مغامرتي الجهنمية كانت ف محض الصدفة زوجي يدرس في فرنسا قلت خلني أروحله وقت الإجازة منها أشوفة ونستانس ومنها أزخه من أذنه وأرجعة معاي الإمارات>>>>> خخخخخخ أسولف فديته كان بيرجع معاي ...
رحلتي كانت بتاريخ 21-7-2007 ولغاية 4-8 ع طيران الإتحاد اللي أعتبره من أحسن وأفضل الخطوط وأحسن من طيران الإمارات اللي وهقت عمري فيه هالصيف المهم عدد المسافرين إممممممممم خلوني أعد إيه شخص واحد اللي هي أنا بس:shy: وطبعا لأول مرة ف حياتي أسافر بروحي ومكان أول مرة أروح له ما أقولكم مغامرة
السفر من مطار بوظبي الدولي مطار مريييييييح دشي من باب واشوية إجراءات اللى وانتي في الطيارة طبعا الإخت متحمسة رايحة من وقت شادة حيلي ... وكل ما أدخل للتفتيش لااااااااازم يرن الجهاز وهالشي راح يتكرر وايد مرة الحزام ومرة الله يعزكم النعال ومرة انسى الساعة المهم في مطار أبوظبي وصلت بدري وخلصت إجراءات بسرعة وكنت أنا الوحيدة اللي أتريا الطيارة الناس بعدهم ما وصلو خخخخخخخ ولا يهمني جا واحد من أفراد شرطة المطار وعباله إن مسافرة مسقط لأنه المسافرين ركبوا الطيارة وما بفى غيري قلتله أنا مسافرة فرنسا مو مسقط سألني عن الفيزا عطيته جوازي وصدمني فيزتج منتهية اهني بققت عيني وحلجي:qaq: كيف منتهية أمسات امسويتها قالي فيزتج يوم واحد أأأأأأأأأأيوه قلتله الفيزا سارية سنة وتوني امسويتها عقب وين ووين لين ما انتبه للتاريخ والله إحتقرته :mad2:... المهم دخلت الطيارة كانت مرتبة والمظيفات وااااااااايد لطيفات وأخذتلي كرسي وبروحي لأنه الطيارة ما كانت زحمة قمة الراحة ....
تعبت بكمل عقب
هذي الصورة أخذتها وأنا ف الطيارة >>>>>الناس اتصور داخل الطيارة وهي تصور برع :mad2:
