و عليكم السلام حبيبتي..
سامحوني ع التأخير...
صدق الحين بس شفت الرسالة و الموضوع.. جان استحي :o:o:o
مشكورة حبيبتي الكونتيسة.. على ثقتج يني و اخيارج.. وسام أفتخر فيه :) :D
هل تتبعين الموضه في أثناء تبضعكِ حتى وأن لم يناسب ذوقكِ العام ؟؟
أتبع الموضة الى حد ما.. مو تبعية عمياء..
اشوف شو اللي يناسب ذوقي و جسمي و شخصيتي و...الخ
بس ترى انا مو النوع اللي ماله لوك واحد أو لون واحد .. :wink:
مرت فترة كنت ألبس فيها الغجري.. و بعدين كلاسيك.. و بعدين الفنتيج مل ال70's.. الخ
اذا أحب قطعة لبس أو حذاء أو شنطة أو عباية..بلبسها حتى لو موضتها انتهت..
ع العكس أصير مميزة.. و معروفة بين صديقاتي و أهلي بأني أبتكر حركات في اللبس وبعدين هم يتبعونها.. مو غرور ترى (استغفر الله)....:)
مستحيل أشتري شي الا و أنا مقتنعة فيه... أحب أتسوق لوحدي حتى ما يؤثر رأي غيري على اختياراتي..
ما أحب استعجل بالشراء.. أخذ وقتي..
بالعادة يكون ببالي لون أو شكل قبل لا أنزل السوق.. ممكن أرجع بخفي حنين.. عادي:wink: المهم أقتنع.. مو حي الله أي شي يعجبني..
أحيانا أشتري أشياء اذا تعجبني بامحل:D
هل تحبين الألوان الصارخه أم الهادئه في الميك أب للمناسبــــات ؟؟
الصارخة>>>no way.. مستحيل باي حال أحطها.. أصلا ما تليق علي..:(
أحب الطبيعي.. الرقيق.. الناعم.. الدمج مضبوط.. الأساس نفس لوني.. بشرتي تكون مشرقة ..
لون ويهي و رقبتي و صدري متجانس.. الروج ناعم.. ما أحبه غامق..
ما أحب الكحل العريض .. و شدو أسود تارس الدنيا..
الناعم x ناعم
ماهي الماركة المفضله لديكِ في شراء الميك أب ؟؟
مممم.. ما في ماركة معينة.. هم مجموعة ماركات..خخخخخ
في الأساس أحب Guerlain...By Terry..Kanebo.. كلهم روعة للمناسبات
لليومي شيسيدو.. سواء الأساس أو البودرة..
البودرات..Guerlain..Kanebo..
الشدو..MAC..INGLOT..
الكحل..Makeup For Ever..MAC..
اللمعات..Makeup For Ever(star powders)
الأيلينر..Bobbi Brown
الأرواج و التحديد..Dior..Bobbi Brown
الغلوسات..Dior..Guerlain..MAC..INGLOT
الفرش..Bobbi Brown أولا.. Mac ثانيا
البلاشرات...Bobbi Brown..Dior..MAC..YSL
سوالف الدلع و حركات..Makeup for ever..MAC
ماسكارا..YSL..
كونسيلر..Bobbi Brown...YSL.
التفاصيل موجودة في موضوعي بتوقيعي :wink:
ماهي الألوان المفضله لديكِ أثناء أنتقاء الملابس ؟؟
ملحوظة.. تراني ألبس كل الألوان.. بس مو بكل الدرجات:wink:
بس الfavourite مالي.. الوردي الروز.. لموف.. الأسود.. التركواز.. البني..
بس عادتي ما ألبس لون واحد.. أخلط..
البس بني.. بلبس معاه برتقالي..أو وردي.. فستقي.. بيج.. تركوازي.. أصفر..و هكذا..
و الألوان حسب امزاج و الطقس و الوقت..
يعني مزاجي حلو.. بلبس فرايحي.. مو حلو.. غامق أو باهت..
