ساعدوونى زوجى يهرب من البيت ؟؟؟؟؟

السلام عليكم ورحمه الله وبركاته ..

اختي الفاضله .. ليش معوره نفسك ... اول شي طمني نفسج .. هل القعدات الي يروحها زوجك شباب بس .. ولا فيها شي ... طبعا ما ابي ازرع الشك .. لكن .. استفسري ..

بعدين ليش معيشه زوجك بفندق اختي .... اكل ونظافه ومادري ايش .. جربتي تكلمينه وتقعدين معاه وتقولين له الي يخاطرك.. ويوم كلمك .. قالج حاضر مثلا وطنش ..

هل شفتي شنو رده فعله ... المفروض الزوجه اول شي تبدى بالحوار وتسأل مره واثنين وثلاث ..

وتتدلع وشويه .. تطنيش وزعل .. وخصام خفيف .. ونظره أسى على ويهها ....

لو مافاد اختي ..

بعدين بقولج الحل .. جربي الحوار اول شي


تحياتي
ا م جنى

الله يفرج همك

شوفي ايش الي يحبه لما يجلس مع ربعه استفسري منه
يسهرون شيسوون يلعبون مثلا او يسولفون ؟؟؟
انتي املي هالفراغ له سولفي معه جيبي بلاستيشن والعبي معه وسليه شوي
شاركيه هواياته
لان االهروب من البيت مش شرط بسبب اللبس والنظافه والاناقه لا طبعا
اهم شي الراحه النفسيه والسعاده والتسليه والمرح
وفري له هذه الاشياء وشوفي بيتغير او لا واذا ما تغير يعني طبعه يحب جمعة الشباب والسوالف الرجاليه اكثر
عطيه فرصته بهالشي واطلبي منه يخصص يوم لك يجلس معك ويوم لربعه يرفه عن نفسه وخلاص
تحياتي

اتكلمى معاه شوفيه هوه ليه بيسهر يوميا

الحوار مهم بين الازواج

يمكن يكون هوه مش حاسس انه سهره بره البيت شئ بيضايقك

الله يسخرك زوجك

اولا برايي تاكدي وين يقضي اغلبية وقتة لانة لاحظت من كلامك انه مو طايق منش كلمة شوفي حاولي تعرفين..

واذا قعدة شباب الله يعينك بس يا ترا هذا جديد علية ولا طبعة كذا وان كان من الاول انتي الغلطانة بسكوتك

وواجهي بس باسلوب يعني صحتك مباين عليك الارهاق ...

انا حاورته لكن مو راضي يقو ل مايحب حبسه البيت وهذا طبعه من اول وجمعته على دق العود والطرب مع اصحابه وشكرا لكم

من متى هاي الحاله ؟ اذا من فتره قصيره خلييه على راحته كل ريال يحتاج للفتره هاي بعد الزواج انه يبتعد شوي و يرجع لربعه .. اذا من اول ما خذج جييه والله ماعرف بس اتوقع بيكون في شي مب مرتاح له

الله يسعدك انتي وزوجك ويجمع بينكم على خير,,,,

انا زوجي نفس الشي، كثير الطلعات ولما اسأله والا اقول له قلل سهرات وطلعات يقول ما احب قعدة البيت وتوصلت لحل في الاخير
قمت انا اقول له ما احب اقعد في البيت، وقمت انظم حق طلعات، وادور الشي اللي يحبه واقول له روح سو كذا وبعدين تعال لي بنطلع المكان الفلاني، يعني حاولي تطلعين معاه اول الليل وما بيقدر يطلع في نص الليل علشان السهرات
والله يسخر لج زوجج

اختي اكثري من الاستغفار والله ان له مفعول كامفعول السحر
والله يهدي زوجك

الزوج ما يسهر بره لان ما يلقى راحته داخل البيت .. فا دوري على اللي يريحه ...

