أمي وأبوي...

حبيباتي قد تكون مشكلتي غريبه على البعض وعاديه للبعض الآخر
ولكن حقيقة انا بأمس الحاجة الى نصيحتكم ومشورتكم

عمري 29 سنه يعني لا بنت صغيره ولا مراهقه تشكي من سوء تصرف اهلها
الحمدلله متزوجه وعندي ولد وانتظر الثاني بعد شهرين ان شاء الله
حياتي مستقره مع زوجي وولدي واحاول اعوضهم عن اللي فقدته في حياتي

عشت في وسط اسره حياتها جااااااااااااااااااااااافه وجاااااااااااااااااامده لاقصى الحدود
والله العظيم اني مو عارفه اوصل لكم شلون
من يوم واحنا صغار انا واخواني وخواتي حياتنا مع والدينا جافه وممله
تدرون ان ابوي ما يكلمنا مانسمع صوته الا بالعزر
كل ما اشوفه بس السلام وعليكم السلام
ما يقعد معانا ولا يسولف ولا يتغشمر ولا ياخذ ويعطي ويانا
وجوده وعدم وجوده واحد بالبيت
اذا كان موجود يقعد مع امي يسولف بشوي شوي وكأن بينهم اسرار
واهي سالفه عاديه بس احنا نحس بالضيق نقوم ونغير المكان
يقعد بالساعات ولا ينطق بكلمه معانا
واحنا اذا سألناه او سولفنا معاه رد علينا باختصار شديد وسكت

ما تتخيلون اشكثر انا متضايقه من هالشي احيانا بس اقعد واصيح على حالنا
ليش ابونا جذيه ما عمرنا حسينا بحنانه وضمته
اشوف اعمامي غييير مع بناتهم يدللونهم ويضحكون معاهم

وهم أمي نفس الشي
دائما ساكته نسولف معاها تشاركنا بالموضوع وترجع تسكت
ما نحس انها امنا وصديقتنا واقرب الناس لنا
لا بالعكس انا خالاتي اخذ راحتي معاهم اكثر

انا اشوف امهات صديقاتي اذا يوم ما زاروها تتصل عليهم وتتطمن وتسأل
انا لا اغيب ايام عنها اذا انا ما اتصل فيها ما تتصل ولا تسأل
احس مشاعرها جافه علينا احنا عيالها

انا صرت احس بمشاعر الامومه بعد ما صرت أم والحمدلله
ما اتخيل اني بيوم اتعامل مع عيالي بالهطريقه وبهالاسلوب

بقلبي غصه ما يعلم فيها الا رب العالمين
حتى زوجي احيانا احس فيه يستغرب من اسلوب حياتنا
ولا كأن احنا اسرة وحده اذا الام والاب جذي

احس بالفرررررررررق اذا اروح بيت اهل زوجي
ماشاء ضحك وغشمرة وسوالف وقعده ماتنمل أبد
بس اذا اروح بيت اهلي احس بالملل والضيق
كأني قاعده في بيتي بروحي ولا معي أحد


خواتي شنو رايكم
ترى السالفه قديمه من وعينا على الدنيا وهذي حياتنا
يعني لا تفسرون الموضوع ان خلاف صاير بين امي وابوي
لا بالعكس اهم مرتاحين مع بعضهم

بلييييييييييز عطوني تفسير او حل للمشكله انا في انتظاركم