الشتا ألوان دافيه ..أسود .. كحلي.. أخضر.. أحمر
الصيف.. فاتح x فاتح
الدوام ألوان رسمية و سادة.. و هيك :D
هل مسئلة تنسيق " الملابس .. والحذاء .. والحقيبه .. والأكسسورات " من حيث اللون والطراز مهم لديكِ ( بشكل كبير .. ليس دائماً .. لا تهتمي بذلك )؟؟
اشلون أكون منتهى الأناقة و ما أهتم .. !!:D:wink:
مالذي يجذبكِ أكثر فيـ القطعه الملبسيه والحقائب و الحذاء هل الشكل (( الديزاين )) أم السعر ؟؟
أكيد الشكل العام و اللون..
أما السعر.. يا ما خذيت أغراض بدون ما اشيك السعر الا و أنا عند الكاشير :o
الله يخلي الvisa card.. ما أتوب :tongue:
لازم أشوف شكلي بالقطعة قدام المراية حتى الشنطة و الجوتي بعد..:)
مانوع الكريم الذي تستخدميه لبشرتك ؟؟
دايما أغير.. ما عندي ولاء لماركة أو كريم معين..:o
أصلا التغير مطلوب .. لأن البشرة اذا تعودت ع كريم ما راح تستفيد منه..:eek:
حاليا للنهار أستخدم كريم من شانيل مل Energinzing .. الخط الجديد مالهم
و الليل من sisley.. بالشيا..
و اثنيهم حلوين.. و مرتاحة عليهم..:)
أثناء خياطة ثوب لمناسبه 00 تتركِين الأمر للمصمم أو المصممه بحيث يختار الموديل المناسب للقماش ؟؟
ما أخلي شي لحد... أعطي المصمم أفكاري و هو يصمم.. و نقعد نعدل و نغير ليما أستقر ع الشكل النهائي...مستحيل أخلي يسوي ع كيفه.. لأني أعرف ايش يناسني.. و مو أي شي يعجبني..:)
بس أتقبل النقد و الاقتراحات بصدر رحب :cool:
ماهي قصة الشعر التي تعجبكِ 00 وماهي قصة شعركِ الحاليه ؟؟
أحب المدرج اللي لحد الكتف.. و هي تليق علي و هي قصتي الحالية
هل تعتني بشعركِ بإستخدام زيوت خاصة أو غيرها وماهي ؟؟
أعترف أني مو وايد أهتم بتغذية شعري بالزيوت و الماسكات..
أكتفي بنوعين من الشامبو.. و كوندشينر..
بالمقابل ما أصبغه كثير.. يمكن مرة كل 3 سنين.. :eek:
ما أعرضه للاستشوار.. و سوالف التمليس و التجعيد..:)
هل ترغبين في تغيير لون شعرك بين الحين والأخر ؟؟ وماهو لون الصبغه المفضل ؟؟ وماهو لون شعرك الحالي ؟؟
طبعا.. أنا أحب التغيير و تجربة الجديد.. ما أصبغ الشعر بالكامل.. أكتفي بالهايلايت..
أميل لاختيار درجات الكراميل و العسل.. لأنها تناسب لون شعري و بشرتي..
شعري لونه الطبيعي بني مع احمرار خفيف.. قبل شهر و نصف سويت له هايلايت لونين عسلي و كراميل.. طالع و الحمد لله woooooooooow بشهادة الكل
هذي قصتي الحالية و الصبغة شوي أغمق من هذي..
هل تميلي الى الشعر المموج أم الشعر الأنسيابي في تسريحه ؟؟
مثل ما قلت قبل.. أنا وحدة غرامها التغيير..
اسوي الاثنين.. مع انه أكثر من الانسيابي .. لأنه شعري طبيعي انسيابي ..
ما يمنع اني أجعدها بالكامل أو بس أطرافه.. ألمه.. أفتحه.. أرفعه.. أنزله.. تبع كله :wink:
هل يهمكِ في المناسبات أن تكوني ملكة الحفل وتذهلي الحضور بـ أناقتكِ وجمالك ؟؟
أكيد.. أكيد.. أكذب لو قلت لا..:wink:..خخخخ
بس اذا رايحة عرس ناس ما بيننا علاقة قوية... أكتفي بأناقة سيطة.. ما أحب أتأنق بزيادة بأعراس ناس ما أعرفهم.. أو معرفتي بيهم بسيطة..
