتفكير في الخطأ

واقول لك كما عرفك على زوجته سيعرف عليك أخرى فمن الواضح عدم وفائه
واحب لأخيك ما تحب لنفسك هل ترضين ان يفعل بك مثل ما تفعلينه في صديقتك
فأعقليها وتوكلي على الله في ابتعادك عنه الى ان يوفقك الله مع من تستحقين

يا هلا ميثه وغلا

ميثه استخرتي :) ميثه كان من الأول تقطعين عليه وما تعطينه ويه وبعدين ما ترضين لربيعج الا كل خير مب جي :) وبعدين من ناحية الناس بيتكلمون لا تواصين بتكلمون لين باجر وعقبه ما يشبعون ;) وأولهم زوجته بتقول للناس هذي ربيعتي خذت ريلي ووووووو ما لها نهاية الله يهديج المفروض مادام هي ريل ربيعتج لا تيين صوبه :( والله مادري الشرع حلل أربع لكن انتي ترضين اتكون عندج ربيعه تضحكين وياها وتكون وياج ذكريات حلوة معاها
تاخذه مثلا نفس الريال يعني ياخذ وحده ثالثه صعب يالغالية وبعدين المفروض ربيعتج ماتتكلم عنه ( يا حريم لا تتكلمون عن رياييلكم ) استخيري قد يكون رجل صالح وتقي وعادل بينكما وقد لا يكون معني أفضل انج تخلينه عشان تتفادين المشاكل وعسى ان تحبوا شيئا وهو شرا لكم :)


;)

:D ..هلا ميثاء..ترى كلام يو يو..وlomy..صح!!وانتي استخيري ربنا وتوكلي عليه..والله يرزقك زوج احسن منه!!

مشكورات عالرد .....القرار صعب جدا هو انا افكر جديا اني ابتعد عنه
لكن كانه بفقد روحي امري لله بضحي علشان ربيعتي لكن هو كيف؟؟؟

انا احاتيه بكل لحظة وشلون لو راح عني اور رحت عنه وشيفها لو تزوجت به على حلال الله وشرعه ليه نضخم الامور ........

لو تعرفون مدى علاقتي به ماراح تلومني .

السلام عليكم ورحمة الله وبركاته ..


ميثاء ..


حبيبتي خلينا نعكس الأدوار ..

أنتي لج صديقه وايد تعزينها و تثقين فيها .. وهي من أفضل الصديقات بالنسبه لج .. و تفضفضين لها بأشياء كثير أدور في نفسج .. و هذا طبعاً نابع من ثقتج ومحبتج بها .. و كنتى متزوجه و تحبين زوجج وااااااااايد و عايشه معاه مرتاحه و أنتي على ثقه كبيره من أخلاق زوجج و ادبه و أنه لا يمكن يفكر في يوم بوحده ثانيه غيرج أبد .. :):) فجأة أكتشفتي أن صديقتج المخلصه و الي أنتي تفضلينها على باقي صديقاتج و ترتاحين معها وايد على علاقه مع زوجج الي أنتي تحبيييينه حييييييل ...

شوووو يكون شعورج (u) تحسين بخنجر أنغرس في ظهرج تحسين أن شيء أنكسر (u)(u) شعور لا يمكن تتصورين إلا إذا جربتيه .. :(


هذا هو حال صديقتج إذا درت ( و طبعاً هي أكييييد الحين ما تدري بالي بينج وبين ريلها ) لان زوجها مخبي عليها هذا الأمر و أنتي بعد ما ودج أن ربيعتج تدري ( صح ) ... حبيبتي ميثاء لو كان الي بينكم شيء عادي وما تخافون من إعلانه ما كان خفتوا أصلاً من أنكشاف الأمر أمام ربيعتج ولا فكرتي في كلام الناس .. ( صح ) ..


أنتي ذكرتي أن هذا الريال ذا أخلاق عاليه و و و و ألخ ..

و ستنتجتي هذا من خلال كلام زوجته عنه ( صح ) .

بس أنا برأي أن هذا الرجل من دون أخلاق .. يجري وراء شهواته .. و كما أني أظن أنه من النوووع الي عينه زااااااايغه وايد على الحريم .. لدرجة أنه أتجرى يكلم صديقة زوجتة .. يعني على أقل شيء الواحد يتجنب صديقات زوجتة موب يجري وراهن .. :mad:

حبيبتي أنتي لما حسيتي أن هو يبغي يكلمج ويتعرف عليج و يكون بينكم صداقه ( أو علاقة حب ) . حاولتي تصدينه ولكن هناك صووووووت و كان هذا صوت ( الشيطان ) قال خلج تشوفين شو يبغي منج و بعدين خلاص ما بتكلمينه مره ثانيه ولكن أصبحت المرة تجر مرة .. :(


أتمنى منج حبيبتي تفكرين في الموضوع بشكل أكثر جديه .. وبعيد عن الرمانسيه و المشاعر الي أنتي غرقانه فيها الحين ..

