هلا الغاليات عرايس منتدى عروس
هذا الموضوع لمحبي التنظيم والنظافة وإن شاء الله ينال على إعجابكم
بس قبل ما تشوفون الموضوع أبي منكم طلب صغير أن تدعون لي أن الله يسخر لي زوجي ويرزقني الذرية الصالحة عاجلاً غير آجل
حبيباتي إلي تبي تبدى ترتب أغراضها وتخلي حياتها منظمة أول شي لزم تاخذ لها علب وهذي أفضل الطرق للترتيب
هذي البكسات أنا مستخدمتنها لأغراض التزين ولليالي الرومنسية يعني العدة إلي تونس
هذي العلبة حجمها شوي متوسط فيها أحزمتي والمحافظ
هذي العلبة فيها بزم ريلي إلي تنلبس بالدشاديش على الأيد
هذي العلبة وأنتوا بكرامه فيها أغراض الحمام
هذي العلبة فيها أغراض البدكير هي عبارة عن جنطة صغيرة ماتاخذ مساحة وبنفس الوقت تلقين كل إلي تحتاجينه للعناية بالأظافر
هذي العلبة فيها عدة الخياطة وفيها كل ألوان الخيوط إلي ممكن تحتاجينها وكل أنواع الفصم وأحجام لأبر الخياطة
هذا البكس مثل ما أنتوا شايفين لمسكات الشعر
هذي شنطة للمكياج تحافظين على مكياجج من الضياع وتقدرين توصلين لكل مكياجج بسهولة
هذي العلب تستخدم لأغراض المطبخ إلي من خلالها تقدرين ترتبين الفضيات بس أنا الذكية حطيتها بدرج التسريحة علشان أغراضي تكون مرتبة وفي متناول اليدين
هذا البكس خذته من لايف ستايل وستخدمته لترتيب الأكسسوارات شيفين كيف الأساور مرتبة تعرفون كيف خذت الأسطوانه إلي في علبة الألمنيوم بعد ماخلص وخذت القياس وقصيته وحطيت فيه الأساور
هذي سله حطيتها فوق الثلاجة إلي بالغرفة عسب أرتب فيها الأغراض وفي نفس الوقت تعطي منظر حلو
هذا منظم الأجهزة عن بعد علشان ماتضيع وتقعدين تدوين عليها ومن الأسفل حامل للجرايد والمجلات خذته من إيكيا
هذي حبيباتي علب لترتيب الملابس الداخلية خذته من إيكيا
هذا حبيباتي ماسك لكياس الأكل مثل البقدونس وهذي الأشياء عسب تحافظين عليها فالثلاجة وما توصخين المكان وتبقى معاج طازجة خذته من إيكيا
هذا لترتيب الشيل في الكبت بحيث يتعلق وتحطين الشيل في كل حلقة خذته من إيكيا
لاتنسوني بالردود الحلوة والغاوية
