متضايقة ...مخنوقة....محتارة !!!!

يا اختي احكي معه فهميه انك ماتحبي هالتصرفات هذا زوجك عندك الحق انك تحكيله هد الاشياء ليش تسكتين؟؟؟؟؟؟؟ اذا سكتي بيتمادى والله الاحسن انك توقفيه عند حده الحين والله يصلح الحال

حبيبتي اول شيء انت لازم تتناقش وياه فهدا الموضوع كثير و ما تستهون به و انا برايي انك تقول له لو عادي ترضاني انا كمان افعل كده لازم تشوفي اش يكتبو لا لموضوع يتطور و انت حاولي تبعتيلو smsو تكلميه و تظهريلو حبك اكثر وكلام معسول ولا تكثرين عليه الرقابة و التدخلات ترى بيمل منك ويشكي لهم حاولي حبيبتي تكسبيه لصفك والله يعينك و يوفقك يا رب



ندى

الله يعينك اختي وانصحك انك تجننينه بالكلام الحلو والدلع والاسلوب الراقي شديه لك وغير كذا عليك بصلاة الليل وسورة البقره والله خالتي كان رجلها مايطالعها حتى ومايقعد بالبيت وانصحتها وحده بسورة البقره والله مااكذب عليك خلال شهر تغير تغير كامل تقولين انسان ثاني اهتمام سفرات فلوس مو مخلي عليها قاصر وسورة البقره تركها حسره والنبي صلى الله عليه وسلم وصى فيها انصحك اختي فيها ماتاخذ منك اكثر من نص ساعه وصلاة الليل سهام لاتخطىء صدقيني توكلي على الله ومن توكل على الله فهو حسبه وقولي لزوجك يافلان انا احبك اموت فيك وادري انك ماتخوني بس انا اخاف عليك من البنات انت نعمه من الله اخاف تضيع مني انت اسندي انت عزوتي مالي غيرك لاتلومني اذا غرت عليك انت حلم بالنسبه لي وتحقق فديتك لاتخلي البنات يتمادون معاك لاني انجن وانا ادري انك تحبني وماتحبني اتضايق وقوليها بدلع انت ملكي مااحب احد يشاركني فيك يعني وانتي اتكلمين حسسيه انك واثقه فيه بس مو واثقه بالبنات حسسيه انك تحبينه وتدلعي عليه و اختاري الوقت اللي اتكلمين معاه فيه وقولي له اوعدني انك ماتثير غيرتي مره ثانيه لانك لو اثرت غيرتي نهارك اسود ومالوش ملامح يعني تهديد بس بضحكه وشوفي وش يصير معك وعطيني خبر احب اتطمن عليك

حبيبتي لازم تحكي معه وحكي معه بالهداوة ما فيها شىء هدا زوجك و الله حاسة بيك
فهميه انو انتي مو عاجباك ه التصرفات و بتعصبك و طبعا ملازم كما قلت إنك تعملي متلو هدا مو حل
أكتري الدعاء و الإستغفار و ا نشالله ربي ما راح يرد ك بالدعاء
يارب يا حنان يا منان يا دا الجلال و الاكرام ياودود يا رحمان يا رحيم أصلح حالهم يارب و اجبر بخاطرها يارب

اختى خليكى وراه ودايما انصحيه واحكيله انك هالشيء ما برضى ربك ولا برضينى وهالزمن يخوف وكله فتن ودايما ادعيله وربنا يصلح حاله ويهديه ويخليكم لبعض