لان أنتي حالياً إذا تميتي على هذا الوضع معناته أنج راح تبنين قصر سعادتج ( كما تظنين ) على حساب تعاسة إنسانه .. :(

أختي نعم من حقك أن تكون سعيداً .. ولكن ليس من حقك أن تكون سعادتك على حساب أحزان الأخرين .. :(:(

و فكري في هذي العلاقه من الناحية الشرعيه ..

هل نسيتي قول الله عز وجل في عليائه (( وَلاَ مُتَّخِذَاتِ أَخْدَانٍ ))

الأخدان جمع خدن ومعنها الصاحب أو الرفيق ..

ولا تنسي حبيبتي إذا تزوجتي من هذا الرجل فهي بداية التعاسه و نهاية السعاده بالنسبه لكي .. ( قد يكون هو قد رسم لكِ حياة خياليه مليئه بالرمانسيه و الحب ) .. ولكن تأكدي أنه حالما ينالك و تصبحي بين يديه .. سيكرر هذا الرجل الخائن ما فعل مع زوجتة الأولى ولكن هذي المرة ( معكِ أنتِ ) .. فهو ما أن يوقع فريسته يتجه لفريسه أخرى .. ستختلف الأدوار و يختلف الأشخاص ولكن نفس السيناريو سيتكرر ..

أنا لا أظن أنكِ ستسعدين معه أبداً ربما بسبب دعوة صادقه ( من زوجتة ) كفيله بأن تدمر حياتكِ ..


أخيتي في الله أقطعي هذي العلاقه فووووراً و ذكري ذلك الرجل بالله تعالي .. و أن عليه أن يرجع لزوجتة ويحفظها .. ولا تنسي أنه كما تفعل يُفعل بك يوماً ..


لج مني تحياتي

يا صباح الخير والورود



مثيه هلا أدري انه حلال بس في شقاق


شوفي ليش الإسلام حرم جمع الأختيين لأنه في شقاقا وقطع الرحم
انزين مثلا هي ربيعتج وأهلج يعرفون أهلها بتنقطع العلاقة :rolleyes:

هنا في شقاق بين الاسرتين وبينج وبين ربيعتج


وبعدين قلت لج اذا هو زييين يعدل بينكم فلا حرج

لكن غير جذي انسي وبعدين والله لو واحد بتاخذينه وهي مب ربيعتج كنت قلت خذيه عادي بس استخيري
وحتى على ريل ربيعتج اسخيري وبعدين ما سمعت انج استخرتي استخيري صلي ركعتين وادعي لربج وان شا الله يوفقج تحياتي يالغالية

مدري وشلون اشكركن من جد فكرت في هالحلول ..............
امس استخرت ربي لكن قمت مشتاقه له وبالحيل وشو يعني هذا

بعدين هي مو صديقتي مرررررررة هي مجرد زميله لا غير

والله ادري انه صعب وصعب وايد وحطيت نفسي مكانها بس انا مااريده يطلقها بالعكس ابيه يحطها بداخل عيونه ويعاملها احسن مني واكثر

:confused:

:(:(

أختى تعوذي من الشيطان ..

الريال هذا يلعب عليج .. (u)

و على فكرة الإستخارة أقصى حد لها سبع أيام .. و الله يصرف فيها الأمور كما يشاء.. يعني هي موب شرط تكون حلم او شعور نفسي .. لالالالا ..


أتمنى تفكرررررين في الموضوووووع بجددددديه أكثرررررر ..

مامعناته أن تكوني زوجة ثانيه لرجل وهل أنتى مستعده لتحمل كل ما سيأتيكِ في مقابل الزواج من هذا الرجل .. (u)

الظاهر أنج تفكرين بقلبج بس .. و صدقيني بتندمين .. (u)

أنا ما أردت إلا النصيحه ..

يالله الله كريم ..


تحياتي :(

انا مع اختى وهج المشاعر بكل كلمة قالتها..
وانا اقولج يا اختى اتقى الله بنفسك ..
وحرام تبنين سعادتج على حساب تعاست غيرج..
وبعدين لا تنسين الدائرة تدور والله فوق :(

تحياتى

مسكينه ربيعتج بطيب نية تمدحج جدامه و هي تمدحه جدامج يعني تشوفينها صح إنج تكسرين قلبها و هي تشوفج مثال الأدب و تحبج و تعتبرج صديقتها كان لازم ما تكلمين ريلها و تصدينه من البدايو مب تشوفينه شو يريد

تخيلي لو إنت مكانها كم بتكرهين الحرمة اللي كنت تمدحينها و تقدرينها

يعني قلبها بينكسر من الطرفين زوجها و ربيعتها فكري أكثر و كلمي ريل ربيعتج و خلي يعقل قوليله عندك حرمة ما تستاهل الأذية منج و الأهم منه.

