فشلت في اعداد الحبة الحمرا :( ومافي وقت للفشل

افا وينكم يا طباخات عروس ..

والله محتاجة وصف دقيق للمكونات

والله ماعندي فكرة بس ماحبيت اطلع بدون رد

ممممممممممم انتي قصدج الحريروه صح ؟ تصدقين نستانس يوم حرمه تربي كككككككك عشانهم يسوون حريروه ونحن نشربها
بتخبرلج امايه وان شا الله بااجر بتكون الطريقه عندج

صح اريوشة .. يالله اتريا الوصفه وبدقة ها

بــــــــــــــاك

شوفي الله يسلمج
اول شي تيبين الحبه الحمرا انزين .. وبعدين تنقعينها ف ماي اشويه
وبعديين يوم تنتفخ يعني عقب نص ساعه تقريبا
تحطينها ف الجدر وتصبين عليها كوب حليب مممممممم نحن نستخدم الحليب العادي الفرش مال العين يعني هب حليب بودره
وتحطين عليه اشويه فلفل اسود ونص خاشوقه صغيره كركم وفنيان شكر ولا فنيان ونص عكييفج وتخلينه اليين ما يغلي
وخلاف تييبن الكسترد ( 1خاشوقه اكل ) وتذوبينه ف نص كوب ماي وبعدين تضيفينه للحليب والحبه الحمرا وتخليينه يغلي .. لو كاانت واايد غليظه زيدي عليها ماي ..
وبـــث
قصدي بالهنا والشفا
تسلم ايدي ككككك

وبشرينا بتضبط ان شا الله

فديتج اريوشة .. تسلم صبوعج الي كتبت لي ايدين امج ..

هيه هذي فيها بهارات شوي .. انا مابا بهاراات حالياً بسويها بالكاستر نفس ما سويتها اول مرة ..

بس كوب حليب واحد ماتحسينه شوي ؟

لي تجربة ثانية ان شالله هالويك اند وبشوف كيف بتطلع وبصورها بعد

مرحبا




المقاادير :

فنجان من الرشاد مغسوول.
فنجان من السكر .
علبتين حليب رينبو (ابو قوس او اي حليب عندكم).
اربع ملاعق كاستر مع فنجان ماء .
ربع ملعقه شاي فلفل اسود .
نص ملعقة طعام قرفه ( دارسين مطحون).
شوي زعفران مع نص فنجان ماء حار.
ماء ليتر قياس دله .


الطريقه:


1-في قدر تحطين الماء مع السكر والقرفه والفلفل حتى يغلي
وتحطين عليه الرشاد وتخلينه يغلي لمدة 3دقائق ثم علبه واحده من الحليب
2-تخلطين الكاستر مع فنجان الماء والكاستر والحليب تخلطينهم عدل وحطيه مع المقدار رقم واحد وخليه يغلظ وحطي اخر شي الزعفران وحطيه في دله

ممممممممممممم حتى انا حسيته اشويه
بس ما ادري
انتي جربي وشو في شو يطلع وياج
وشوفي الاخت ام شهاب نفس الشي حطت قوطيين بو قوس يعني قولي القوطيين بيوصلون كووب
ممممممم اظني نحن نستخدم كوب جبنة كرافت خخخ
وبعدين انتي بتزيدين ف الماي
لانه اذا كاان حليب بيظهر وايد غلييظ

لا حول الله انتي بعدج مقاومة ما ربيتي هههههههههههههههه

تعالي عندي بسويلج الحبه الحمرا

حلاة الحبة الحمراء بالبهارات والفلفل الاسوود صدق اتنظف بطنج عدل واتنزل الاوصاخ

صخي يمدحونها وقت الدورة شكلي الا بسويها باجر

والله شسوي رديت سويتها بحليب وكستر بدون اي اضافات ثانية اقصد بهارات .. بس تدرين اريوشة .. بعد فشلت ههههههههه طلع الحليب والماي اكثر من الحبة الحمرا ههههههه كأني اشرب شوربة

بصراحة ما ذقتها قبل بالبهارات .. وغير جي احسها حاره علي وانا حامل ..

حلوة المحيا.. بعدني مقاومة بس ادعي لي انه ما يخلص الاسبوع الياي وانا مربية امنيتي اربي اخر الاسبوع الياي .. يعني اول اسبوع في التاسع .. يااااااااااارب

الي بالبهارات بذوقها ان شالله بعد الولادة .. وقتها بحتاي للتنظيف عدل ..

مادري ليش مش متقبلتنها ببهارات ..

مشكووووووووره

الله يقومك بالسلامة اختي

وان شاء الله تزبط معاكي الوصفة والاخوات يفيدوكي

احنا صراحة يوم الواحد تولد بنكون ناقعين القرفة من لما تولد لين تخرج من المشفى بعدها بيكون لونها احمر بنغليها وبنقدها للوالدة اما لحالها مع زيادة السكر او مع جوز مطحون بنحط ملعقة في كوب التقديم وبنصب عليه القرفة كثير طيب

والمعروف انها القرفة بتريح الحامل وبتنضف الرحم

عيل زيدي من الحبه الحمرا
ولا قللي الماي او الحليب

انا كرهت شي اسمه حبه حمرا من كثر ما اسويها وافشل ..

قسم بالله احس كرهت ريحتها وطعمها من كثر ما ابلع فيها وما وصلت للطعم المطلوب ..

يعني الي اسويها تطلع عادية .. بس لأني ذايقتنها عند وحدة وكانت لذيييييذة وسألتها عن طريقتها وطبقتها وبعد طلعت فاشله ..

كل يوم نعق جدر متروس

غاردينيا .. حتى القرفه ماحب طعمها اليوم جربتها وفي حملي الاولاني كنت اشربها وايد .. بس مادري تلوعني زياده :(

احتا نسوي الحبه الحمرا بس بالملح اول مرة اسمع بالسكر