زوجي يبي يجيب زوجته الاولى ويقعدها معانا ببيت واحد

هلا اختي
اعتقد انه دام رضيتي تتزوجين واحد عنده مره اكيد كنتي تدرين انه المشاكل راح تواجهج...
يمكن رايي صريح ويجرح بس هذا الواقع ..خلي ريلج يسوي اللي يبييه وانتي اهتمي فيه وبولدج ولاتقصرين بحقهم ومرة ريلج الاولانيه حاولي تكسبيها اذا كانت طيبه اما اذا كانت العكس حاولي انج تتحاشينها
شكرا

ستحملي ياالغلا ,,,,, انتي الي جبتيه لنفسك ,,,,,, انتي رضيتي تكسرين قلب وحده وشاركتيه في زوجه ,,,,,,,

واللحين ماتبغيه تشاركي في بيتك ,,,,,, البيت غير وزوج غير ,,,,,,, من اول ماتدخل البيت عامليه بالحسنه عشاان تعاملك بالحسنه ,,,,,,, ولاتخلين بيتك يسير عذااااب لزوجك ,,,,,, بسبب المشااكل بينك وبين زوجته الاولى ,,,,,,,

موفقه

يتهيألي هذي فاتورة ما استلمتيه مقدماً ..

أنت تزوجتيه من قبل و كنت تعلمين أنه متزوج .. و هي تقبلت الأمر بشكل أو بآخر ..

فعليك الآن أن تتقبلي و جودها في (( بيته )) و هو له مطلق الحرية يسكن فيه من يحب .. فما بالك بزوجته !!

طالما أنها ما سوت لك مشاكل و لا أذتك .. ما تقدري تقولي له حاجة

شي إضافي ..

إقناع الرجل ما يجي بالصياح و التهديد و الحلف .. لأنه الطرف الأقوى

و إذا حب يسوي شي ما في من يمنعه .. خصوصاً أن الرجال ما تخطي خطوة الا بعد دراسة و تفكير في العواقب .. مش مثلنا انفعاليات

الرجال يجوا باللين و الخضوع و المسايسة .. ما كان له داعي تتشنجي

ثم و عفواً ..

أنت أيش استفدتي لما قلتي اللي قلتيه ؟!!

و لا شي ..

زوجته الأولى قدرت ظروفه و طلبه و وافقت .. و طلعت أنتي الشريرة

و هو قالها لك .. قال أنت ما تحبيني يعني عكس الأولى اللي وافقت تعيش معي في أي مكان حتى لو عند ضرتها ..

خليك ذكية و حافظي على زوجك .. و فكري في مستقبل ابنك

اسمحيلي اختي

انتي رضيتي برجل متزوج وجرحتي قلب الزوجه الاولى ,, واهي اللي لازم تتعب مو انتي ,, لانه انتي اخترتي حياتك مع واحد متزوج ,, ف انا اشوفه انك ترضي بالامر الواقع

والله يصلح بينكم
واتمنى انك ماتزعلي من كلامي

حبيبتي كل اللي بقوله أنقال مالا داعي أعيده

بس ركزي " لاتخسرينه "

تصرفي بحكمه ولاتاحذين قرارج وأنتي منفعله

من وجهة نظري ان الرجل هو المخطي

وش يبا بوجع الراس

يوم ماهو قادر يفتح بيتين ليش يتزوج اصلا

وبالنسبه لك اختي اذا مصمم مررررره وافقي وخليك في حالك واهتمي بولدك وزوجك

ولاتدورين مشاكل معها واعتبريها ضيييييفه لانها في بيتك

أختي الغالية والحبيبة هون الله عليك

ويالغالية لايجوز قول بحق طفلي لأنها قسم بغير الله

وحروف القسم هي ماأتصلت بحروف القسم بالله سبحانه وتعالى

كقولنا ( بالله ـ وتالله ـ ووالله )