تحياتي
:eek: :eek: :confused:

وانا بعد مع اختي وهج المشاعر

هذا الريال يلعب عليج ومثل مالعب معاج اليوم اليوم راح يكرر نفس

السالفه مع غيرج اذا تزوجتينه لانه انسان خاين ومب مخلص

ابد وعيونه زايغه يعني من النوع الي يحب الحريم واليوم وياج

وعقب ما يحصل اللي يباه منج بيدور على وحده ثانيه

وهذا كله تحت مسمسى الزواج عشان يضفي الصفه الشرعيه

بعلاقته وصدقيني ان انتي خذتينه ماراح ترتاحين وياه

ويكفي دعوات زوجته اللي هي ربيعتج راح تهدم السعاده اللي

انتي تتخيلينها وان هذي مب سعاده ولكنها نزوه في اطار شرعي

صدقن كرهت نفسي مااتخيل عمرى بهالانانيه .............

:confused: :confused: ماقصدي اسلب ريلها ؟؟؟؟؟؟

ادري انه الدعوات بترد لى :confused:

بس الله يعيني بشوف حل وبالتدريج بتركه :confused: :confused: :confused:

وشو بلاني بالحب ماكنت مرتاحه

أنا مع كلام الخوات دوسي على قلبك وعصري الألم وبتعدي عنه وحاولي تشغلين نفسك عن التفكير فيه وخليك رزينه وبتلاقين ألف رجال محترم ويصونك
وبعدين مافي رجال محترم يحب من ورى زوجته .. صحيح إذا قالو الحب أعمى أنتي تشوفينه محترم بس الحقيقه غير كذا
فلا تستعجلين وتندمين :mad: :mad: :mad: :mad:

حبيبتي الغاليه ميثه ..

اللي فهمته من موضوعج هذا اصلا انتي مو مرتاحه لانج باختصار اذا كنتي مرتاحه من السالفه كنتي بتقدمين على هالشيء دون ان تأخذين راي اي شخص صح ..؟؟؟

بس انتي فكرتي وهذا شيء طيب منج ...

اختي فكري في هالاسئله اللي بسألج :

1. اختي هل زوجته وحده زينه ؟؟؟



واذ كان جوابج بنعم فعرفي انه ما يصح حتى يكون انسااااان فكيف يخون وحده زينه ومحترمه وهذا يدل انه بعد زواجج منه راح يتعرف على وحده جديده صــــــــــــــح....؟؟





2. كيف يقدر يرمسج اكيد يكذب على زوجته على اساس مثلا هو مواعد واحد والا هو مشغول صــــــــــح




وهذا شيء يدل ايضا على كذب فالرجل الذي يكذب على اقرب الناس له فسوف ياتيه يوم ويكذب عليكي



اختي والله انا خايفه عليج وااااايد وياريت اختي تبتعدي عنه وانا اقول بان الله كريم وانه سوف يعوضك خيرا ان شاء الله فقد اصبري ...
اختي ابتعدي عنه وقولي لنفسج حــــراام الذي افعله وبعده ان شاء الله ربي سوف يتولى لكي وزقكي على الله



اختكي في الله

(y) (y)

كلامج صحيح 100% يا أخت المكابره :)

أختي ميثاء تذكري .....


أن من ترك شيء لله عوضه الله خيراً منه ..


إذا تركتي هذا الرجل و أنتي تبتغين مرضات الله وحده عوضك الله خيراً منه ..

فلربما كان هذا العوض قريب بزوج صالح يصونكِ ويرعاكِ ..

أختي تذكري بعد أن علاقتج بهذا الرجل في الوقت الحالي ( حرااااااااااااام ) ولا تجوز لكٍ .. فأنتي تتكلمين مع رجل من غير ذي المحارم و تضاحكينه و تمازحينه ولربما تجالسينه أيضاً ..

أُخيتي في الله أتقي الله ..

فإنه من يتقي الله يجعل له مخرج ..

قال تعالى (( وَمَن [COLOR=crimson]يَتَّقِ اللَّهَ يَجْعَل لَّهُ مَخْرَجاً (2) وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً (3) .... ))

تمنياتي لج بالتبصرة و السداد :)

تحياتي [/COLOR]

ميثاء حبيبتي
انتوا الحين بسكرة الحب باجر لا تزوجتوا بتصحوا من الغفله اللي انتوا فيها
صديقيني
مجرد سكره
وانتي بتندمين لانج خنتي زميلتج
وهو ريال ممكن يروح عندج ولا عندها
اما انتي مالج غيره اذا خذتيه

فكري زين
ولو خذتيه هل انتي مستعده انج تتحملين تتزوج نص ريال
نص لج ونص لها
وبتتحملين تأنبيب الضمير؟

فكري زين واستخيري

بتندمين .. بتندمين .. بتندمين ..
والله العظيم بتندمين انج خذيتيه ... وحرام عليج ربيعتج ...

اتعوذي من الشيطان الرجيم وبتلاقين واحد أحسن عنه بمليون مره ..

حرام اختي لازم تتركينه لان هذا الشيء راح يدمر صيقتكِ

وراح تلقين واحد احسن منه