هو للان ماخانك
وانشاء الله ماطول هوا عيني عينك يسوي كذا هذا مو نيته الخيانه ابدااا
حبيبتي في رجال الي من هالنوع في نظرهم هالشي عادي جدا ومايحبون احد يقول هذا غلط وهذا صح
يعني هو تربى وعاش على هالشي ويشوفه عادي وفجأه تجين انتي تغيرين هالشي والبزعل بعد؟
لا طبعاااا
شوفي لا تلحي وتلحي لحد ما يقول بقلبه الا احقق مناها واخونها زي ما تتهمني
بالعكس اعطيه الثقه كل الثقه وحاولي تأخذين اخباره وسواليفه مع هالبنات بما انهم زميلات له
يعني انتي شددي بالمراقبه بس بطريقة خفيه وبيني له انك حابه هالشي علشان يصارحك وتكونين
امينة اسراره مش هم الي يقولهم اسرارك انتبهي
كوني صديقه وله واعلمي انه ما اختار للزواج الا انتي وفضلك على هالبنات يعني انتي الحب والاصل
وهالبنات فعلا مجرد زميلات
ااابد اابد لا تبيني الزعل من الي يسويه بردي على قلبك وخليك بالصوره وراقبي
وتعلمي من اسلوب هالبنات ووش يحب فيهم وسوي اعظم واكثر يعني كوني له كل هالبنات وبكل ثقه
بس بعد بدون ما يحس انه تفتعلين هالشي
كل يوم اساليه بطريقة ضحك وغشمره وش سويتت اليم بالشغل وش سوت فلانه وعلانه وفلان واضحكي على كل الي يقوله وخليك المستمع الجيد وبدون اى تعليق ينفره منك
صدقيني والله مع الوقت بتشوفين هالشي عادي جدا وهو بعد ما بيحس بمتعة اشعارك بالغيره وبيقل اهتمامه فيهم
الله يوفقك
تحياتي

حبيبتي اسلوب المواجهة والهجوم ما ينفع بين الزوجين ابداً
راح اقول لج عن زوجي (مثلا)... عادي مع زميلاته ياخذ ويعطي، يناديهم جميلو ومادري من، وكل يوم وحدة جايبة حق بنتي هدايا، وووو... بس انا ولا اهتم ولا افتكر واقول جزاهم الله خير، ومرات تدق هاذي جميلو الساعة 11 ونص او 12، وعادي تدق الفجر وانا ولااااااااا مفتكرة، ومرات ارد عليها واقول لها زوجي محد او زوجي مشغول اذا كان صج مشغول... فمرة كنا رايحين محل وكانت البياعة حرمة وزوجي قام يمزح وياها وسكتت، بس هو لا يمكن اقول حق ريال لو سمحت وهو معاي، دايما يقول لي دام انا وياج ما تكلمين الرياييل... فمرة واحنا قاعدين بهدوء قلت له ممكن افاتحك في موضوع؟ وطبعا بهداوة وكان رايق قلت له بصراحة انا اتضايق لما نروح للسوق وتكون البياعة مرة وتكلمها، قال عادي اكلمها اسالها عن السعر او تنزل السعر! قلت له لا انت مرة كنت وياي وكلمت المرة بدون سبب، ما اذكر ايش قلت لها بالضبط لاني حاولت اتناسى الموضوع لاني احبك... وقلت له انا احترق، انفجر، اغااااااااااار عليك، ما احب اي وحدة تضحك او تمزح او تتكلم وياج، ما احب مرة تحط عينها في عينك وتكلمك غيري، تعرف اني اموووووووووت فيك وما انلام
طبعا بقولين ايش رد علي... قال لي انتي الصح وانا الغلط، بس تكفين نبهيني اول ما تشوفيني اكلم وحدة،،، والقسم وغيره وراح قسم مافيه نسوان، والسوق ما قام يتدخل ابدااااااااا... حتى لما قلت له مرة بمزح ترى بغار من هذي جميلو، لا في الشغل ولا برح مخليتك!! قام يضحك ويقول هذي يدتي اكثر منها شباب وانوثة
يا حبيبتي دوم خلي اسلوب الاقناع والطيب بينج وبين زوجج، ولا تدخلين في المشكلة وتتكلمين فيها وهي توها طاااااازجة، هذي نصيحة مني لج، انتظري لحد ما تمر السالفة عقب كلميه، راح تعرفين بعدها ان كان قصده الخيانة او على نياته...