بارك الله فيك ووفقك لكل خير

اسمحوا لي جميعا اللي رديتوا عليها بكل قسوه

ماسألتم أنفسكم ليه هي قبلت تتزوج واحد عنده حرمه

اكيد الظروف اجبرتها

اي وحده تتمنى انها تتزوج واحد ماعنده احد غيرها

بس الظروف تحتم عليها هذا الشيئ

لازم نفكر بالموضوع بتجرد هي عندها ظروف خلتها تتزوج شخص متزوج

ومن حقها تسكن في بيت شرعي مستقل حتى لو عنده 4

اسمحوا لي يااخوات انتم غلطانين

حبيبتي شوي شوي على عمرك
طيب ما سألتيه شنو السبب يبي يجيبها جنبك؟؟؟؟؟؟؟؟
طبعا انا ابد ما أأيد زوجتين في بيت واحد الله يساعد قلوبكم اثنينكم
بس في حالتك هذا شر لا بد منه
بس انتي للاسف بينتي لزوجك انك انتي الرافضه والعصبيه من الحين وخليتيه يقول انا خايف منك من المشاكل
اذا كان له اسباب وجيهه بانه يجيبها مثلا انه تعب ماديا او انه ما يقدر يسيطر على الوضع
بقولك انتبهي لا تخسرينه ومبين الزوجه الاولى ماهي سهله لدرجة اقنعته انه يجيبها معك
انتي خلاص دخلتي هالدوامه وهالتحدي وانتهى الموضوع ارضخي ووافقي علشان حياتك لا تتدمر
واذا فتح معك الموضوع قولي له اهم شي عندي بهالدينا انك تبقى جنبي وسوي الي تبيه
ويمكن تصير معجزه ويغير رأيه بس اذا صار النصيب وجابها حـــــــــــــــــــاولي تتحملين قد ما تقدرين
وحاولي تبيني انك انسانه اصليه وطيبة وبنت اصول وعامليها بالحسنى
واتمنى من ربي تكون هي بعد انسانه طيبه وتعاملك بالمثل
والله يعينك
بس انتبهي تصرين على الرفض تدرين ليش؟
هي المجروحه وهو يحس بالذنب اكيد اتجاها دام هو يخاف الله
فلا تخلينه يحس انه غلط يوم تزوجك بالعكس اثبتي له ولها انك تستاهلين تكوني زوجه له وانه ما غلط ابدااااا
والله يسخره لك انشالله
تحياتي

الاخت المجدليه انا رديت على الموضووع بعد تفكير ومااعتقد انو الكلام الي قلته غلط مثل ماتقوولي وعممتي على الكل ,,,,, هي رضية تشاارك وحده مالها ذنب وبنة سعااادتها على حساااب غيرها ,,,,,,, صح ولالا ,,,,, حتى لو كان لها ظروفها الخاصه ,,,,,, اللحين الي صار صار ,,,,,,, وانتي يااختي صااحبة المشكله حااسه فيكي واحساس صعب لمن تعيشي مع زوجته في بيت واحد ,,,,,,, بس انتي الي جبتيه لنفسك ,,,,,,,, استحملي عشاان عيوون ولدك ,,,,,,, وان شاء الله ماتطوول عندك ,,,,,,, واستحملي يالغاليه ترى كل بيت فيه مشااكل ,,,,,

الله معااكي وساامحيني لو ردي الاول او الثااني ضاايقك

اختك ام يارا

تحياااتي

اختي انا بقووووول رايي بكل صراحه واتمنى انك ماتزعلين
إذا قرر زوجك يجيب زوجته الاولى هذا مافيه شي لان الزوج مهما تزوج يبقى يحن للاولى مهما صار وانتي جبتي هالشي لنفسك وماعليك الان الا انك تتركينه براحته و وكلي ربك سبحانه وتعالى والزوجه الاولى بصراحه لها الاولويه ان زوجها يكون معها ولو كنتي محلها كان مارضيتي زوجك يتزوج عليك

**ام يارا**;6042272:
ستحملي ياالغلا ,,,,, انتي الي جبتيه لنفسك ,,,,,, انتي رضيتي تكسرين قلب وحده وشاركتيه في زوجه ,,,,,,,

