ساعدوني مو قادرة ارضع ابني طبيعي؟؟؟

هلا والله فتاة المستحيل
حبيبتي انا نفسسس مشكلتك بنتي ما رضعت من غير اسبوع او اقل ولا استفادت لان الحبيب بصدري قليل مره وتصيح جوعانه تعور قلبي فاعطيها صناعي
والله نفسي ارجع ارضعها طبعي تستفيد شوي واذا في امكانيه البنات يساعدونا

حبيباتي

كل ما خليتوا الطفل يمص من صدركم اكثر كل ما در الحليب ...

حاولوا تكثرون من الخضرة والفواكهه .. والرهش

انا الحمدلله الين الحين ارضع مريومه طبيعي ... مع اني ما اكل وايد بس كل ما رضعتها اكثر كل ما در الحليب اكثر ....

وان شاء الله تستفيدون من كلامي

كانج قاعدة تتكلمين عني

او كاتبة مشكلتي

بالضببببببببببببببببببببببببببط

للاسف اختي استسلمت في النهاية وما رضعت بنتي من صدري حتى مع الحلمات الصناعية اللي خليتها على صدري ما فاد الموضوع

وصارت تشرب بس صناعي

تكفين لا تعورين قلبي

ولا تتذكريني لاني قاعدة الهي نفسي عن هالموضوع

واتذكر كلمة قالتها لي وحدة من بنات المنتدى واااااااااااااااااااااااااااااايد تهداني

قالت: حليبج مو رزقها، والا كانت خذته

فديتج الغلا

وايد بنات يمروا بهالمشكلة

واولهم انا قريب من اللي صار معج صار معي

مثل ما قالت وحده من الاخوات خلي ابنك يرضع منك دوووم

طووول الوقت رضعيه

وسوي مساج للحلمات ترى وايد ينفع

انا جربت المساج ورضاعه بنتي مني

والحمد لله رضعت طبيعي لين قدر ربي بعدها قطعت
و
الحمد لله على كل حال

بالنسبه للحلمات سويلها مساج وبتطلع وعلشان الحليب يدر شربي اعشاب مخصوصخ لادرار الحليب بتلاقينها بالصيدليه وكل مارضعتي ولدج ومع التغذيه وشربي سوايل كثير بيدر الحليب المقوله اللي سمعتيها بخصوص اذا قعدتي فتره وغعقب رضعتي انا بعد سمعت نفس الكلام بس مادر عن مصداقيتها

حبوبه في دواء يدر الحليب..
اسئلي عنه في المستشفي..
و لا تنسين ان الطفل اذا ما رضع من امه يصبح عرضه للامراض .. و جهاز مناعته ضعيف..
حاولي و ادعي رب العالمين و عندج ماء زمزم الغالية...

انا ولدت بالثامن وقيصرية اختى وصار معاي زيك وحلمتى غائرة فجبت حاجة يبيعوها بالصيدلية مثل المصاصة او مثل حلمة الام توضع على حلمة الام وهي بارزة لمساعده الطفل على الرضاعة او اسحبي لبنتك الحليب وبالتوفيق ...............ابنتى الان لم ترضع من صدري والان عمرها ثمانية اشهر وطايحة بطبع تضرب صدري لين اطلعة وتشرب منه من كل مكان ارحمها من قلب

حبيبتي استخدمي الحلمات الصناعية و سوي مساج للحلمة

و الحليب ما يخرب اذا ظل بالصدر هذه معلومة غلط بس عصري بايدك اول شي طلعيه بره بعدين سمي و رضعيه

بالتوفيق

هلا حبيبتي
فيه بالصيدليه حليب خاص للام الحامل والمرضع انا احط لي ملعقتين منه في كاس حليب ساخن وسندويشه رهش -طحينيه- تنفع كثير :)

بالنسبه للحلمه انا كانت حلمة صدري اليسار غايره وكانو التوام مايبونها بس الحمدلله مع كثر الرضاعه قامت تطلع
وكنت اسوي لها مساج واسحبها على برا بالاضافه الى شفاطه الحليب لما استخدمها كانت تسحب الحلمه على برا وتبرزها والحمدلله مع الترضيع برزت من حالها!

