سوالفكم من يوم ماتقوم البنت (العروس)من النوم إلى المشغل ثم للقاعة العرس

درر الخبر;5948781:
السلام عليكم ورحمة اللة وبركاتة
وعليكم السلام والرحمة
أبي خبرتكم ومعرفتكم منكم شخصياَ أو من تجاربكم مع خواتكم و أقاربكم
اوكي قلبو انا متزوجة وجهزة عدة بنات من عائلتنا يعني خبره :wink:
المهم أبي أعرف لمى تقومين الساعة كم تروحين المشغل...؟
وساعه كم تبدأ فيك ..؟ ومن وين تبلش الكوافيرة .....؟
اول شي طبعا لازم تكوني نايمه مضبوط ومسترخيه عشان تكوني مرتاحه طول اليوم وعشان تكون بشرتك حلوة ثاني شي لازم تروحين المشغل بدري عشان لايجون عرايس قبلك وياخذون السرى وانتي تتأخري عشان كذا لازم تنسقي مع المشغل الي انتي حاجزته قولي لهم ابي اخلص بدري وحددي معهم الوقت المناسب لروحتك طبعا تبتدأ الكوافيرة باستشوار الشعر وتلفيفه وبعدين المكياج وبعد المكياج تبتدي بالتسريحه وتركيب الطرحه واللمسات النهائية
أسمع من البعض تروح للكوافيرة معاها شنطة كبيرة ماذا يكون بداخلها يعني أيش تجيب معاها في الشنطة..........؟
انا من رأيي انك ماتشيلين اي شي معاك للمشغل يعني فستانك واكسسواراتك وشغلاتك كلها خليها بالقاعه وصي امك تشلهم معها او اذا خايفه انها تنساهم خليهم بالسيارة الي راح توديك القاعه بس اذا كنتي بتحطي بشعرك اكسسوار مثلا تاج او سلسال لاتنسي تحمليه معك عشان الكوافيرة تثبته لك والطرحه بعد لاتنسينها عشان لاتحتاس يفيها وبطريقة تركيبها بعدين
ويش تكونين لابسة لمى تروحي للمشغل...؟ والفستان العرس تلبسينة عندهم (يعني أقصد تاخذين معاك الطرحة العروس وبس ولا معاه الفستان) ...؟ والعروس كم تكون لابسة خاتم اللي أعرفة 2خواتم الدبلة وخاتم الطقم اللي لابستة هاذي معلوماتي بس إن شاء اللة ماتكون غلط....
ولو كانت العروس تلبس نظارات متى تركب العدسات بظبط قولولي...؟
امم شوفي حبيبتي لما تروحي المشغل البسي اي شي يكون مريح لك بس المهم انه تكون فتحته سهله عشان تقدري تشيليه لما تبي تلبسي فستانك بدون مايحوس لك الدنيا وفقط شيلي معاك الطرحة واكسسوار الشعر والبسي خاتمين فقط الدبلة وخاتم الطقم احلى وانعم
والعدسات حبيبتي تركبيها قبل ماتعملي المكياج بس بعد الاستشوار عشان لاتتأثر العدسات بالحرارة ولازم قبل المكياج لان يمكن تدمع عيونك وانتي تركبيها واذا كان فيك مكياج اكيد بينحاس صح؟!
ولو كانت العروس جميلة جدا بس عيبها أنها (تلبس نظارات)في شهرالعسل كيف تترك النظارات يعني هل العريس بيتقبلها مومعقولة 24ساعة عدسات :confused:بليز ساعدوني
شوفي اختي اذا كان موعد الفرح باقي عليه اكثر من شهرين اقول لك نصيحه من قبل اعملي عملية ليزك وارتاحي انا عملتها من سنه تقريبا والحمدلله مرتاحه ومبسوطه بلا نضارات بلا عدسات بلا هم
إذا وصلت القاعه أكيد راح أنتظر المصورة طيب أنا كيف أحدد معاها يعني أقولها مثلا الساعه الفلانية تكونين موجودة ...؟
نعم اختي انتي حددي معاها الوقت الي تبينها بس الافضل انها تكون متواجده قبلك بالقاعه عشان اول ماتوصلي وتخلصي تكون هي جاهزه للتصوير وماتتعطلي
والعروس كم تأخذ صور مع الفوتوشوب,..؟ وكو صور لحالها ..؟ وكم صور مع العريس...؟
على حسب العرض الي انتي تبيه العروض مختلفه بس مثلا لو كان عدد الصور 40 صورة افضل يكون 15 صورة مع العريس والباقي لحالك وكم وحده مع اهلك للذكرى
و,,,,,,,,,,كمان أبي أعرف البروجكتر حوالي كم سعره لأني حضرت عرس وسو عرض البروجكتر عن العروس وبعدين وقت اللي ينعرض فية البروجكتر يكون معاه دعاء أو أغنية أو موسيقة سؤالي الصوت من الدي جي اللي موجود بالقاعه ولا من الجهاز البروجكتر ...؟
كل مصورة ولها سعر خاص بالبروجكتر بس هو بحدود الالف تقريبا وبالنسبه للصوت كمان على حسب المصورة اذا مثلا انتي تبين اصوات معينه تقول لك هي جيبيها وادمجهل مع السيدي واذا ماتبين شي معين هي تنسقه لك مع السيدي الي بالاخير راح يكون لك
سااااااااااااااااااعدوني لأني أنا ماعندي خوات وأنا أخر العنقود من أخواني:tongue:
بليــــــــــز أنا أبي أستفيد واللي مثلي مايعرف
ان شاء الله احنا كلنا هنا اخواتك
صح كمان أنا سمعت أن العروس تبخر الفستان لمدة 3أيام طيب في يوم العرس أيش أفضل عطر للعروس تتعطر فية متى تتعطر قبل الزفة ولا أول ماتوصل للقاعة قبل التصوير عشان العريس لمى العريس يجي يتصور معاها يدوخ على الريحة الحلوة .....؟
عن التبخير ماادري بس انتبهي اختي لفستانك وانتي تبخريه لاسمح الله بعدين يصيبه حرق ولا شي انتبهي اختي
بالنسبة للعطور طبعا انصحك تاخذي المجموعه كامله من اي عطر تبي تشتريه عشان تثبت الريحه اكثر
طبعا اول ماتستحمي قبل لاتروحي للمشغل استخدمي الشاور جل الي تبع العطر وبعدين لما تطلعي من الحمام تبخري شعرك وهو رطب وبعدين تحطي الكريم الي تبع العطر كمان
اما افضل عطر فكل واحد وذوقه يمكن اقول لك عطر مايعجبك
بس من رأيي افضل العطور الي دايم اسمع العرايس يتكلموا فيها هي
عطر اديكت
وكمان عطر فلور بمب انتي روحي شميها وبعدين قرري
وأظافري أيش الأفضل أسوي مناكير شفاف محدد من الأطراف بالأبيض ولا .... أحمر لأني إن شاءاللة بسوي مكياج أحمر أيش الأفضل...؟
اظافرك خليها لونها شفاف محدده بابيض تعطي نضارة لليد وجمال للعروس

