من تتحداني انقص ثلاثين كيلو قبل رمضان ؟!

مرحبا بنات

اول شئ بنات رجيم التوقف عند السادسه مساءً عن الاكل سامحوني ما كملت وياكم

ونفس الشئ

بنات اللي فتحت لهم رجيم التمر واللبن ما كملت وياكم لان معدتي ما تتحمل على صنف معين من الطعام خصوصاً اني زايده 62 عن الوزن اللي لازم اكون عليه

بنات انا تعبت وسويت رجيم قبل ما اتزوجت وضعفت علييه 10 كيلو في شهرين

الحين انا برجع عليه بس بطريقه صحيه

قرايت في احدى مواضيع منتدانا الغالي وحده من البنات لما زارت اخصائي تغذيه قالها

لازم ناكل بين الوجبات فاكهه او بسكويت بدون كريمه عشان نحسس الجهاز الهضمي ان نحن ناكل

وما بنجوعه وهو بدوره ما يخاف ويخزن الاكل بعد الجوع خوفاً ان نحن ما نزوده بالاكل فيقوم بالحرق

اذا كلينا بين الوجبات (( ان شاء الله فهمتو علي )) خخخ


المهم لقيت هالبرنامج يسمونه برنامج الماي

الاكل يا بنات مو مقتصر ع الماي لا لازم قبل كل وجبه نشرب ماي

هذا الرجيم


اليوم الاول :
الساعه نوع الغذاء

الساعه8 صباحا:الإفطار: كاس ماء+شريح توست -ملعقةعسل ابيض او مربى رجيم

الساعه10: 1كاس ماء -حبه موز
الساعه12، 1 كاس ماء -كوب زبادي
الساعه2 = = +كوب تونة +4ملاعق سلطة
الساعه4 = = +شريحة توست ممسوحة بجبن قريش
الساعه6 = =+تفاحة
الساعه8 = = +حبة بطاطس مسلوقة +طبق سلطة
قبل النوم عدد2 كاس ماء

اليوم الثاني :طبعا كأس ماء مع كل وجبة
الساعه8 ،شريحة توست ملعقة عسل ابيض او مربى الرجيم
الساعه10، تفاحة او عشر حبات فراولة
الساعه12، كوب زبادي
الساعه2، ربع دجاجة +اربع ملاعق سلطة خضراء
الساعه4، صحن خضار او سلطة
الساعه6 ،تفاحة
الساعه8 ،علبة تونة+صحن سلطة
قبل النوم 2 كأس ماء مع كل وجبة

اليوم الثالث :
الساعه8 ،شريحة توست +ملعقة عسل ابيض او مربى رجيم
الساعه10 ،برتقالة
الساعه12، اربع ملاعق جبن قريش
الساعه2 ,علبة تونة اربع ملاعق سلطة خضراء +جنبري 3 حبات‘
الساعه4 ،تفاحة
الساعه6 ،شريحة جبن شدر
الساعه8 ،ربع دجاجة +صحن سلطة خضراء او خضار
قبل النوم 2 كاس ماء

اليوم الربع
الساعه8 ========================نفس الوجبة
الساعه10 ،برتقالة او يوسفي
الساعه12، طبق خضار
الساعه2 ،بيضة مسلوقة + سلطة خضراء
الساعه4 ،تفاحة او برتقالة
الساعه6 ،شريحة جبن شدر
الساعه8، شريحة لحمة +صحن سلطة خضار
الساعه10، كوب زبادي
قبل النوم 2 كأس ماء

اليوم الخامس
8 ==============================
الساعه10 ،برتقالة او 10 حبات فراولة
الساعه12 ،شريحة توست +اربع ملاعق جبن اريش
الساعه2 ، طبق شوربة خضار او سلطة
الساعه4، قطعة بسكويت الرجيم اسمة (دايجستف)
الساعه6 ، شريحة جبن تشدر
الساعه8 ، ربع دجاجة سلطة خضار + عصير قريب فروت
قبل النوم 2 كأس ماء
-----------------------------------------------------------------------------------
ملاحظات هامة
مسموح بالشاي والقهوة بدون سكر
يتبع كما هو ولا يستبدل بشي اخر



الرجيم منقول

من تتحداني وتمشي معاي في هذا الرجيم


وانا بواصل باذن الله واذا الله احياني هالريجيم لين رمضان وبشوف كم يصير وزني

اللي تحب تشاركني

شروطي ( التزمو فيها واللي ما بتلتزم لا تشاركني )

1) تلتزم العضوه بالريجيم حرفياً وخصوصاً سالفة اللي بين الوجبات اكل الفاكهه وما تلخبط فيه وما تسوي اكثر من رجيم يعني اتم معاي وما تشارك برجيم ثاني .

2) العضوه مو مقيده بالانتظام في الاكل بالصوره نفسها اللي انا كاتبتها في الرجيم تقدر تنوع في الايام .

3) المشي كل يوم لمدة ساعه واحده مو اقل . ( البنات اللي ما يقدرون يطلعون يمشون بالبيت )

4) الالتزام بالتوقيت مو الوقت يعني مثلاُ مكتوب الفطور الساعه 8 المشاركه تقدر تفطر الساعه تسع بس اتم كل يوم تسع وبعد ساعه لازم تاكل فاكهه مثل مو مكتوب في الرجيم .

5) كل نهاية شهر بيتم حساب الوزن وبيكون في تاريخ 30 من كل شهر .

6) قبل ما تشترك العضوه تخبرنا بوزنها وطولها وكم حابه تنقص وكم شهر بتستمر معاي وشنو هي رياضتها .

7) اللي جاتها الدوره وهي تسوي الرجيم تشرب شوربه واتم على الريجيم
لان هذا الريجيم فيه غذاء صحي وما اعتقد بياثر بس اللي عليها تشرب اشياء دافيه وما تلخبط .

8)المشاركه اللي بتشارك معاي اذا تعبت او حبت تغير تخبرنا قبل ما تنضم لرجيم ثاني.

سامحوني شروطي وايد بس للمصلحه العامه واللي ما بتلتزم فيها في ذمتها

في انتظاركم

انا المشاركه الاولى طبعاً
بحور اشواق
الوزن 122,5
الطول 162
الوزن المطلوب انقاصه 62 كيلو في البدايه نخليها 30 كيلو