شلونكم عساكم طيبين
حبيت اوريكم موديلات من الأزياء الهندية
وآخر الموضوع بنزل لك بعض من اشغالهم بالهند
طبعا بالهند مهو كل محل يرضى تصورين الخامات حقه لان يخاف التطريز ينتقل حق محل ثاني
يا تشترين يا ماتصورين ولا قطعه
وطبعا التصوير ما يعطي قيمة الموديل الحقيقة لان الاضاءة حق المحل مهي شي الفستان لونه غير والاضاءه صفرة فالالوان في الصورة ما تعطي حقها
نبتدي اول شي بسم الله
نجي حق موديل
( البنجابي)
يتكون من سراول وشال وقميص لين الركب
(الساري)
يتكون من قطعتين
القميص
والتنورة وهي نفسها القطعه إلا يحطونها فوق الكتف <<= يلتفون فيها
(الشراره)
هذا الموديل يتكون من 3 قطع
تنورة منفصله بروحها
وقميص وشال
يعجبني هذا الموديل اكثر من الموديلات الثانية ويناسب حق الافراح
طبعا لو بناخذ القطعه من الهند دايركت بكون ارخص لنا
لان لما كانت اجهز حق زواجي سويت لي اوردر من الهند اخذت بس القطعه ولما جيت افصلها بالبحرين طلعت علي كامل 100 دينار
ولما رحت الهند وفصلت حق اختي شريت القطعه ولخياط كله بـ 50 دينار فرق مو
الحين نجي حق الاطقم (الاكسسوارات)
نقدر نطلب نفس لون الفستان نسوي اوردر عليه وشكل الاكسسوار إلا نبيه
ونقدر ناخذ جاهز
وهذا جزء من الاكسسوارات
هذا موديل الشرارة ومعاها طقم بنفس لون الفستان
