السلام عليكم

Noor1979;6016661:
السلام عليكم اختي ورحمه الله وبركاته ..

اختي .. اول شي .. اتمنى لمن ننصحك .. ما تغيرين كلامج بعدين .. لان فعلا مع احترام يرتفع ضغطي لمن اكتب النصيحه واقول رايي ..

بعدين لمن تهدى نفسيه البنت .. تقول ( لا هو طيب وحنون ويحبني ويموت فينه بس فيه كذا وكذا وكذا ))

لمن هو طيب وحنون ليش تشتكون ..

عموما .. نرجع للمشكله ..

اختي ... انا لاشوف زوجك طيب ولا هو حنون زز ( عذرا ) خطيبك ... اصلا .. خطيبك بصريح العباره ما يناسبك ..

انتي قعدتي معاه سنه .. وهو جذي ماتعدل ولا تغير .. عجل كيف لين تزوجتيه .. انا ما حب اخرب بيوت .. بس يقولج اساس الزواج الصحيح ينعرف من اول حطه طابوقه مثل ما يقولون ..

يعني من البدايه ينعرف الشخص .. زوجك لا يتفاهم , ولا يبي يسمع ويهدد ويتوعد . وتفكيركم مختلف تمام , ولا يسمع ولا يناقش ويفرض رأيه ويعاند .. طيب ايش بقى ..

صديقتي تزوجت ... واحد كانت مخطوبه له سنه .. كل عيوب الدنيا فيه .. وفوق كله بخيل .. بعد .. بس قالت يمكن يتغير في الزواج .. 9 شهور تم الطلاق ..

يعني ياختي انتي على البر .. ايش الي جابرك .. لا تقولين .. اني ما قدر اعيش وين الريال يتحصل .. تعيشين متزوجه معذبه ,, ولا مطلقه بعدين .. ,لا في حياه زوجيه لا فيها متعه ولا راحه بال ودمعه على الخد كل ليله .. وليش تحرين نفسج اصلا ..

الزوج اذا ما قدر زوجته .. في الحياه الزوجيه وسمع لها ,, وحن عليها .. وخصوصا في فتره الحمل تحتاج الزوجه دعم الزوج 100 بالمئه .... وما وقف معها من يوقف معها .. لا تقولين لا بس هو طيب .. وحنون . في ايش طيب وحنون بالضبط .. اختي المساوء الي انتي ذكرتيها الحين .. لا تنفع هالشخص كزوج لج ..

تبين تحلين مشكلتج .. عندج خيارين .. توقفين خطيبك عند حده ,, وتقولين له انت خذيتني من بيت بوي بس ما شريتني .. ويوم تبي تتكلم بتفاهم .. تعال كلمني .. يوم الي بتصارخ علي كأن شغاله عندك . اسمح لي ماقدر اقعد عندك .... وواذا انت بتقعد كل ساعه تهدد فيني .. ما بيصير شي طيب .. الحمدالله اهلي للحين ما عجزو عني . .. الريال يخاف لمن يشوف الحرمه قويه .. وبالعكس يعمل لها حساب ويحط لها اعتبار .. وللاسف الريال لمن يشوف البنت خاضعه وطيبه على نياتها .. يدوس على راسها .. وعباله هي في ضعف .... وما تقدر توقف له ..

واسوء شي تسويه الزوجه .. انها تبرر لزوجها افعاله الخطا .. يعني ما يصير زوجك مثلا يضربك .. وتبجين .. ,بعدين لمن يجي احد يقولج حطي له حد ترجع تقول ( لا هو كان معصب حزتها ) ...هالشي غلط .. لان بتكرر ..

لكن لمن تاخذ اجراء من اول مره .. وتوقفه عند حده ماراح يتكرر ... المشكله الازليه والي للحين الكثير يعانون منها وانا ادري ان ناس بتقرا ولا بتفكر ... هــــــــــــــــــــــــــــــــــاجس العنوسه الي الكل يحوم فوق راسه ... الي متخيلين ان الديره خلت من الرياييل ... ان بيموتون في بيوت اهلم .. وكان العالم مافيه اي نشاط ثاني غير الزواج ....
عيل العصور القبليه .. شيقولون ...... ترى حطو الاجانب في كفه .. واحنا العرب في كفه ....

تشوفون الحرمه عمرها 35 وتحس نفسها توها على الزواج ,, وللحين ما كملت طموحاتها .. ولو ما تزوجت ... هي حاطه خطه اصلا .. شتسوي 20 سنه جدام في حياتها .

واحنا بنات العرب .. خف الله علينا .. ما تعرف شلون ترسم لها خطه شلون تشغل وقتها في الخمس الدقايق الي جدام .. هذي واقع ترى مو خيال ... ونادر الي يسون العكس ...

تحياتي لج واتمنى افدتج ..

ام جنى