إضافه لرد خواتي ام عبدالله ودلوعه حناني .... صادقيهم .. عشان ترتاحين .... صدقيني بتشيلين هم وايد عن قلبك ..

تحياتي

ام جنى

حبيبتي اسلوب الموااجهه والقوه مايصلح مع الزوج

بالذااااااااااات في هالأشيا وهالمواقف..


حاولي انج تجينه بالأسلوب الحلووو,,او بطريقة غير مباشرة


أنا مثلا لما اشوف زوجي يكلم وحده أو حتى لوكنا في جمعيه او محل او اي مكاان ويلتفت بس على وحده اموووووووووووووووووت قهر,,

بس احاول ابينله اني تضايقت بأسلووب حلوو او اسلوب دلع بعد مانرجع البيت..

مع ان شهادة حق هو مومن النوع اللي يتعمد يكلم حد او يلتفت ع حد,, بس لوصارت بدون مايقصد اتضايق

والحين صار يعرفني..حتى لوكلم وحده تبيع عن سعر او شي يسألني اول مانركب السياره زعلتي؟؟ترا والله ماقصد

واضحك عليه لأن عاادي موبهالدرجه انا دلووعه خخخخ

بس خلاص تعلم من بعد كم كره كنت ازعل عليه لكن زعل حلوو موعتاب وصرااخ وضيق.. صار خلااص يعرف ان هالشي يضايقني :)


حاولي تملكينه,,, لاتجيبينها له بضيق وعصبيه وهواش عشان مايشوفهم احسن

لأن تدرين بنات ابليس يتشكلون بأسلوب دلع وعيااره ((مثل الافاعي الله لايبلانا))

حاولي تملكين قلبه بالحب واستحملي

والله يسخر قلبه لج ويبعد عنكم الشيطان ويريح قلوبكم^_^

والله حبيبتي عندنا وعنج خير
اذا انتي يتكلم في الشغل
انا كان زوجي يكلم بنات في الانترنت حتى بداية خطوبتنا
و عقب جمن مره اجوف مسجات ع تلفونه من بنات ولوووزين حجي عدل
كله خرابيط ووصاخه

وبصراحه انا كل مره ازعل اخر مره وقفته عند حده
وقلت له ليش انت تسوي هذي الحركات
انت متزوج والله ساتر عليك وعلي
عيب عليك هالحركات
انت يا فيك نقص او فيك غريزه

المهم طلع الريال مدمن نت

الحين الحمدلله عقل و ما يدش النت خيررررررررر شر وتلفونه 24 اورز عندي
و 24 ساعه يدلعني لانه يدري انه غلطان ويعترف لي يقول لي انهم وصخين انا الا ادش عشان ضحك ومصخره

انتي كلميه وقولي له انا اغير عليك ما احب تضحك مع فلانه وفلتانه
و عقب حقريه جوفي شلون بيرجع لج

وادعي من الله
انه يعقله


اختج
بحرينيه

Noor1979;6027126:
إضافه لرد خواتي ام عبدالله ودلوعه حناني .... صادقيهم .. عشان ترتاحين .... صدقيني بتشيلين هم وايد عن قلبك ..

تحياتي

ام جنى

فعلا في وحدة كانت دوم تستشير زوجي بامور تخصها!! واخر شي صادقتها وقمت اسولف وياها واكتشفت انها هي بعد على نياتها ومسكينة وما تقصد الا الخير وتعتبر زوجي مثل اخوها
حتى انها اخر شي عزمتني على عرسها

بنات...اشكركم من قلبي على ردودكم واقتراحاتكم الجميلة

المشكلة اني ماقدر افاتحه بالموضوعي ...بيقولي اشدراج اني اكلم؟؟ فتشتي وراي؟؟؟

وهو يكبر المواضيع وبيطلعني غلطانه وبيزعل وبيسوي عمره الضحيه!

