جييف حالكم
عسى الجميع بخيــر ؟
بصراحه هاي الاكله بيديني
بس صار لها فتره وعندي جم اكله
بنزلـهم كل يوم موضوع ..
اتمنى ان يعجبكم مع التصوير و بالخطوات والتفصيل المملـ
يالله بسم الله الرحمن الرحيم
برزو معاي المقادير :
المقــاادير:
صحن دجاج مفيووح (( مسلوق )) و بعدين نفتفته
3 طماطات مقطعه صغـاار
2 فلفل رومي (( فليفله الكباار )) انا حطيت احمر و اخضر وانتو بكيفكم
جزر حسب الرغبه
بصله مقطعه
ثوم مدقوقـ
ملعقه صلصل الطماطم
كيس توست [ روتي سليس ]
البهـارات :
قطعه ماجي حسب الرغبه ( دجاج او خضره )
كزبره
فلفل اسود
بالاضافـه الى ..
كـأس مااء
فطر حسب الرغبه
مقاديــر الصلصهـ :
1 قيمر ( قشطه )
بيضه
4 حبات جبن كيري
ملاحظـه :[[ انا حسيتهم شووي حطيت 2 قيمر و 6 حبات جبن كيري و صـار مضبووط ]]
نحط مقادير الصلصه في جيكـ الخلاط
وخلوه علـ جنب لين مانستعملهـ
... ... ...
الطريقه :
في شويه زيتـ نحط البصل مع الثوم و نخليه يتحمر
و بعدين نظيف عليه جميييييع المقادير ماعدا مقادير الصلصه والتوست خلوهم بعييد
و نحمسه شووي و بعدين نغطيه بروحه يستوي
... ... ...
علـ صووب،
نييب بايركس زجـااج
و 1 كيس سندويش سليس (( توست ))
و نحط شويه من الصلصله في القااع (( اسفل البايركس )) علشان يتلصق الروتي
و نصف الروتي فوقهـ
و بعدين نحط خلطه الدجاج و نصب شووي من الصلصه و فوقه نرد نصف روتي و في الاخير الصلصه بطبقه متينه
و ندخله الفرن .. خلوه مبطل من فوق و تحت يعني حراره من الصوبين
اممم خلووه شووي على مايتحمر
انا احترقت شووي الطبقه من فوق غفلت عنه لانه
و شلت القشر المحرووق :: يدها تحكهـاا << ::
و قصيت لكم قطعه .. علشان تشوفونها بشكل اوضح
يالله ..
بســـــم الله
وهنـــي وعافيه