الله يسعدكم ردو علي

ابتعدي عن الاناناس والبابايا،، واكيد تعرفين المشروبات اللي تنزل الدورة بعد ابتعدي عنها،،

كثري من الفواكه الطازجه والمجففه مثل التين والمشمش فيهن نسبه فيتامينات عاليه وتخفف الامساك اللي تتعرض له الحامل،، وكثري من الماي عالاقل في اليوم تشربين لتر ونص لين لترين لتفادي الامساك والتهاب البول لا سمح الله،، وفتره الوحام اكلي وجبات خفيفه على مدار اليوم يعني لا تخلين المعده فاضيه لانه المعده الفاضيه تزيد اللوعه،، ولا تجهدين نفسج وايد ريحي بس هذا مب معناته انج موول ما تتحركين لا,, خذي لج لفه في الحوش منها تغيرين جو ومنها تحركين عضلاتج،، لاتنسين التمر والحليب تراهن وجبه كامله متكامله

والله يسهل عليج حملج وولادتج

بالعكس يا اختي البقدونس والجرجير مايضر ابداً فيهم فوائد للدم اي شي اخضر مفيد مايضر

الله يسعدكم على مساعدتكم لي والله يكرمكم بالي تتمنوه ياااااااارب

خيتووو عندج الاناناس والدارسين والزعتر وهل مشروبات اللي تنظف البطن تحملي منه وكل شي بأرادة ربج والله يثبت حملج يارب

ما أعرفه .. أن الفواكه الاستوائية مضرة للحامل .. زي الأناناس و المانجو و الموز

و أي فاكهة أو خضرة تحتوي على كمية كبيرة من الماء في تركيبها .. لأنها تساعد على ارتخاء الرحم .. خصوصا الخيار حيث تبلغ نسبة الماء فيه 98%

عشان كذا يمنع على الحامل تاكل الخيار في أول الحمل و بالعكس تشجع على تناوله في آخره ..

البابايا
الاناناس
المانجو
الاشياء السبايسي

هذا الي اعرفه

صح الخيار مو زين في الشهور الاولى امانه صارحوني .

لخيار كيف:eek: وانا ما احب اكل اللا لخيار من لخضار عكل حال بسال لدكتورة بتأكد................

انا اللي اعرفه الجرجير لانه مدر للدم والقرفة....

الخضروات كلها مفيده خصوصا ذات الاوراق الخضراء
الفواكه مفيده ماعدا التمر والاناناس والباباي
الكبده ممنوعه لان بها نسبه عاليه من فيتامين أ خطر على البيبي
العسل الابيض بكميه كبيره ممنوع
الحلويات والسكر مفروض بنسبه قليله
الدارسين والجنزبيل يقولون خطر بس ماني متاكده لان بعض البنات يقولون الجنزبيل مفيد للوحم


اذا تذكرت شي تاني بقولك
تحياتي(f)

انا سمعت عن الزنجبيل والدارسين واليمون والأناناس والله يعينج

خيتو لا تدققين فقط على المأكولات او المشروبات ...

اهم شي الحاله النفسيه للأم احيانا لما الأم تتضايق يسبب الإجهاض لا قد الله ..
و كذلك قعده معينه ما تناسب الحامل تقعدها اشلون اوصف لج .. أأممممم يعني تجلسين يعني تكون المقعده لا تلامس الارض و الأرجل مثنيه هذي القعده غلط..

و الركوع لحمل شي حتى ولو لم يكن ثقيل جدا و لكن هالطريقه خطأ جدا ..

الوقوف لمدة طويله هم بعد ما هو زين للحامل و كذلك المشي لفتره طويله بعد مب زين للحامل..

على فكره الزعفران يقولون مب زين بالأشهر الاولى لأنه يسبب الطلق و الله اعلم..

تحياتي
ام محمود