بنات ابوظبي ودبي / خياطين يسوون مخور حلو ومغربي وبعد قمصان النوم

المخاوير:

دبي .. فريج المرر

بوظبي .. شارع المطار (وايد خياييط عندج مثلاً الخيط الوردي عنده موديلات حلوة ومتجدده بس احس اسعاره شوووي اغلى عن باجي الخياييط اللي في نفس الشارع .. بس عداله خياط اظني اسمه الجبل الاخضر حليله الخياط واايد طيب واسعاره رخيصة مقارنه مع غيره)

اممم وأحيد وحده تاجرة في منتدى سيدات الامارات كانت تبيع كنادير مخوره يديده حتى مب مخيوطه .. اغلب كناديرها طبع وتلي

وإذا الحرمه اللي تطرينها ما تروم تطلع .. ترا بعض الخياييط يطرشون الموديلات مع الدريول بس طبعا لازم يكون فيه عربون او وصل .. اتصلي بالخياييط اللي ذكروهن البنات وشوفوا اسعارهم من وين تبدا واتفقوا مع الخياط اللي اسعاره تناسبكم على اساس اطرشون الدريول عشان يستلم السنابل.
أو إنتي أو وحده من اهلها تسير اي خياط من الخياييط وتنقي الموديلات الحلوة وتعطي عربون حق الخياط وتوديهن البيت تراوي الحرمه وخلاف تردهن



المغربي:

دبي .. امممم للأسف ماعرف

بوظبي .. منطقة الخالدية فيها وااايد خياييط مغربي .. وحتى شارع المطار شفت كمن محل عارضين مغربي



قمصان نوم:

دبي .. مركز المنال

بوظبي .. محل اسمه (بريتي مذر) .. تكلمت عنه في الرابط هذا: >>قمصان نوم<<

وبعد في خياط يضبط قمصان النوم في بوظبي اسمه (نور القلوب) في شارع المطار

هذا غير التاجرات اللي في المنتديات اللي يسون قمصان نوم دانتيل حلوة .. (سوي سيرج باسم (دانتيل) في قسم البيع في منتدى عروس ومنتدى سيدات الامارات وبتلقين وايد تاجرات)

وعندج بعد محلات السلام .. احيد اييبون قمصان نوم روووعه وراااااقية

وسمعت البنات يرمسن عن محل في مركز مدينة زايد .. عاد ما ادري كيف بضاعته لاني ولا مره سرتله



أتمنى اكون ساعدتج حبوبه ^_^

الغالية لو سمحتي ممكن تعطيني اسم المحل وعنوانه (f) ^_^