اطلبي منو ببساطة يقعد وتكلمي معه لوحدكم وقولي كل شي يزعجك واطلبي منو تفسير وحل بكل هدوء

ام عبد الله كلامها جميل وعن تجربة :D

كنت بكتب لج اول شئ تناقشوا ،،،، يعني مثل ما قالوا الخوات بس بعد ما قريت ردج الثاني ..

انتي كلمتي وهو مب يقعد في البيت وما يحب حبسه البيت ،،

خليه شوي يروح يرفه عن نفسه ،، بس في نفس الوقت هيئي له الجو المنااسب ،،

يمكن مب مرتاح في البيت ....

الله اعلــم ..

صح شايف نظافه ولاقي اكل وشرب بس مب مرتاح او الجو مب مريحنه .....

او يمكن يكون طبعه وما يحب قعدت البيت ...

حبيبتي خلى الأمل بالله قووووي ولاتستسلمين أبدا
وعليج بالأستغفااار والدعااء والصلاه
وهذي نصااايح انشالله تفيدج حبيبتي الله معاااج ونحناا بقلوبنااا ودعوااتنا معااااج



نصائح مهمه:-
-عيشي وياه لحظات الجماع بكل جوارحها واستمتعي بكل ثانيه فيه 00 خليه يحس انج انتي اللي ترغبين فيه مب بس هو اللي يرغــــب لان هالشي يثيره جنسيا ويخليه يشعر بالراحه

-الضغط يولد إنفجــــــــار
وحتى حبـج الزايد له واهتمامج المبالغ فيه ودلعج لـه يعتبر أحد انواع الضغطـ اللي يولد انفجار ومن ثم يؤدي الى مرحلة الطفـش ومن ثم الهـروب
العشيقــــه هو اللي يدلعـهااااا 000 صحيح انها تدللـه بس بأشياء معينـه تلقى هي فيها متعتهـااااا
بس تجبره انه هو اللي يدلعها ويهتم فيهـااا والبعض منهم ياخواتي يكتب اللي وراه واللي قدامه عشـانها

-لاتتخلين عن صديقاتج ولا تتخلين عن ممارسة هواياتج ولا تتخلين عن أهلج ولاتتخلين عن اي شي تحسين في المتعـه فيـــه بمجرد اني تزوجت لا000 ممكن انج تخففيــن بس انج تلغيـن هلأشيـاء اكبر خطـأ ترتكبيـنه في حق نفسـج

-يعني بصحيح العباره : مايكون الزوج هو أكبر همي وإنشغالي

-طلع من الحمام واقفه وراه راح يجلس يتفرج على التلفزيون راحت وجلست وياه ياربيــــــــه وين اشرد من هالحرمــه
إتركيـه هو اللي يناديـج
-حاولي تخلقيـن معادله بين اهتمامج بنفسج واهتمامج بريلج انا ماقلت روحي الصالون وسوي تنظيف بشره عشان تنعميـن جلدج عشانه 00000 لأ لأ
سوي هالتنظيف عشان تشعري انتي بالاسترخاء عشان تشوفين ويهج في المرايه ونتي واثقه بنفسج تحسين انج يالسه ترفهين عن نفسج

-ابعدي نفسج عنه وبتشوفينه هو اللي ينساق لج بكل عواطفه

-الرجل يحب المراه المتفائـله المبتسمه الي تثير البهجه

-حبيه كما هو بكل مالديه من أخطاء وبدون أن توجه اليه النقد الدائم ولاتشعره ابدا بتأنيب الضمير

-الرجل لايحب الطبع اللحوح ولا يحب ان يشعر بأنكي تفرضين عليه شيئا

-اشعري بالرغبه نحوه وتقوم بعمليـة ال ج ن س من أجل لذتهـا الخالصـه لإرضاء ذاتها

-استمتعي باللحظات الحميميه بينج وبين ريلج

-ركزي بطاقتج ومتعتج فقط في تلك اللحظـه 00 اتركيها نابعه من رغبه جنسيه حقيقيه وليست مصطنعه او تمثيل

