من خفايييف منال العالم
استانسوااا عليه اليهااال
كنت مسويته لليهااال
وماسويت منه وايد خفت ماايعجبهم
بس فديتهم عجبهم
وطلبوا مني اسويه لهم مره ثااانيه
المقادير :::
مقادير العجينه ::
2 ونص كوب طحين
1 م ك خميره
1 م ك سكر
2 م ك حليب بودره
ربع م ص ملح
ربع م ص ثوم بودره اذا حابه
ربع كوب زيت
كوب الا ربع ماء
1 م ص بيكنج بودره
مقادير الحشوه:::
همبرغر دجاج او لحم
شرايح من الجبن السلايس
شرايح طماطم
بيضه مخفوقه
سمسم
الطريقه ::::
- بالخلاط ::
- نحط الطحين والخميره والبيكنج بودر والثوم البودره والملح والسكر وحليب البودره ونشغل الخلاط شويه وعقب نضيف الزيت والماء ونخلطهم بالخلاط واذا احتاجت طحين نضيف شويه بحيث تكون عجينه متماسكه وطريه
- ونخليها ترتاح لمده نص ساعه ونغطيها بالنايلون
- في هالوقت نقلي الهمبرغر
وبعد مالعجينه ارتاحت نقطعهاا دوائر ونفرد كل دائره لحالهااا ويكون الحجم مناسب لحجم الهمبرغر
- نصف عدد من العجينه بصينية الفرن ونحط فوقهم حبات الهمبرغر وفوقهم شرائح الطماطم وقطع الجبن السلايس وبعدها نغطيهم بقطع العجينه الدائريه ونرص جوانب العجينتين باليد عدل مدل وبعدها نمسح الوجه بالبيض ونرش عليهم شويه سمسم ونخليها ترتاح لمده ربع ساعه وبعدها ندخلهم الفرن لين ماانشوفها استوت العجينه واحمرت من فوق
وبالعافيه يارب
وزااادت عندي عجينه
قلت اسوي فيهااا خلية نحل بالكيري والعسل
وهاي تطبيقي