ما هو الاكسسوار الذي لا تستغنين عنه في كل مناسبه؟؟
يعتمد على المناسبة...خخخ
اذا عرس أو لمة بنات.. الحلق و القلائد أهم شي.. حفلات يعني..
اذا طلعة مسائية.. يعني باللحاف و العباية.. شنطتي حبيبتي.. دبلتي و ساعتي..
حق الدوام..الساعة و البروش..:)
ماهو عطرك المفضل؟؟
عطري المفضل.. من YSL اسمه Opium..
رائع .. الغريب ان كثيرين ما يحبونه.. مع انه عطر كلاسيكي.. مميزه ريحته..
توابل على حمضيات.. خلطتي المفضلة..:tongue:
من هو مصممك المفضل؟؟
فترة كنت أحب تصاميم ايلي صعب.. بس صار مؤخرا يصمم باستايل الأوربيين..:(
حاليا تعجبني تصاميم زهير مراد..
هل تفضلين الملابس الرسميه او السبورت؟؟
حسب المكان.. و المناسبة..
للطلعات و الدوام.. يستحيل ألبس جينز و بودي..ألبس تنورة أو بنطلون (Trousers)..
أو بدلة أحيانا..
بالبيت و السفرات و الرحلات.. أحب أكون خفيفة و مرتاحة.. ألبس الجينزات و قمصان قطنية أو بديهات..
ماهي صفات المرأة العربيه بنظرك؟؟
المرأة العربية عامة و المسلمة خاصة بنظري.. جوهرة ثمينه.. مو أي حد يلمسها و مو أي يشوفها..
في نسوان يعتبر احتشام المرأة و حجابها تخلف و رجعية..
بنظري يصونها و يحقضها مثل ما الخزنه الثقيلة يحمي المجوهرات..
المرأة العربية كلها أنوثة و عراقة.. كلها دفئ ..
ألوان ملابسها غنية .. ريحتها راقية..
الحضارة الشرقية.. غنية.. مو مثل الحضارة الأوربية.. سطحية و باردة.. قارنوا ملابسنا التقليدية و ملابسهم هم..
هل انتى شخصيه مرتبه؟؟
أي نعم.. سوبر مرتبة..
ملابسي مرتبة في الدولاب حسب المناسبات .. ملابس الدوام.. ملابس الطلعات.. ملابس السبور.. الفساتين و السواريهات.. البدلات.. الجلابيات.. و هكذا..
كل مناسبة بعدين متبة حسب الألوان.. البنيات ويا بعض.. الورديات.. الأخضر..الخ..
كتبي مرتبة حسب نوعها.. الروايات.. كتب IT.. كتب الBusiness.. كتب علم النفس..الخ..
مكتبي مرتب.. مواعيدي مرتبة..
ماذا تفضلين المستحضرات التجميليه ام المواد الطبيعيه للبشرة؟؟
أفضل التجميلية...لسببين..
1. أكسل أسوي خلطات.. و انا طبعي مستعجلة.. و الطبيعي تأثيره يطول ليما يظهر..
2. ما أحب استخدم النعمة للتجميل..
3. أدري قلت 2.. :wink: الريحة.. كثير من المواد الطبيعية ما أحب ريحتها مثل البيض و الحناء..
من هي الشخصية المشهوره التي تجذبك أناقتها ?
أحب لبس Jennifer Lopez.. مميز و أنيق.. مو فاضي و مو مبهرج..
بتضحكون علي.. تعجني مقدمتين على BCC برنامج اسمه What not to wear..
اسماؤهم سوزانا و ترينيتي.. أحب أزياؤهم .. تميز بحد ذاته..:wink:
ممـكن تحطين لنا أي فستان أو تايور أو ... حسب ذوقـــك .. من أي موقـــع ..المهم يكون مناسب لك ولذوقـك .. !
حاضرين..
تعذرني الأخت Noor البحرين على اختلاس الصور :wink:
اختار اللي بعدي ... روح البحرين..
عذروني ع الاطالة :)
