بطني منتفخ واحس اني متدوووووره ساعدوني بنات

ع

عالية المقام

عروس مبدعة

12-05-2008 | 10:54 AM

السلام عليكم

انا شاركت بنفس القسم من شهر تقريبا ولكن المشكله نفسها موجوده ... الدوره عندي متأخره وعقب كم يوم بتكمل الشهرين ومانزلت علي .. مع العلم اني (بنت) مخطوبة بعقد ..:( وباقي شهرين وكم يوم على زواجي وانا اووووول مره تتأخر الدوره عندي هالكثر.. والله والله كانت منتظمة وكل 28 يوووم تشرف بروحهااا
... خذت بكلام البنات بموضوعي السابق وشربت القرفه والمرقدوش ولكن ........ لا نتيحه للاسف :(
واخذت موعد للمستشفى خاص وكان الانتظاااار صعب عندي لان كان تاريخ الموعد بعد اسبوعين من الاتصال .. وانتظرت واانتظرت ولكن ... اتصلو فيني المستشفى ليفاجأوني ان جميع المواعيد ألـــغيت في ذلك اليوم المنتظر :confused: ... وعطوني موعد ثاني وهو يوم الاربعاء القادم 14/مايو

سؤالي هو:

ارووح الموعد اوووو لا؟ احس ان الله مو كاتب لي الروحه ويمكن صلاح لي ان ماروح واخربط بروحي وخصوصا ان وراي زواج
وخاااااااااااااااااااااااااااااااااااااايفه هالتأخير يأثر على قدرتي على الانجاب في المستقبل

بنااات واللي يسلم لكم غاليكم ردوو علي

احس بطني صاااااااااار منتفخ من الانحباااس وكارهه شكلييي وحاسه بضيقه :confused:

انتظركم

~

~Mrs $ugar~

عروس برونزية

12-05-2008 | 11:12 AM

امممممممم

حبيبتي بقول شي ولا تزعلين

يمكن يعني شسمه تكونين حامل ؟؟ سوي تحليل منزلي

واذا ماصار بينكم شي

فالاحتمال انها متأخره عليج من المحتات والخوف

لان خبرج تجهيزات الزواج تتعب النفسيه وايد والنفسيه لها دور كبير على الدوره

فالاحسن انج تروحين الموعد عشان تتطمنين اكثر

ع

عالية المقام

عروس مبدعة

12-05-2008 | 11:19 AM

هلا ام سويرة << مشكورة اختي على الرد ... بس لااا ماصار بينا شي:oومستحيل اكون حامل ...

~

~Mrs $ugar~

عروس برونزية

12-05-2008 | 11:44 AM

يسلم قلب الي يستحون:D

يمكن من خوف وتعب التجهيزات

انا بعد اذكر قبل زواجي تأخرت علي وكنت خايفه

وامي تقول لي احسن عشان وقت تروحين شهر العسل تتأخر عليج وتستانسين

بس اتاخرت ايام

مو شهرين

روحي الموعد حبيبتي وطمنينا عليج

ع

عالية المقام

عروس مبدعة

12-05-2008 | 11:49 AM

ههههههه ضحكتيني ام سويره ..

انا بعد صليت صلاة الاستخاره وان شاءالله خير ... ويسلمووووووووو على الرد

أ

ألطاف

عروس برونزية

12-05-2008 | 12:29 PM

عادي تتأخر الدورة قبل العرس ..

بسبب التفكير والقلق والتجهيزات

بترجع تنتظم ان شاء الله بعد الزواج .. ومبروك مقدما

م

مريـم نور

عروس رائعة

12-05-2008 | 01:21 PM

جربي كمادات الزنجبيل ..