(والطقم العروس اللي بتلبسةذهب أبيض ولا يكون من الكرستال..؟ +(الجزمة اللة يكرم كم+وتعطير يعني منى أتعطرفي مشغل ولا لمى أوصل القاعه)هذا كلة متى أسويةمتى ألبسة في المشغل ولا لمى أوصل القاعة)............؟
الطقم على حسب لون الفستان ان كان ابيض البسي كريستال ابيض وان كان سكري او اوف وايت البسي طقم ذهبي يعني انتي شوفي ايش يناسب فستانك وحتى الجزمة كمان على حسب لون الفستان
وتتعطري في القاعه بعد ماتلبسي فستانك وتخلصي وكمان كل شي البسيه في القاعه افضل واريح لك
والمسكة العروس متى أحدد معهم يعني قبل العرس بكم يوم ...؟
قبل اسبوع كفاية تروحي وتحجزي عند المحل وتحددي نوع الورد والوانه ولازم تسألي عن محل موثوق لان بعضهم يعطوك الشمس بيد والقمر بيد ولما تجي تستلمي الباقه تنصدمي من شكلها لا سمح الله ولاتنسي الوصل عشان اي احد يقدر يجيبها لك

ومتى لازم المسكة معاي أقصد يعني بعد ماأخلص من المشغل نمر على محل المسكة...,؟ ولا أخلي أحد من أهلي يروح يجبها ...؟ يعني من اللي يوصل للقاعه أول العروس ولا المسكة ولا مع بعض ...؟
خلي احد من اخوانك يروح يجيبها واذا ماقدرتي وكان المحل في طريقك تقدري تمري عليها رجعتك من القاعه وتخلي احد من خواتك مثلا او اخوك ينزل ويجيبها لك
(ويوم العرس هل أبخر نفسي وشعري والفستان...؟ وأيش أفضل بخور للعروس ...؟
نعم اختي اول ماتتحمي وتقومي على طول تبخري وجسمك مبلول عشان تمسك فيك الريحه
اما عن نوع البخور ماعندي خبره بس روحي المحلات الكبيرة وجربي كذا نوع لين يعجبك شي من عندهم
واللة يجزاها الجنة والفردوس الأعلى من الجنة وتدخل الجنة من غير حساب ولاعقاب أبي وحد تمسك موضوعة مسكة جدية وتفهمني وتعطيني بعض المعلومات اللي مأدري عنها لأني بنسخ الكلام اللي بتجاوبني وبحفظة في مستنداتي الخاصة أبي وحد تمسك موضوعي بجد اللة يسعدها
وساااااااااااااااامحوني على الإطالة