17 قراءة ولا رد ... معقولة؟؟؟؟؟؟؟؟؟؟؟
وينكم يا خبيرات
لا تقولون لي دوري في القسم لاني دورت واحترت اكثر
بحاول اساعدك بللي اقدر عليه
اول شي اذا كان شعرك طويل واطرافه متقصفه لازم تقصين الاطراف لانك ما راح تستفيدين من اي زيت او خلطه وهذا الكلام من تجربه
وبعدين الشعر الجاف تناسبه الكريمات اكثر من الزيوت
بس فيه زيوت تساعد على تنعيم الشعر من بينها زيت السمسم او اللوز الحلو
وعندك خلطة الدكتور جابر القحطاني اللي فيها زيت لوز مر وخروع وزيت زيتون
اذكر قريت تجربة بنت وقالت انها روعه
ناقص حمام زيت وانا ارشح حمام زيت بانويل بالمشمش حلو للشعر الجاف ويسهل الاستشوار بس حطيه على الاطراف ولا تستعملينه كثير لان كثرة استعمال حمام الزيت تخلي الشعره رقيقه
والشامبو عندك ماركة غارنيه حلوه وعندهم بلسم حلو للشعر الجاف
وطبعا انا انصحك انك ما تغسلين شعرك اكثر من مرتين بلاسبوع لان الشعر الجاف يتقطع زياده مع كثره غسله
وبعد ما تغسلينه حطي كريم للشعر مثل براشوت او سيروم مثل كرستال او دكسون وانا جربت دكسون واحسه احسن من كرستال وموجود عند نزيه
اي سؤال انا بالخدمه
اذا تبغين ادلك على اماكن بيع هذي المنتجات عندنا بالدمام عادي اسالي وان شاء الله اجاوبك
ب
بائعة الورد والكادي
عروس مشرقة
08-05-2008 | 02:59 PM
مرحبا حبيبتي ،هادي بعض أشياء أتمنى تفيدج ،،
أول شيء حاولي تقصي شعرج من أطرافو كل شهر،
اعمليلو حمام زيت لأنو مفيد للشعر بس لاتكثري من استعمالو،،
ونصيحة مجربة حاولي تستخدمي صابون الغار وحتلاقيه عند العطار وحتشوفي النتيجة،،
محبتي لج،،
تسلمون لي يا بعد عمري
خلاص راح استخدم اللي قلتوا لي عنه
حبيبتي انا شعري مثلج جاف وباهت ويرفع الضغط مسكين
وحاسه فيج صج اني ماعندي عيال بس اداوم في الجامعه من الصبح لليل ومالي مزاج حق اي شي
اول اول شي قصي اطراف شعرج اذا كانت تعبانه عشان ماتنتقل الى باقي الشعر وحسافه شعرج الطويل يخترب
وجوفي حق الشعر خطوات بسيطه امشي عليها، ولاتغرج الخلطات اللي شكثرها هني وماتخلص، وبتحتاجين حق هالاشياء:
1- شامبو وبلسم مناسبين لنوع شعرج (جاف، باهت، متقصف، ضعيف،،،اللي هو) وركزي على انه لازم مكتوب عليه انه يرطب الشعر لان الترطيب هو سر الجمال :bigsmile:
وانا من تجربتي احلى شي VO5 و صانسيلك بالجنسنغ والصبار اللي لونه كحلي
2- حمام زيت او ماسك اسبوعي للشعر
وفي انواع وايد منها فاشكول او بوناويل بس الصراحه انا ماجربتهم
جربت حمام زيت من ماركة Berina ووايد ناسبني وانا اخذته من صالون رفين، بس ممكن تلاقينه عند نزيه وصورته في موضوع مشتريات العناية بالبشره في قسمهم
وعندج بعد ماركة بالمرز عندهم اقنعه للشعر بزيت الزيتون وفيتامين E بعد ماجربتهم، بس عموما هاذي الماركه حلوه، وتلاقينها في الصيدليات الكبيره مثل رويان
3- كريم للشعر عشان تحطينه بعد الغسيل، وممكن تستعملين خليط زيت الخروع وزيت اللوز بداله
4- كريم للاستعمال اليومي، وممكن بعد تستعملين زيت الخروع واللوز بس يفضل ماتستغنين عن الكريمات كلش وتستبدلينها بالزيت يعني ممكن تنوعين بينهم
5- سيروم او كريم لحماية الشعر من حرارة الاستشوار، اذا كنتي من النوع اللي يستشورون شعورهم، وانا افضل الابتعاد عن الاستشوار
6- اذا كنتي تعانين من تساقط الشعر بعد الولاده ممكن تاخذين مكملات غذائية مخصوصه لهالشي
7- بعد حمام زيت من VO5 اللي يكون على شكل امبولات، وايد حلوين وانا مجربتهم وتستخدمينهم مره في الاسبوع، واذا خذتيهم استعمليهم في اسبوع والاسبوع الثاني استعملي النوع الثاني اللي مذكور فوق
8- غسل الشعر كل يومين واذا كلش كلش كل 3 أيام عشان ماتتكون القشره في فروة راسج وعاد بعدين تعالي دوري لها علاج
9- ممكن تستعملين المجموعات الجاهزة اللي تيي حق العناية بالشرع مثل مجموعة صانسيلك لتجديد الشعر التالف، وتضيفين لهم الاشيا الناقصه من القائمة اللي فوق على راحتج
وان شاء الله اكون افدتج ولو بالقليل
واي استفسار انا حاضره
مشكورة يا حياتي انا الشوق على هالجدول الروووووووووووووعة