-حاولي تكسرين الروتين بتجديد الحركات اثناء العملية الجنسيه وتقول المحاظره انه يكفي يوم واحد كل اسبوعين تخصينه بلقاء جنسي مميز

-وإذا كنتي بعيده عنـــه بإمكانك ممارسة الجنس على الهاتــف

-الرجل يحس ان المرأه باسئلتها وتكرار الاسئله عليه تحسسه بانعدام الثقه فيــه وتخليه يشعر بأنج تشكين فيــه

-المطلــوب إشعريه بالثقــه اشطبي الأسئله من حياتج كوني غير متذمـره

-اقراي الكتب الخاصه بالعلاقات الحميميه ( وهذا ما أدعو اليه ) وتقرا القصص وتاخذ خبرات تكتسبها من خلال ماتقراه وتقوم بتطبيقــه لتكسر الروتين حتى في عملية الجنس

-من الخطأ ان تهمل الزوجه زوجها جنسيـــا اثناء فترة النفاس ويكون بعلمكم ان اغلب الخيانات الزوجيه تقــع اثناء هذه الفتــره
لذلك عليـك ان توفري له الراحه الجنسيــه أثنا فترة النفاس بالطرق الحلال

-إذا كنتي بعيده عنـــه بإمكانك ممارسة الجنس على الهاتــف

-اشعريــه بالثقه 00 الثقــه 00

-استغلي أي فرصه عشان تقولين قدامــه 00 آآآآه بس لو كل الرياييل مخلصين مثل زوجي حبيبي
-غالبا ان المرأه ( الزوجه ) تسعى جاهده لإرضا زوجها حتى لو كان هالشي على حساب سعادتها 00 وهنا الخطأأ

-أركزي على الأمور الإيجابيه في حياتي واترك السلبيه

-تزداد فرحا كلمـا عبر الرجل عن رغبتــه بها وزادها ذلك قناعة بتأثيرها عليـه ومدى إغوائها له 00 ومـدى حبـه لهاا

-على الزوجه ان تحدد رغباتها الجنسيـه وتشعر الرجل بأن لديها اسلوبا خاصا في العلاقه الجنسيـه وهذا يجعها اكثر مكانه لديــه

-لاتستجيــبي غالبا لما يطلبه الزوج دون ابتكــار

-كوني مسـتعده للقاء الجنسي 24 ساعه
مستعده شلون ؟؟ 000 يعني الجسم خالي من الشعر تماما 00 رائحة الجسم جميله وعطرّه 00 رائحة الفم جميـله 00 الملابس الداخليه نظيــفه دائما 000 كوني مستعده نفسيا وتذكري ساعة بدأ العملية الجنسيه تنسيـن كل شي وتركزي في العمليــه فقط 00إبتعدي وابتكري طرق جديده اهم شي احساسج بالمتــعه 00 وذكرنا سابقا اهميــة انج تتثقفيــن جنسيــا

-إبتكار وابتداع طرق جديده في الجنس والأهم من ذلك احساسكي انتي بالمتـعه وهناك العديد من الأوضاع المختلفه اللي باستطاعتكي ممارستها مع زوجك بالحــلال

-حاولي ان يشعر الرجل معكي بالرضـا التام و بالإزدواجيه والتكامل وردّ الفعل المتناسق مع فعلــه

-لحاولي ان تحبي كل ذره بتكويــنة زوجك
-حاولي تستعيدي مشاعرج الحميمــيه ويا ريلج 00 ولا تعطين للحقد والضغيــنه مجال إنه يدخل بيـــنكم

