شفتوا بنت حلوة وخطبتوها بعد الحفلة تفاجئتوا؟؟؟؟
رابنزول
15-05-2008
65 رد
7,220 مشاهدة
بنات لو عندك عزيز قرر يتزوج اخيراوعطاك الاشارة تدورين له بنت حلوة
وشفتي وحدة نعومة ووافقت وطلبتوا ان يشوفها الشوفة الشرعية او تعطيكم صورة مارضت
او مرضى ابوها وقال لكم وصفوها لة بس ماعندنا بنات ينشافوا قبل العقد
وافقتوا ولما عقدوا شافها الرجال وعجبته وشكر اهله ورحم الله والديكم
بعد يومين حفلة عائلية الكل يقول ماشاء الله من وين شافوها هالقمر
يوم ثاني جت تزور بيت عمها الا الكل يطالعه من هذي؟؟؟؟؟؟؟؟؟؟
جت بدون مكياج الي هي وحدة ثانية مستحيل
معقولة قدرت تغير ملامحها يعني يوم شافوها اهله وعرفت انهم خطاب بيضت روحها
حت الايادي حطت عليها مبيض وجهها الصافي طلع محفر واياديها حبوب سودا
ولما سالو الرجال قالوا هل بعدك تبغاها قال شسوي يمكن نصيبي ماحب المشاكل
وعوار الراس
بنات موضوع للنقاشوش رايك فية وياريت كل وحدة تعطينا رايهاوتجاوب على الاسئلة التالية
1- لو جولك خطاب يشوفوكي هل ممكن تخفي عيوب فيك او حتى تجملين نفسك
ولاي حد ؟؟؟؟؟؟؟؟
2-- لوخطبت لاحد وطلبتي ان الرجال يشوفها الئية الشرعية لو نظرة ومارضوا هل تستمروا بالخطبة لو تعتذرو وتتراجعوا ؟؟؟؟؟؟؟؟؟؟؟
القصة حقيقية والرجال بعدة راضي بنصيبة
انا لا يمكن اغير في نفسي شي الا بالعكس اكون على طبيعتي لاني اذا سويت كذا ماراح احرج الا نفسي يبيني مثل ماانا ولا بكيفه خخخخخخخ<< قويه
أهلين حبيبتي..
أنا متزوجه بس بجواب على اسئلتك باللي مر علي..
1- يوم جاء يشوفني زوجي كنت بطبيعتي مع مكياج بسييييييييط حتى الوالده الله يحفظها كانت حريصه وتشوف ماتبغاني احط مكياج..
2-بالنسبه للسؤال الثاني اخليه يستخير واخلي مسؤليتي لان الاذواق تختلف..
بصراحه انا ما احب اخفي عيوب بشرتي ابدا لئن ابي زوج راضي فيني
بس بنسبه لشعري أنا على طول أملسه فما ادري يعني اذا يعتبر الشعر الخشن عيب و مع التمليس اخفيته
ومشطوره
حبيبتي بالنسبه لسؤالك الأول اتجمل بالمعقول يعني يشوفني وانا مرتبه (يعني ارتب شعري +البس لبس محترم ومستر )واهم شي اكون على طبيبعتي وما اغير في نفسي اي شيء او عيب خلقي فيني ابدآ
اخواتي العزيزات مشكورين على التفاعل
اخواتي اتكلم عن التغيير الجذري يعني لون البشرة مثلا
وفي موضوع الرؤية الشرعية في ناس للحين يرفض نها مع انها حلال
وهل اهل البنت بينحرجون لو شاف البنت وهون عنها
ولو ما عجبته بعد العقد يكون الفاس طاح في الراس وصعب التراجع من ارجل
والرؤية الشرعية مو لازم علشان الجمال بس
لان الراحة النفسية مالها دخل بالجمال فقط
اريد تفاعل من باقي لبنات لان الموضوع حساس
حبيبتي انا حصلت هالسالفه مع اخوي خطيبته السابقه الله يستر عليها
قمه بالجمال بالكشخه والمكياج طبعاا
يوم راحت معه يشوفون الشقه وابوها معاهم والحمد لله ما ملكوا لان على اساس الزواج قريب جدا
لدرجة اخوي كان بيختار الشقه شافها بدون مكياج اخترع وربي وجا وقال لامي ما بيهااااا
وابوها كان بعد ملقوف ومسوي مشاكل علشان كذا قرر ونفذ وتركها مسكينه
بس النصب والغش بالشكل مو حلو وهذي نتيجته للاسف
انا عن نفسي يوم جاوا اهلي خطيبي كنت حاطه مكياج خفيف وانا الصراحه شكلي نفسه
وما احط مبيض لان مره بيضه بالعكس احط تسمير
ويوم شافني بعدين مو وانا مو حاطه مكياج لا لا شافني وانا مريضه حدي كان عندي نزله معويه وزارني بالمستشفى ووجهي اصفر وحالتي حاله
قالي انتي كانك حاطه مبيض مره بيضه وحلوه موت
يعني الحمد الله بدون مكياج انااحلى بعينه
تحياتي
دلوعة حناني مشكورة على تفاعلك
اعتقد في نقطتين مهمين بالنسبة للاثنين