ع

عالية المقام

عروس مبدعة

12-05-2008 | 01:39 PM

ألطاف << مشكورة يالغلااا .. بس يعني شهرين تأخر طبيعي ؟؟؟

مريم نور<<< شلون اسوي هالكمادات؟؟؟ ومشكوره على الرد

ش

شمس دبي

عروس متألقة

12-05-2008 | 01:58 PM

بدل ما تخربطين بعمرج وإتجربين أي شي سيري الموعد وشوفي شو بتقول لج الدكتوره

أنا إتأخرت شهرين ورحت عند الدكتوره سوتلي فحص دم وسافت أن هرمون البرولاكتين مرتفع وأول ما عطتني الدواء نزلت الدوره

وهالهرمون يرتفع بسبب النفسية

ع

عالية المقام

عروس مبدعة

12-05-2008 | 02:14 PM

شمس دبي <<<<<<<<<< طمنتيني اختي الله يطمنج .. مشكوره وماقصرتي

ع

عالية المقام

عروس مبدعة

13-05-2008 | 08:21 AM

اناااااا بسرعه بسرعه فتحت المنتدى قلت الحين ردو علي البناااااااااات واثاريه على حطة يدي واعليه علي ...

مشكوووووووووورين يا بنات وماقصرتو وماتوقعت هالشي من بنات منتدى عروس

اللي اعرفه ان البنات متعاونات في المنتدى بس مادري شاللي صاير لي انا بالذاات

من اكتب موضوع يردون علي 3 او 4 بالكثييييييييير

شالسالفه؟

ر

ريماس3

عروس رائعة

13-05-2008 | 10:03 AM

طيب اشربي قرفة ممتازه وكذلك اكلي كل يوم جرجير بعد زين لمثل حالتك

ع

عالية المقام

عروس مبدعة

13-05-2008 | 11:54 AM

ريماس<<<< كلت وشربت ومافي فايده

م

مريـم نور

عروس رائعة

13-05-2008 | 02:43 PM

معليش أختي تأخرت في الرد ..

كمادة الزنجبيل :

احضري 100 جرام زنجبيل طازج ابشريه و ضعيه في كيس قطني ( أو أي قطعه قماش قطنيه ) واسع المسام و اقفليه .. لا تشدي الكيس عند اقفاله حتى تسمحي للماء بالحركة داخله

املئي قدر من الستانلس ستيل ب 4 لتر ماء عادي .. ضعيه على نار هادئة و أسقطي كيس الزنجبيل بداخله غطي القدر و كل فترة اخرجي الكيس من الماء بواسطة ملعقة خشبية ضعيه على الغطاء و اضغطي عليه لاستخراج العصارة

عندما يقترب الماء من الغليان اطفئي النار .. لا تخليه يغلي لان الزنجبيل يفقد خواصه عند درجة الغليان

غطي القدر لمدة 5 دقايق

جيبي منشفة نظيفة تماما من آثار الصابون و قفازات بلاستيكية تقيك حرارة الماء

في غرفة ما فيها تيار هوا بارد

اغمسي المنشفة في ماء الزنجبيل اذا الماء حار جدا هوي المنشفة عشان تبرد شوية وضعيها على النصف الأسفل من بطنك بالكامل و غطيها بمنشفة جافة عشان تحتفظي بالحرارة قدر الامكان .. و بدلي الكمادة كل دقيقتين أو ثلاث .. واستمري حتى تحمر المنطقة أو حتى تمام ال 30 دقيقة

بعد ما تنتهي اذا سبب لك الزنجبيل الحكة امسحي بعد بماء دافي فقط .. لا تغتسلي ولا تتعرضي للهواء

اذا الجو بارد عندك و الماء يبرد بسرعة استخدمي موقد كهرباء صغير عشان تحطي القدر عليه ليحافظ على درجة حرارة ماء الزنجبيل

استخدميها يوميا قبل النوم .. لمدة أسبوع أو حتى تنزل الدورة

صحيح الطريقة متعبة نوعا ما .. بس مفيدة بإذن الله

ولو ما فادتك في هذا الأمر .. بتفيدك لشغلات ثانية

أتمنى تقدري تعبي .. و تستخدميها

ع

عالية المقام

عروس مبدعة

13-05-2008 | 02:59 PM

مريم نور <<<<<< مشكوووووووووووووووووره على الطريقه
وجااااااااري طباعه الطريقة للتنفيذ والف الف شكر

واكيد مقدرة تعبج وماقصرتي