واللحين ماتبغيه تشاركي في بيتك ,,,,,, البيت غير وزوج غير ,,,,,,, من اول ماتدخل البيت عامليه بالحسنه عشاان تعاملك بالحسنه ,,,,,,, ولاتخلين بيتك يسير عذااااب لزوجك ,,,,,, بسبب المشااكل بينك وبين زوجته الاولى ,,,,,,,

موفقه

السلام عليكم ورحمه الله وبركاته


(وما كان الله ليعذبهم وأنت فيهم وما كان الله معذبهم وهم يستغفرون )

وقال رسوله الكريم

"من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب"


اختي مشكلتج صغيره ان شاء الله

بس اعلمي بان ما اصابج هو ابتلاء من الله

فمن رضى فله الرضى ومن شخط فعليه السخط..


وانتي احتسبي الاحر عند الحي الذي لا يموت

وما بقولج غير


ان بيت النبوه كان هناك ما لا يقل عن 9 ضرات

وكان بينهم مشاحنات وغيره

ولكنهن تعايشن مع بعضهن كاخوات

واعلمي ان قلب الرجل يتسع لاربعه نساء.....وهذا الذي اكده العلم الحديث منذ فتره قريبه..

وانتي الكسبانه لو صبرتي وتعايشتي مع الضره اختي الكريمه


والقرار راجع لج فالنهايه....

ونحن مجرد مرشدات ومساعدات لج في اتخاذ القرار

هلا أختي ..
ما راح انضم للأخوات و اقول جبتيه لنفسك ( لأن اللي يده في الماي غير الواطي على الجمر ) ، و ما أعتقد فيه وحدة راح تاخذ رجال عنده زوجة لمجرد إنها فاضية ما لقت لها شي غير تاخذ الرجال من زوجته ، الله يصبرك على اللي إنتي فيه .....

بس أنضم لهم في نقطة ، و هي إن عندك طفل .. لازم تتحملي عشانه أي شي يصير ، و الموضوع إنتهى الآن و لا فيه إعادة نظر ، بسلاحظتك قلتي ( زوجته الأولى ) و ما قلتي عيالها ، لو كان ما عندها أطفال راح يكون الوضع أسهل لك ... بس في كل الأحوال هي زوجته ، و معليش لو جرحتك كلمتي بس هي الأصل ، هي أول الأحلام و الآمال .. و إنتي جيتي بعدين ، لو كان بيتكم كبير حاولي تقنعي زوجك مثلا إن يكون لك طابق و يكون لها الطابق الثاني ، و عامليها بالحسنى و تصبري أولا تقرب لله بطاعة زوجك ، و ثانيا عشان طفلك يتربى في جو بعيد عن المشاكل ....

مريــم نور;6042434:
يتهيألي هذي فاتورة ما استلمتيه مقدماً ..

أنت تزوجتيه من قبل و كنت تعلمين أنه متزوج .. و هي تقبلت الأمر بشكل أو بآخر ..

فعليك الآن أن تتقبلي و جودها في (( بيته )) و هو له مطلق الحرية يسكن فيه من يحب .. فما بالك بزوجته !!

طالما أنها ما سوت لك مشاكل و لا أذتك .. ما تقدري تقولي له حاجة

شي إضافي ..

إقناع الرجل ما يجي بالصياح و التهديد و الحلف .. لأنه الطرف الأقوى

و إذا حب يسوي شي ما في من يمنعه .. خصوصاً أن الرجال ما تخطي خطوة الا بعد دراسة و تفكير في العواقب .. مش مثلنا انفعاليات

الرجال يجوا باللين و الخضوع و المسايسة .. ما كان له داعي تتشنجي

ثم و عفواً ..

أنت أيش استفدتي لما قلتي اللي قلتيه ؟!!

و لا شي ..

زوجته الأولى قدرت ظروفه و طلبه و وافقت .. و طلعت أنتي الشريرة

و هو قالها لك .. قال أنت ما تحبيني يعني عكس الأولى اللي وافقت تعيش معي في أي مكان حتى لو عند ضرتها ..

