الحبوب بعد ازالة الشعر

شالسالفة محد عنده فكرة من امس محد رد علي

ما تبون اتساعدون اختكم الحلوه بس عندها مشكله بسيطه

السلام عليكم
أنا مثلج أختي بشرتي حساسة وأنا بصراحة ما جربت ازالة الشعر بالخيط لاكن مجرته بالحلاوة بس
لاكن بصراحة نتيجتها حلوة رغم انها بتعملي حبوبة في فترة معينة لاكن بتزول وهذه لازمها المداومة عشان تتعودي عليها. أنا جربتها عند خبيرة وكانت بتعملي أولا بودرة وبعدين تزيل بالحلاوة وان شاء الله أكون أفدتك أختي جسر التواصل

مشكورة اختي
سناء العفاف

وان شاء الله اجرب بالحلاوه

بس اذا ممكن محد من الخوات يعرفون كريم احطه بعد ازالة الشعر

عزيزتي عالجي الحبوب اول شي ويفضل عند طبيب جلديه
وعندج منتجات التي تري من بودي شوب بتفيدج وايد من الغسول واصبع ازالة الحبوب
وايضا منقوع المره رائع جدا

اختي استخدمي كريم بيبانثين من الصيدلية عن جد رهيييب وسعره رخيص

وفي كريم فيوديسون هذا مضاد حيوي ..

وتحطين واحد من الكريمات بعد الحلاوة او الخيط مبااشرة قبل ماتغسلين المنطقة

وحطي الكريم 3 مرات في اليوم لمدة 4 ايام

وان شاء الله تستفيدين

..

وجربي منقوع المرة الى وجهج لازالة اثار الحبوب انة حاليا استخدمه من شهر

واحس اثار الحبوب خفت شوي ..


يعني يمكن تاخذ مدة .. وهذا يعتمد على كمية الحبوب

مشكورين حبيباتي

و انا سرت عند دكتوره و عطتني مضاد حيوي استخدمه لمدة خمس ايام و اليوم اخر يوم وعطتني بعد محلول استخدمته حسيت ان الحبوب نشفت و كريم هو خلطه 3 كريمات استخدمه بالليل بس و الصبح اغسله لان اشعة الشمس تاثر عليه و نصحتني بالفيوسدين بعد ازالة الشعر و كريم نيتروجينا كواقي لاشعة الشمس

مشكورة

جسر التواصل
مرحبا انا سجلت في المنتدى بس عشان ارد على موضوعك
واسفه لتاخيري
حبيبتي اي وحده تشيل بالخيط لازم يطلع لها حبوب شي طبيعي
بس نصيحتي لك ياشيلي بالحلاوه او بالشمع اسرع واسهل
واضمن
شي طبيعي بعد الحلاوه بتحسين باحمرار ويمكن يستمر يومين
بس انا دائما بعد الحلاوه احط كريم كيناكومب في وجهي
وثاني يوم يصفى وقبل اي مناسبه احط بيض وزبادي(روب)نص ساعه واغسل وجهي بالصابون
جربي وشوفي وانتبهي مو مرهم كيناكومب كريم كيناكومب من الصيدليه
يجنن مره جربي وادعيلي
والله يعينك يارب

طيب بنات حبوب الصدر اللي تطلع بعد نزع الشعر بالاله ..!!

هل تنفع معاها الطرق المذكوره او لأ..!!


وآسفه اختي جسر التواصل على خشة العرض

الحان الشوق


اتمنى البنات يساعدونا