قاموسي الخاص للخلطات المغربية لنعومة،صحة ونظارة الشعر...

اكيييد كل وحدة فينا بتعاني من مشاكل بالشعر سواء ( تساقط ، خفته ، تجعده ، القشرة الي مرة قاهرتنا...) والعديد من المشاكل الاخرى الي تتعلق باضطرابات الهرمونات بالجسم او التغدية السليمة ...او تعويض ما تلف بالنسبة للمرأة الحامل لانه ندري زييين انه المرأة بهالفترة بتكوون متغيرة 180 درجة وجسمها كله يحتاج لعناية قبل وبعد الولادة من اعلى الرأس الى اخمص القدمين ....
والحين جبت لكم مجموووعة خلطات لعديد من الاعشاب الطبيعية الي نسويها بحمامنا لنضارة الشعر وتقويته وبث الحياة فيه من جديد ....
تبدأ ب:
صحة الشعر وتقويته



-نجيب 200 غرام من عشبة القراص/القريص (او الحريقة بالداريجة المغربية) ونفرمها زيييين عقب كذا نطبخها في لتر من المي مع نصف لتر خل لمدة نصف ساعة من تم نصفيها ونحطها بزجاجة مقفوولة ... بعدين لما نبي نستعملها ناخذ قطعة قماش او قطن نببله بالمغلى ونفرك بيه الراس تم نتركه لمدة ساعة تقريبا ونتحمم واذا داومتيها.. الشعر يرجع احلى من الاول وبيصير قوي ما شاء الله ..
-فيكي بعد تسوين هالمغلى مع الحناء تخلطينها وتضعينها بشعرك لمدة 2 ساعتين بعدين سوي الحمام المغربي على كيفك...
-اما بخصوص التغذية واضبي على اكل الكرنب لانه عنده دور فعال في تقوية الشعر خصوصا اذا اكلتيه نيء..

تبين تعوضين شعرك المتساقط؟



-خذي قدر من عصير الجرجير (زريعة الكركاز بالدارجة المغربية او تحت نفس الاسم تلاقينه عند بائعي الكرفص والمعدنوس) وخدي الورد المجفف وعقب غليهم من تاني عشان تكون ريحة حلوة وسويها كمان بقطعة قماش او قطن وافركي فروة شعرك في الاماكم الي تساقط منها شعرك ...
-او نفس الشي تاخذين المغلى وتخلطينه مع الحناء وخليه بشعرك مدة ساعتين او اقل وسوي شاور ...

الحين تبين تمنعين شعرك من السقوط؟

الريحان او الآس:

الخزامى:


الصنوبر:


الكاليبتوس (الكينا)


-خذي اوراق شجر الكالبتوس(الكينا) والخزامى والصنوبر اجزاء متساوية +عصير حامضة وبعدين غليهم في لتر مي ودلكي بيهم شعرك مع قطنة او قطعة قماش
-او نفس الشي المي المغلى للاعشاب تسوينه ويا الحناء
-افركي شعرك بعصير البصل تدرين لانه يمنع سقوط الشعر لكن لازم تواضبين عليه أكيد..
-خذي عشبة الآس ( الريحان) غليها في قدر من المي سوي نفس الشي لشعرك وداوميها لانه تمنع سقوط الشعر وتطيييله بعد..

شعرك راح يرجع ليه لمعانه

-خذي صفار بيضة على حسب قوة شعرك اما بيضة او اثنين او ثلاثة افركي بيه شعرك وخليه بعض الوقت بعدين اغسليه بمي سااخن ونظفيه بعد ذلك بماء مع قليل من الخل او عصير ليمونة حامضة ..ممكن تسوين هالخلطة بعد حمامك المغربي يعني بعد لتسوين حنا او الطمي المغربي عشان يلمع بعدين ..

طولي شعرك بهالدهونات
ورق السمسم:


-اسألي عن دهن الآس او (زيت الريحان) خذي قطنة وافركي بيها شعرك من حين لاخر راح تلاحظين شعرك بدا ينمو ويطوول ما شاء الله ..
-خذي ورق السمسم واسحقيه بعدين اخلطيه بدهن الريحان وسويه براسك بعدين راح تشوفين الفرق بعد كدا استعمال .
-منقوع السمسم او مغلاه يطييل الشعر بشكل ملحوظ ويبسطه ويكسبه ليونة ولمعان

شعرك ملاحظة انه ضعيف ؟؟سوي الي بقولك عليه

بزر الكتان:

-انقعي الحمص ليلة او ليلتين بعدين خذي بس المي المنقوعة شللي شعرك بيه لانه عنده فعالية في اصلاح الشعر المتضرر.
-اطبخي بزر الكتان وخذي ميته المغلية واستعمليها دهن للعر راح تلاخظين الفرق بعد كدا استعمال انا متأكدة..

مشكل القشرة
-خذي اربع فصوص ثوم نيء دقيها وعقب وضعيها بقارورة بيضاء فيها كمية من الكحول الجيد وضعيها في الشمس مدة 10 ايام بعدين خذيها وصفيها وافركي بيها فروة راسك مرتين يوميا راح تزول باذن الله.
-خذي الشبة البيضاء دقيها وذوبيها في المي وافركي بيها فروة راسك عقب كل استحمام ان شاء الله تزول القشرة.
-اخلطي الملح والخل اجزاء متساوية واشطفي بيها شعرك عند الانتهاء من الاستحمام...

ملحوظة : الموضوع جهد شخصي لا اسمح بنقله دون ذكر المصدر والمنتدى طبعا...

اتمنى القاموس تستفيدون منه ان شاء الله ... ادعولي بس الله يجزاكم بالخير