مالي غير الله ثم انتم يااخوااتي......

الصراحه ماعندي خبره

بس ان شاء الله خواتي بيساعدونج

اختي المشي السريع والتمر والحليب،، والله يسهل عليج

هلا عبير


الله يسهل عليج يارب وعلينا جميعا
انصحج تكترين من الاستغفار اولا

بعدين المشي مهم جدا
والتمر والعسل الابيض

اشربي دارسين ترا يسهل كتييير وانا مجربته

وكف مريم بعد انا ماجربته بولادتى الاولى بس ناويه اشربه هالمره من كتر ما يشكرون فيه البنات


ومن قلبي بدعيلج الله يسهل عليج
اتمنى اكون افدتك(f)

الله يسهل عليك ولادتك يااارب

اخيتي الغاليه لا تخافي و لا تحاتي شي..

شوفي مب شرط ان البكر يطول معاها الطلق انا بولدي البكر ولدت ولاده طبيعيه بالإسبوع 36 اول التاسع تاريخ 18 الضهر عقب ما تغديت تكرمين رحت الحمام اغسل وجهي و انظف اسناني حسيت بشي كأنه مثل البانطلون لما يتمزق طبعا غير مؤلم عادي حسيت بثقل بس و عقب خلاص طلعت بالمغرب بعد الصلاة كالعاده اتمشة بالممشى مع زوجي بس ما طولت لاني حسيت بتعب ..
حسيت بشي يضغط علي من تحت قلت اروح الطوارئ لان ما اعرف في هالسوالف كشفت علي و قالت لي مفتوحه 1 س فقط روحي البيت و تحركي عادي و اذا حسيتي الالم كل 5 دقايق متواصل تعالي..
طلعت من المستشفى و وقفنا جمب دوار و قال زوجي اش رايج تتمشين شوي الجو حلو ..
قلت له يالله انا بعد مالي خلق ارجع البيت تمشيت شوي وصلت صيديله على الطريق دخلت شريت مراضع و مشط و ادوات تنظيف للبيبي .. و رجعنا السياره و توجهنا للبيت..
رحنا غرفتنا ما نمن بغرفة النوم حطينا مخداتنا و انسدحنا بغرفة الجلوس نتابع فلم و زوجي كل شوي يطالعني يشوفني نمت او لا بس انا كنت متوتره فالنوم شرد ما جاني..
الساعه 1.30 بعد منتصف الليل جاني الم بس كان على فترات متباعده يعني مب كل 5 دقايق..
قمت رحت فوق السرير زوجي كان نايم مسكين تعبان ما حبيت اقعده قلت بتحمل و رحت انسدحت على السرير كنت ابي ادخل الحمام بس خفت ما ادري ليش اقول ببالي لا يمكن اول بالحمام..
شوي الا يجي الالم كل 5 دقايق قعدت زوجي و رحنا الطوارئ قالو لي 4 سانتي بدلوني و جهزوني للولاده وودوني غرفة الولاده عطتني ابره عشان يخف الألم و قالت لي لا تضغطين على روحج عشان ما ينزل البيبي الحين مب زين المكان للحين 4 سانتي المهم الإبره ريحتني و عقب فتره يرجع يجيني الطلق و لاحظي ان ما نزل مني لا ماي و لا دم و لا شي بس طلق ..

المهم الساعه 3 دخل زوجي و قعد يم راسي و كنا بس انا وهو بالغرفه كنت اقول له برجع البيت و ابجي و هو يبجي معاي هو ما يعرف اي شي عن الولاده و يوم شاف حالتي تاثر فديته..
المهم رجع علي الالم و قالو له اطلع برى بيفحصوني كم انفتح عندي ..

قالت لي 8 سانتي..
نادو دكتوره و دخلت شي من تحت طويل و ضعيف كانه الخطاف اللي ينسجون به الصوف و فتحت الكيس و نزل الماي حسيت فيه كان دافي و جاني الألم العدل اللي مال الولاده الفعليه و قالت لي تنفسي عدل عشان لا تتالمني وايد و ولد الساعه 2 الضهر..

و الحمدلله ..و انا بكر فكل وحده تختلف عن الثانيه..
و صحيح الم لكن مب كلش كلش .. احنا نقدر نستحمل حبيبتي بس اهم شي لا تخافين و لا تحاتين و تخيلي وليدج في حظنج .. قلت لج تجربتي بالبكر .. عشان تعرفين اشلون تكون الولاده و انا مجربه يعني ما عليج من اللي يخوفج ...
الولاده لازم تألم شوي و قال الرسول ان اصعب شي بالوجود خروج الروح من الروح... و هذي نعمه خصنا بها رب العباد.. الحمدلله..


تحياتي
أم محمود

انا قريت في المنتدى هذا الخروع والزعفران انهم يسرعون الولادة والله اعلم...........