1- البنت الواثقة من نفسها ما تغير بشكلها وانا مثلك اهل زوجي زارونا بالبيت
علشان يشوفوني مع صديقة امي بدون ما يقولون انهم بيخطبوا بس
قالوا السواق را عنهم ودخلوا ينتظروا عندنا وكنت نايمة الا صديقة امي
تسال عني خلوها تجي وجيت قاعدة من النوم وبدون مكياج وانا
بعد بيضاء وشقراء ما يصدقوا اني سعودية والشوفة الشرعية مكياج ناعم
كريم اساس خفيف وقلم كحل بس
2- في رجال قوي ويقول ماعجبتني ورجال متنازل ويقول بامشي حالي
انا لسى ماجاني النصيب والله يوفقني ويكتب لي مافيه الخير وكل البنات ان شاء الله
لكن الي تصلح مثل كذا اتوقع انها تلعب على نفسها :eek:
1- عن نفسي البس واتزين بشي المعقول الي مايطلعني عن طبيعتي
والله يكتب مافيه الخير للجميع
1- لو جولك خطاب يشوفوكي هل ممكن تخفي عيوب فيك او حتى تجملين نفسك
ولاي حد ؟؟؟؟؟؟؟؟
لا طبعاً..لازم قد ما أقدر أبين طبيعة شكلي و لوني ..لأنه بيكزن خداع إذا غيرت من عمري
2-- لوخطبت لاحد وطلبتي ان الرجال يشوفها الئية الشرعية لو نظرة ومارضوا هل تستمروا بالخطبة لو تعتذرو وتتراجعوا ؟؟؟؟؟؟؟؟؟؟؟
نتراجع..لأنه لو ما عجبها بعدين ممكن يطلقها..
انا بالنسبة الي ماخذة نسيبي ... يعني عارفيني بكل اشكالي المرتبة والمعفوسة >>> هههه
ولو كان غريب كان بطلع لهم طبيعية.. يمكن شوية مكياج خفيف مسكرة و وملمع شفايف
اما عن الشوفة...
انا عن نفسي استحي فيمكن ارفض انه يشوفني .. لكن اخليه يشوف صورة .. ولو رفض الصورة ولزم يشوف راح اوافق .. وهدا الي صار لي خليت خطيبي .. قصدي زوجي يوم خطبني عطيته صورة يشوفها ورفضت اطلع ليه... خخخخ
الحمدلله افتكيت من هالمرحلة ... عقبال كل البنات ياااارب
اما لو خطبنا الى اخوي مثلا .. ورفضوا اخوي يشوف العروس .. فالشي راجع الى اخوي
اذا حاب يكمل لو لا
بصراحه اللي صار لهالشاب غش حرام عليهم
انا متزوجه و لمن شافني زوجي بالشوفة الشرعيه
ماحطيت فونديشن لان الحمد لله مااحتاج
اللي حطيته كحل داخل العين و جلوس و مسكره
مافي احلى من الطبيعه
يعني عاد الواحد يقدر يغير بكل شي بس بملامحه لان مصيره راح ينكشف
الله يهدي البنات اللي يسوون هالحركات
و يارب يرزق كل بنت بالزوج الصالح
السلام عليكم
للأسف بعض الأسر يحرمون ما أحل الله تعالى جل جلاله و ما أمر به نبينا صلى الله عليه و سلم
أليس النظرة الشرعية من حق الخاطب ؟؟؟
الله المستعان ما أدري ليش بعض الأسر يمنعونها و من هذا الموضوع أقول اتقوا الله في بناتكم
و أولادكم ليش تحرمون ما أحل الله و رسوله صلى الله عليه و سلم
لا حول و لا قوة إلا بالله
وايد سمعنا مشاكل من هالسالفة وصلت للطلاق بسبب الوصف فقط ؟؟؟
عسى ربي يهدي أسر المسلمين و المسلمات و يطبقون ما أحل الله تعالى و يحرمون ما حرمه سبحانه
اهلين اختي
مستحيل اغير في شكلي او احط مكياج الا شي مرا بسيط
بالنسبالي انا اهل خطيبي الحمدلله شافوني في فرح وبعدين قابلتهم في عزاء وكان شكلي اكتر من طبيعي
وبالنسبة للشوفه لازم منها اذا مارضيت الي خطبينها ماراح نستمر لانو اخوي والحين بنخطبلو اهم شي يشوفها
وبدون مكياج شارط
مشكوره خيتوو
حبيبتي
كل واحد ياخذ نصيبه
بس اسمحي لي هذولا غشو الرجال المفروض يراون البنية على الطبيعة
بالنسبة لي لما شافني زوجي مافيني ولا شي
ولا اايد ان البنت تعدل من نفسها وتتزين لان الزينة للاجنبي حرام
واذا احد جه يبيني اخطب له
اتباعد كل البعد ماابي تصير لي مشاكل ويقولون مني
موفقين
بالنسبة عن السؤال الاول انا صار لي فوق ال5 سنوات من انخطبت واللي اختارتني هي اخت زوجي وكانت مدرستي بالروضة يعني تعرفني من وانا صغيييرة ..
