مساعدة.. فن الضيافة

بسم الله الرحمن الرحيم
كيفكم عرايس؟؟ انشاء الله تكونوا بخير

حبيباتي انا بغيت اسال عن اصول الضيافة.. معليش ماني شاطره فيها
يعني لمن يجينا ضيوف ايش المفروض أقدم أول؟؟ و مع ايش اقدم؟؟
و ايش الأشياء اللي ممكن لو سويتها تكون عيب؟؟ زي اني عرفت ان بعض الناس اذا مليت فنجان القهوة يكون عندهم عيب ؟؟

::

كمان اذا كان عندي عزيمة.. ايش اسوي.. ايش اقدم الاول؟؟ و كيف؟؟ كيف يكون الترتيب؟؟
و ايش الاشياء المفضلة تقديمها؟؟
و لمن ناس العزيمة يوصلو.. اضايفهم زي الضيوف عادي و لا اقدم لهم اشياء خفيفة عشان بطونهم ما تنملي؟؟
طب اذا فيه اطفال.. ايش اسويلهم؟؟
كمان في آخر الزيارة.. في هدايا او شئ لازم اقدمه للناس او اولادهم و لا عادي؟؟ و اذا فيه.. ايش؟؟

::

كمان في عندي مشكلة ماني لاقيتلها حل.. مو متأكدة اذا تقدروا تساعدوني.. بس احاول..
انا لمن يجينا ناس.. انكتم.. ما اقدر اتكلم ولا اجامل .. اكثر الوقت ابتسم بس.. بعض الناس يحسبوني متكبره بس لا و الله انا خجولة نوعا ما..
ايش احكي مع الضيوف عشان يحسوا براحة و ما يكونو متضايقين؟؟ انا مره خجوله مع معظم الناس خصوصا اللي احسهم متمسكين بالعادات و يدققوا.. مره اتربك.. ايش اسوي؟؟

::

تكفو لا تردوني و الله يوفقكم كلكم :)