دجاج بالفرن ... يمي يمي...طريقة بسيطة ونتيجة رهيبة

مرحبا بنوتات :) شحالكم؟

توني مسوية عشا لذيييييذ وحسافة ماصورت الطبق

بس لازم اتجربونه لانه سهل وطعمه لذيييييذ

الطبق هو دجاج تندوري بالفرن (ممكن تسوينه على الفحم اذا حبيتي)

المهم نجي للمقادير

4 م ط مايونيز
4 م ط صويا صوص
ملح
فلفل اسود
2 بصل مفروم
3 ثوم مدقوق
1 دجاجة نظيفة ومقطعة الى 6 اجزاء

الطريقة

تجيبين وعاء تحطين فيه المايونيز والصويا صوص وترمين فوقة البصل والثوم ...هذي هي خلطة التتبيلة...وترشين الملح والفلفل وخلاص تتبيلتج جاهزة

تاخذين قطع الدجاج وتحطينها في الوعاء عشان تتنقع في التتبيلة

خليها في الثلاجه مغطاه لمدة 5 ساعات على الاقل

وعقب ادهني صينية الفرن - انا استخدمت تيفال ...وصفي الدجاج مع التتبيلة وخليها تستوي تقريبا 45 دقيقة

على حسب حرارة الفرن وقوته :) انا خليتها على نار هادية من فوق ومتوسطة من تحت عشان ماتحترق...وقلبتها عقب ثلث ساعه عشان تتحمر من الصوبين :)


وقدمتها مع سلطة ملفوف مالت كنتاكي ...وخبززز

وبصراحه ريحتها تجنن وطعمها لذييييذ

جربوها :)