ولو واجهته وقلت له شفلت مسجات واتصالات ماتعجبني

يقولي الثقه وانتي تتخيلين وماعندج ثقه فيني

بينكر

ولو قلت له شفت هالشىء بجوالك بيقول متى وشلون ومب من حقج تشوفين جوالي

فهمتوني؟؟

فشلون اعالج الامر؟

انا وايد مقهوره

وشايله بقلبي وساكته

لا قدر اتكلم ولا اقدر اتحمل

بين نارين

فهمتوني؟

شوفي حبيبتي قولي له سمعت صوت وحدة منهم لما رديت على جوالك، واذا سألج ليش تفتشيني والا تتجسسين علي قولي له لا مو قصدي بس كنت مشبهة عالرقم بوحدة من الاهل فقلت انا ارد عليها دامك مو موجود وطلعت مو هي! وبس عقب عادي قلت لها انك مو موجود وصكيت التليفون مافيها شي، وبعدين انا اثق فيك بس اقول لك يعني ان هالشي يضايقني مو عن شك او شي، والغيرة شي طبيعي

آآآآآآآآآآآآآآآآآآآآآآآآآه حبيبتي حااااااااااااااااااااااااسه فيك والله

انا جربت كذا

مالك الا الدعاء


الله يعصمه ويعصم زوجي عن الخطأ ودروب الحرام

والبنات حسبي الله عليهم ونعم الوكيل

الله يشغلهم بانفسهم

الله لا يوفقهم

قولي آآآآآآآآآآآآآآآآآآمين

صارحيه لما تشوفي أعصابه هادية

ماقصرو الاخوات صاحبيهم وبلعكس انابعرف رجال هيك يحبو يتكلمو مع البنات واعادي بس ماكون دافعم شيء ثاني بسعندهم عادي لاتفكرين بهذا الموضوع بلعكس اتعرفي عليهم وعادي

um abdulla مشكلتي رجلي مب سهل وماتطوف عليه هالحركات...بعدين هو قافل جواله برقم سري...ومسمي هالبات باسماء غريبة ...يعني باسم عايله مثلا...عشان محد يعرف انها بنت او مره

للاسف مره نسي جواله وشفته وشفت مسجات من وحده...المصيبة انها متزوجه بعد!! والكلام فيه ميانه مب طبيعيه وسخافه...وانت الغالي ومن هالكلام اللي ماينقال لواحد متزوج من وحده محترمه

يابنات افهموني...المصيبة ان احس ان فيه شىء غلط...الموضوع مب برىء او سطحي

انا شاكه ان فيه علاقه

وحاسه بخيبة امل في زوجي

الله عالم بي شكثر عزيته وحبيته على نفسي ... وحاولت اكون لهالزوجه اللي يتمناها

لكن الظاهر حد لاعب بعقله

او يمكن انا مش فاهمته صح !

يمكن هو اصلا كذا وانا منغشه فيه


واجد افكر تجي ببالي

مقهوره حدي

وان تكلمت بيقول تتجسسين وتفتشين وماتقين فيني وبتصير زعله

وان سكت انقهرت


انا ادري ان المفروض مافتش جواله ...بس احساسي باني مستغفله كان متملكني وقلت يارب ماحصل شىء مريب

لكني حصلت !!

وهذا اللي ذابحني

خيبه رجاي فيه

خيب ظني فيه

للاسف

زوجي مايعلمني عن الحريم اللي معاه في الشغل ولا يقربني منهم ولا يتكلم عنهم الا نااااااااااااااااااااادر جدا

وبحاول فعلا ابتدي انتهز اي فرصه عشان اتعرف على اي وحده يجيب طاريها

بحاول

اختي العزيزة انتي وصليله معلومه ان هالشي يضايقج
وايد مو شويه ويتعبج
وصليله انج تحبينه وتغارين عليه
وبس نطريه ان شاء الله يغير من اسلوبه
وهو طبعه اجتماعي ولكن لابد ان يضع لنفسه حدود
واحترام لمشاعر زوجته

واتجهي الى رب العالمين
بالدعاء
بان الله يهديه ويصده


دمتم سالمين
اختكم شريفة