-إذكري مزاياه واتناسي عيوبه 00 اللي مايخلى منها بشـر على وجه الأرض

-هاتي ورقه وقام 00 واحاولي تستعيدي فيها ذكرياتكم الحلوه 00 بعد إنتهائج اقري الورقه وتخيلي مشاعرج في وقتها 00 مابتقطعيــن هالورقه الى ونتي تموتيــن فيه طبقيها وشوفي وهالتمرين خاص جدا جدا للمتزوجات من فتره ويشعرون بالملل من حياتهم الزوجيــه
الملل يؤدي الى إنهيار العلاقه بينج وبين ريلج حاولي تكسرينه على قدّ ماتقدرين والمنتديات اصبحت مليئه بالأفكار والحركات والكلمات اللي تجددين فيها علاقتج ويا ريــلج 000
-ونعيـد ونكرر 00 إعشقي زوجــك 00 وحبي كل ذره بتكويــنته 00 وبتشوفي كيف بيأثر هالشي بشكل إيجابي على علاقتــكم
- تأثير السحـر 00
انج تتثقفيــن بكل مايهمّ ريلــج 00 وبتلاحظيــن اندهاشه ونتي تناقشينــه في هالموضوع 00
-على سبيــل المثــال 00
إنسـانه متزوجه من شخص ميولــه القنــص 00 تتثقــف بكل مايخص هالموضوع 00 وتناقشــه فيه ولأن الزوج تهمـّه هالمواضيــع بتلقينــه ينشـدّ للجلسـه وبيقضي معك فتره طويــله 00 من الوقــت
لذلك لاتستغربيــن قضاء زوجك اغلب وقته مع أصدقائــه 00 لان لهم نفس الميول والآراء
-الحل اللي استخدمتيه لعلاج اي مشكله تصادفج في حياتج ولم يجدّي وجب عليك تغيير هذا الحل إلى ان تصلين الى الحل الأمثل اللي يتناسب مع المشكله
-وأخيــرا تذكروا بأن الدعاء يغير من القــدر 00 ركعتيــن قبل النــوم 00 ودعاء 00
اللهم اسئــلك ان لاتجعل في قلب زوجي أنثى غيري في الدنيــا والآخره

ما شاء الله الاخت سنفورة ما قصرت ابدا .... بس برضو الرجل يحب الخرجة مع اصحابة .. وانتي لا تحرميه منها ، اعطيه حقه في انه يروح يرفه عن نفسه .. عادي يعني انا مثلا زوجي يحب انه يروح لاصحابه ويجلس معاهم ويلعبو الورق وهكذا .. كانت في مشاددات كثيرة بيني وبينه توصلنا للاتي : يوم الخميس يروح اي مكان يريده بس ما يتأخر ويجي في وقت مناسب ... وان يوم الجمعة يكون لي ولابني ويخرجنا ويعزمنا غداء او عشا او حتى عصير في اي مكان ..
انا كمان يوم الخميس اروح لامي او لصاحباتي او اشوف اجتماعياتي وهكذا .. الرجال ما يحب الحبسة ويحب يغير جو .. لهذا اعطيه هذي الحرية ولا تضغطي عليه

بس الي ماعجبني ان الجلسه كل مره عود وطرب ... يعني لو يموت عليها وينه من الله ؟

الله يصلح الامور ويرجعكم بعض وتتهنون مع بعض يا رب

صحيح كلام الاخوات

أهم شي الحوار والنقاش باسلوب حلو وراقي

قد ماتقدرين حاولي تفهمينه اهو كيف من داخله ادخلي قلبه وعقله حاول تعرفين شنو يحب وشنو يكره

يمكن ربعه متعود عليهم مب حاب انج نتي تقيدينه

ويمكن اهو بعد مو ملاحظ انه اهو يتاخر برا نبهيه للشي هذا

ربي يسعدج ويسعدنا مع ازواجنا ان شاءالله

ضربت على الوتر نفس مشكلتي عجزت صرت اقول حددلي يوم بس نخرج يقول كل الايام لك واذا خرجنا بسرعه مستعجل الابيروح للاستراحه صرت ادعي على اصحابه نشبين لي مثل الشوكه اتصالات كل شوي وانا كمان صرت عصبيه ماستحمل كلمه عطون حل رجاء