حاسه زوجي يخوني

بنات انا محتاجه لردودكم قولو لي شاسوي والله تعبت مه الريال من بداية خطوبتنا كله مشاكل معاه بسبب امه كل شيء يروح يقول لها من وراي وتسيره علي كيفها تقوله سو جذي وسو جذي كأنه موب ريال حتي مشاكلنا يروح يقول لها من وراي ويفكرني مادري الأني اذا اروح واجلس معاها انصدم واعرف ان اهي تعرف المشكله الي بيني وبين ولدها وكل مره جذي حاولت معاه بكل الطرق مافاد امه وايد مسيطره عليه الكلمه كلمتها لازم يستشيرها بكل شيء والله مره صارت مشكله بينها وبينه ماتبيه فى البيت تخيلوا مع انه ولدها وقطعه منه وماقعد يكلمها لمده وصار معاي طيب وايد ويعاملني مثل الملكه وتغير واايد وعقب فتره لما رجع يكلمها رد مثل قبل دائما يهاوشني علي اتفه سبب حتي لو كان بسيط المهم تزوجنا وحملت منه وانا لي الحين الخاامس ومن بداية ماحملت احسه تغير معاي الأن عرف امه اشلون ظالمتني وانا معتبرتنها مثل امي واكثر شايلتنها في مرضها وكل شيء اوقف بجنبها السالفه الي مضايقتني وايد اهو امس كان ناسي تلفونه بلبيت ورن تلفونه اكثر من مره قلت بشيله اذا واحد من ربعه بقوله انه ناسي تلفون المهم شلته اله طلعت فلبينيه اله تقول لي هذا تلفون من انا حسيت وقلت لها تلفون اخوي اله تقول وين اخوج قلتله بشغل اله عقب قعدت توصفه لي تقول اخوج شكله جذي جذي وسيارته جذي :( قلتلها اي اله تقول اهو عاطني رقمه وقال لي اتصل فيه قولي له اذا رجع يتصل فيني وانا حزتها وقف قلبي وقعدت ابكي ومنصدمه مو عارفه شاسوي وانتظرته لما ان رجع من الداوم وقلتله سالفه اله يقول لي مااعرفها يمكن بلغلط اقوله اشلون بلغلط واهي تعرف شكلك وسيارتك وصفتك لي اله يقول لي صدقيني ماعرفها يمكن احد مطرشنها تخرب بينا وانا قلبي نغزني قلتله مادام انك ماتعرفها احلف لي بأغلي شيء عندك انك ماتعرفها ومارظي يحلف لي يقعد يلف ويدور ويقولي اذا شفتين بعد فى تلفوني رقمها سوي الي بتسوينه وقعدت اقوله قلبي حاس انه بينك وبينها شيء اذا ماحلفت لي ماراح اقعد ولا دقيقه فى بيتكم وهم بعد مارظي يحلف اقوله الأنسان الصادق مايخاف من الحلف ليش خايف مادام انك تقول ماتعرفها وقعد يقولي انا احبج ومااقدر استغني عنج وماابدلج بأي وحده وقعد يبي يهديني بس انا قلبي محروق احس انه يعرفها قولي لي يابنات شاسوي اصدقه لو شنو؟؟:(