أخيرا ولدت وخلصت نفاسي ورجعت لكم ..

السلام عليكم ورحمه الله وبركاته
اللهم صل على محمد واله


شلونكم كروشات عروش واللي نسموا كرشتهم مثلي :wink:

قبل ماذكر قصه ولادتي احب اهني وابارك الى كل من كان معي بشهور حملي ولدوا
هلا وتيد وريمنوف ونبعه الريحان .. وكلهم بس مو ذاكره اسمائهم .. (f)

نبدء

الدكتوره عطتني موعد 27 -3- 2008
رحت لها موعد وهو كان اخر يوم بالتاسع وقالت لي بتسوي كشفيه عشان تشوف عنق الرحم فاتح او لا !!
نصيحه::: بالشهر التاسع لا تقبلوا تسوا كشفيه او فحص ابد ابد ابد ... تجربه شخصيه

المهم وسوت الفحص ... وبعدها على طول حسيت بالم ودخلت الحمام بالمستشفى قبل لااطلع وحسيت شي ينزل مني رحت لها على طول وقالت عادي طبيعي هذا من الفحص ؟؟؟؟:qaq:

وضل الالم مستمر قلت لزوجي ابي اروح بيت اهلي .. ورحت هناك ومن الظهر الى 8 الليل والماء ينزل مني بس بفترات والماء بسيط وامي قالت لي هذه ولادتك قربت بس اصبري شوي ..
طبعا ماكان عندي الالام طلق البته ...
الساعه 9 الليل حيت بشئ ينكسر داخلي وطلعت المويه وااااااااااااااجد وانا اروح للحمام والمويه تمشي معي ... انا هنا خفت وقلت لامي قالت لي خلاص روحي احسن لاينشف الماء على البيبي ... رحت للمستشفى ساعه 1 بالليل والى ساعه 9 صبح والرحم فاتح 1 بسسسس:D_smil1:
وماعندي الالام طلق وعطوني طلق صناعي مع المغذي وتجيي الالام تشرف عاااااااااد ههههههه(تذكرت):2_22:
بعدها قعد يفتح الرحم بس 2 وراس طفلتي مو راضي ينزل .... سوا لي قصطره الله لايوريكم اياها ..
هلكتني اكثر من الالام الطلق .. وكلما تجي الدكتوره تكشف اتألم بقووووووه منها..
الى ساعه 6 مغرب قالت لي الدكتوره مافي فايده الطفله مو راضيه تنزل والمويه مستمره تنزل والرحم يفتح بطئ .. قررنا نعمل عمليه قيصيريه.. انا عاااااااااااااد هنا قلت جاك الفرج ..:87457:
والله صدق لاتقولوا لي شلون ماشلون لاني كنت منتهيه تعب ومو ماكله صار لي يومين ولانايمه يعني على الصفر الجسد والنفسيه .... بعدين قالوا لي وقعي وقعت .. شوي ويجيني دكتور التخدير يقول لي تبين موضعي او كلي .. قلت له كلي طبعا وبدون نقاش ... قال لي لا ترا الموضعي احسن ومودري شنو وقعد يشرح وانا ابد عمك اصمخ .. قلت لا .. واهل زوجي معي قالوا لي يابنتي الموضعي احسن .. قلت لهم اللي احسفيه مو فيكم فمابتحسوا فيني ...
وتوكلت على الله ودخلت الغرفه الساعه 7 وبنتوتي شرفت على الدنيا ساعه 7,22 وانا ماطلعت الا 8 ونص يمكن ... وطبعا مخدره بس قاعده اصرخ من الم الجرح الله لايراويكم حسيت بحرااااااااااااااااااراه
وهم يضمددون الجرح وزوجي معي يقول اش فيها قال ماعليك منها هذه تهذي من تخدير ؟؟ :angry:
واصلا تعباااااااااااااانه ومتالمه هذا اللي مايحس يبي اشق بطنه .. ههههههههه
بعدين جابوا لي بنوته وقالوا لي شوفي بنتك شوفي فطوم وحطها بحلقي وشفايفها بشفايفي .. وانا ابتسمت وبستها .. طبعا ليه مخدره بس حسيت فيها كأنها حلمه .. قال لي عنها زوجي بعد ماافقت ... جلست ساعه 10 وعلى طول طقيت الجرس وقلت لهم جبو ا لي بنتي .. ولما شفتها اااااااااااااااااااااااااااااااااه حبيتها فرحتي ماسعتني وبستها ونمت وشالوها مني ... وتنومت 4 ليالي و طلعت ...
واللحين خلصت نفاسي ورجعت لكم .. وحبيت اتشاركوني قصتي .. :shy:

الله يسهل عليكم ولادتكم يارب ...