اما عن يوم يتقدمون لي بشكل رسمي الحمدلله ما حطيت ولااااااااااااا شي بدون مبالغه حتى كريم اساس وكحل ولا ماسكاراولا برشر ولا اي شي حتى لو كان خفيف وناعم وعن شعري بعد خليته عادي ولبست شيله قدام اهله وطلع شعري بس من قدام وهم ما قالوا بيشوفون شعري ولا شي وانا نوعية شعري يعني عادي مو خشن ولا نااااعم (a)
وعن الشوفة الشرعية اللي صارت في نفس اليوم عادي لبست عبايتي وشيلتي وغطيت شعري عدل ولا حطيت ولا شي من الميك اب وقعدت معاه وعجبته وعجبني :o
وعن السؤال الثاني انا الحمدلله كلش ما احب اتدخل في سوالف الزواج يعني حتى اخواني في المستقبل لين بيخطبون وقالوا لي ادور لهم عروس ما راح اتدخل وحتى عيالي ساعات افكر واقول لين كبروا خل كل واحد يدور لهم زوجة بروحه ههههههههههههههههههههههههههه
وما انصح ابدااا ان اي واحد يخطب بنت من غير يشوفها حتى الصورة مو كفاية لازم يقعد معاها علشان ما يتسرع باتخاذ القرار ويظلم نفسه ويظلم البنت معاه :)
الحقيقه انا مش متخيله ان ممكن واحده تغير فى نفسها 180 درجه كده وهى مش حلوه وتبان جميله ؟؟؟
انا عن نفسى يوم ماجالى خطيبى البيت كنت بسييييطه جدا جدا لانه ده المفروض
مابنى على باطل فهو باطل.......
تحياتى
انا مخطوبه من 3 شهور وعرسي ان شاء الله بدايه الشهر الجاي
لما خطبتني ام الولد قررت تشوفني
وامي لزمتني مااااااااا احط مكياج او بالمره احط شي خفيف
والحمدلله
حطيت شي خفيييييييييييييف وشافوني
ومن يومها لين الحين وانا كذا حتى لما شافني خطيبي وتعمدت ما احط مكياج كثير واحيانا دوووون مكياج ولله الحمد
لان المكياج يغير الملامح لو كان قوي وحرام نزيف ونخدع الغير واللي واثقه من حالها مالازم تغير ملامحها
اما في موقف هالمسكين الله يعينه وكيف قدرت تغسل وجهها وتطلع بهالموقف!!
ك
كتكوته بس نمروده
عروس نشيطة
16-05-2008 | 02:46 AM
انا من الناس قبل ما اتزوج شافني زوجي
الشوفه الشرعيه والحمد لله كنت على طبيعتي
بس حطيت روج لان ثقتي بنفسي كبيره والحمدلله
حصل القبول من الطرفين بس لو انا رجال والبنت
الي ابغى اخطبها اهلي ما يعرفوا شكلها من غير مكياج
ورفض اهلها الشوفه انسحب من بدري لان طلبت شرع
الله ما طلبت شي يمس الشرع والدين
اختي الغالية emerald
الله يوفقك للزوج الصالح الي يحبش زي مانتي
snow whit
مشكورة على ردك وتفاعلك
وحي الفيروز ماشاء الله عليك مدام زوجك قريبك يعني اهلة عارفين شكلك زين
بمكياج او بدونةربي يوفقش مع زوجش