فتاة المستحيل;5948773:
امهات عروس ..........

عندي مشكلتين :

الاولى : انه ما في حليب يطلع من صدري ابدا يشفط بالحلمة الصناعية ما في حليب يطلع ..........معقولة يكون صدري خالي من الحليب ؟؟؟؟شنو اسوي عشان يدر الحليب ...... لا تقولون لي حلبة اي شي غير الحلبة تكفون .....

الثانية : شنو اسوي عشان تطلع حلمتي ويقدر يمسكها ويمص منها مثل باقي الاطفال طبيعي ؟؟؟؟

ثالثا : يقولون مو زين الوحدة توقف الرضاعة فترة وبعدين ترجع ترضع لان الحليب اللي بصدرها يخرب وما ينفعالطفل بالعكس يضره وممكن يجيه اسهال او امساك ؟؟؟فهل صحيح هالكلام ؟؟؟؟؟؟

جزاكم الله الف خير ...........أم بدر

أختي الحليب بالصدر أبدا ما يخرب

كان لازم ترضعي ابنك فورا بعد الولاده بس مو مشكله تقدري تلحقي و ترضعيه لا تقطعي الرضاعه صدرك مو مليان أنه لسه فيه ماده الكوليستروم المهمه جدا للطفل و بس تخلص بعد يومين ثلالث و ممكن اربعه من رضاعته بيجي الحليب بقوة

أرضعيه دايما و لا تردي على حد

و إذا شاكه اسألي طبيبه ثقه

أختي في البداية الحمد الله على سلامتج وسلامج الطفل من كل مكروه
ثاني شيء مثل ماقالت الأخوات حليبك مش من رزقه

أنا في بنتي الأولي كنت في العناية المركزة 4 أيام لانه استوى لي نزيف ونقلوا لي دم
ويتني حالة أكتئاب وخاصة من كنت اشوف بنتي الصغيرة كنت ابكي مالي خلق فيها
وعطوها طبعا صناعي تم يجيب لها غازات ومن عطوني أياها صرت ما أنام الليل والتعب والأكتئاب فالحليب قليل وكل شوي تبكي تريد حليب وترضع تعبت وخاصة الأطفال من الجوع والغازات بسبب الصناعي ودهم كل شوي يشربوا حليب أو يرضعون

فأمي كسرت خاطرها فقالت لي يا بنتي لا تقتلين البنت وتسوء حالتها عطيها صناعي ، أختج الكبيرة عمرها حاليا 30 سنة رضعت صناعي وهي صغيرة والحمد الله الحين هي كبيرة وعندها4 أطفال وصحتها بخير .
والحمد الله رضعت بنتي من صدري فقط 3 شهور والحمد الله الحين صحتها ممتازة ، لاني من النوع اللي ما أعطي عيالي المضادات اللي للضرورة القصوة استحمل التعب معاهم بس ما أعطي مضاد حيوي
وماشاء الله عليها عمرها 6 سنوات وهي من الأوائل في المدرسة .

طفلي الثاني نفس الشيء بعملية قيصرية قررت أرضعة بس طلعلي وظيفة فرضع من صدري فقط 6 شهور
والحمد الله صحته ممتازة

وطفلتي اللي عمرها شهرين طبعا أول يومين عطوها صناعي لانه تعبت في القيصرية بس شديت حيلي ورضعتها وأرفض يخلونها عندهم علشان ارضعها و الحمد الله حاليا بس رضعتين صناعيتين تشربها والباقي من صدري رضعة قبل النوم ورضعة فترة العصر لانه مدة 30يوم اشربها من صدري بس كانت ضيلة جدا وكنت ألبسها ملابس نيو بورن وكانت ملابس من 0 إلى 3 كبيرة عليها فطريت أعطيها رضعة ثم رضعتين حاليا

فا يأختي لا تجوعين الطفل هذا مش رزقة وعسى إن شاء الله أطفالكم القادمين بتعوضين

وشكري الله على سلامتك وسلامة الطفل