خليك ذكية و حافظي على زوجك .. و فكري في مستقبل ابنك

بس ملاحظة قبل لا ابدا في كلامي، ومعروف عني اني احب الملاحظات:
1. الحلف بغير الله شرك فلا تحلفين بابنج او بزوجج او بطوايفج
2. تذكري ان البيت اللي انتي فيه مو بيتج، بيت زوجج
3. اذا زوجج اجا يبي يناقشج لا تقولين له هذي كلمتي وخلاص، الريال ما يحب ان المرة تفرض رايها عليه

ابي اسألج كمن سؤال:
1. هل شكى لج من زوجته الاولى شي؟ يعني عصبية، شريرة، ملسونة، متكبرة وتحب التملك؟
2. هل بيتج صغير جدا لدرجة انج ما تقدرين تستقبلينها في بيتج؟
3. هل كنتي غافلة عن زواجه الاولي قبل لا تتزوجينه؟
اذا كانت كل اجوبتج لا فاسمحيلي اقول لج مالج حق ترفضين جيتها لعندج، يمكن زوجج ما عنده مكان يقعدها فيه، او انه محتاج فلوس فببيع بيتها، او اسباب ثانية المفروض تساعدينه فيها وتوقفين معاه وتعرفين اسباب تصرفه هذا...
وما تدرين يمكن جيتها لعندج فيها خيرة، مثل وحدة الله يرحمها من تزوج عليها زوجها ثااارت بس لما جاب زوجته الثانية عندها تقول تحسفت لاني كنت رافضة جيتج لعندي، قامت تشيل عنها عبء كبير من البيت والعيال حتى!
مادام انتي كنتي راضية تكونين الثانية فكان المفروض تتوقعين هالشي من الاول وما تثيرين المشاكل بينج وبين زوجج بهالطريقة...
ونصيحة.. اذا كنتي تبينه يحبج ويحترمج وتكبرين في عينه فوافقي اما اذا تبينه يعز الاولى اكثر فهذا شي راجع لج

ما عليج من كلام البنات اللي يقولون هذه ضريبة اللي توافق تكون الثانية الله يهديكم على هالتفكير
احنا مسملين
والاسلام دين عدل لو تعدد الزوجات فيه ظلم لزوجة الاولى او الثانية ما كان حلله الاسلام
هل انتي شرطتي انج تكونين في بيت بروحج لما وافقتي على الزواج؟ وهل بيتج طابقين ممكن تقولين له الطابق اللي فوق لج والطابق اللي تحت لها والا بيسوي ملحق برا لها؟ شوفي شلون بيكون الوضع واصبري وان شاء الله ربي يرزقج ويرزقج زوجج الخير

الله معاج..

في البدايه .... احب اقولج شئ ،، انتي بما اتج رضيتي تتزوجينه وانتي عارفه انه متزوج ،، عيل لازم تتقبلين هالشئ ..

ودام انه وااااافق اييب زوجته الاولى ،، يمكن لان ظروفه مب مساعدته انه يخليكم في بيت مستقل ،،فغصباً عليه ،، او يمكن علشان العيال ما يبي يبعد عنهم فحب انه يجمعكم ... وحلوو في الموضوع انه بتي بيتكم مب انتي الي راح تروحين لهاا ..

واذا انتي بيتج كبير عطيهاا مثلاً طابق او كم من غرفه تكون بعيده عن غرفتج ..

ارضي باللي انتي فيه عزيزتي وانا حاسه فيج ،، مع اني مب متزوجه بس يالسه اتخيل ومب متقبله هالشئ ..

وهو قالج انتي ماتحبيني ،، لانج مارضيتي في قراره وعارضتيه .. وزوجته الاولى رضت ووافقت تي وتقعد عندج ،، صح هالشئ صعب عليج ،، بس حاولي انج تكسبينه بطريقتج الخاصه ..

لا تكونين ضده .. خليج ذكيه .. وتعاملي معاه بعقليتج مب بقلبج ومشاعرج .. صدقيني بتتعبين ..