تجمع للمتأخرات عن الحمل بعد الإنجاب .. الجزء الثاني !!

أختي عبير . . ربي يتمم لك حملك على خير.. سبحان الله بعض القصص تبعث فينا روح الأمل من جديد.. ربي يرزقنا جميعا أخوان أو أخوات لعيالنا الوحيدين...

عبير 2006 الف مبروك والله يثبت لج ويتمم لج على خير يا رب ويرزق كل محروم

اعرفكم بنفسي انا عندي بنت وحده اسمها نور كملت الاربع سنوات بهذا الشهر وانا ما اعتبر المدة اللي حاولت الحمل فيها كبيرة الى درجة تخوف بس احس ان بنتي كبرت من غير ما احس وفجأة صرت اشوفها وحيدة وان هي محتاجة الى سند للمستقبل وصارت تقطع قلبي كل ما اشوفها تلعب بروحها او معاي غير ان اللي في سنها كلهم صار عندهم اخوان الا هي وهذا الشي وايد مأثر في نفسيتها ودائما تلومني وتحن فوق راسي تبغى اخو بس ما اعرف اشلون اشرح لها ان هذا الشي مو بيدي .

الله يرزقنا كلنا ان شاء الله

يسرني الانضمام معكن في هذا التجمع والله يرزقنا جميع

أكبر قلب... حياج الله معانه بهالتجمع.. عيالنا والله يكسرون الخاطر بروحهم بس الله كريم إن شاء الله مايدخل رمضان الا كلنا حوامل... تعرفين ولدي أمس كان معزوم حفلة ولما قعد هو يلعب أنا خذيت وحده من البيبيات لها بس شهر وحطيتها بحضني هو بطل عينه وقعد يطالعني بس بالمرة ماقال شيليها من حضنج، الأخ واثق أنها كلها دقائق وبتروح مو نفس لو كانت أخته أو أخوه....



بحر الغلا.. حياج الله معانه..وماعرفتينا بنفسج؟؟؟

هلا ام عبدالله اما نور ما تسكت وايد تلح علي بالموضوع ما اشوفها الا تصيح اذا سألتها اشفيج تقول لي لان ما جبتين لي اخو واني من زمان اقول لج جيبي ليي اخو وانتين ما تجيبين. متعبتني واااااااااايد وتموت على الجهال الصغار بشكل مو طبيعي وحنونة عليهم وايد، حتى من كم يوم طلعت زوجة اخويي وخلت عندي ولدها اللي توه مكمل شهرين وهي فرحانة حدها تفكر بيخلونه على طول عندي وكانت طايرة من الفرح وهي تشوفني اعطيه ماي وابدل له الحفاظ ويوم يو اخذوه ماتت من الصياح وذيك الليلة ما نمنا طول الليل كل ما تنام شوي تقعد تصيح تبغاه ويوم قعدت من النوم ذبحت نفسها من الصياح تقول اتصلي فيهم خليهم يجيبونه. يا ريتها تنسى الموضوع تعبتني وايد.

مساءالخير جميعآ

انا والحمدلله عندي ولدين وبنت والحمدلله بس الحين عمر البنت 6سنوات وعيالي كبار واخذت هذا الشهر منشط نولفادكس والحمدلله في اليوم 13و14البويضه 20والحمدلله

بس زوجي مو راضي اخذابره تفجيريه

سوالي هل البويضه تنفجر بلحالها اولازم هذيالابره ومتي تجلس البويضه في الرحم لان امس كان حجمها 20

ياليت اللي عندها خبره تقول لي


وشكرآ

new member حياك اختي كيفك

أم نور.. يحليلها والله نور وايد حنونة... يمكن البنات يحنون على البيبيات أكثر من الأولاد لأن ولدي بالمرة مايحن على سالفة الأطفال...


بحر الغلا.. الله يخليهم لج يارب.. وعن الأبرة التفجيرية أنا أخذتها مرة في ديسمبر عقب الكلوميد وحتى يومها سألت الدكتورة بعد مافحصت البويضات وكانوا في أكثر من وحده، قالت أي لازم يكون نصمن أنها تنفجر، مادري والله ولكن ماصار حمل....

اهلا اكبر قلب. انا بنتي بعد كملت الاربع سنين من اسبوعين, امس اجت عندي صديقتي معها بنتها عمرها 3 سنوات و نصف و معها بيبي عمره 8 شهور, طبعا بنتي ما انسجمت مع البنت اللي قريبة من عمرها و ظلوا يتهاوشوا على الالعاب, لكن لو تشوفوا كيف كانت تتصرف مع البيبي, كانت تتأملوا كيف بيرضع و بدها تطعميه و تشربه كانت تتعامل معه بكل حنان, و صارت صديقتي تسألها بدك ماما تجيبلك بيبي جاوبتها بدي بيبي بنت مش ولد بدي بنت مثلي,
ادعولي تنجح معي الانابيب هالشهر و تنحل العقدة.

هلا بحر الغلا ( عالوزن)
انا للي ما يعرف اخر اخباري, هالشهر عندي عملية اطفال انابيب و الحين قاعدة اخذ الابر و الله اجنابي تورمت منها بس الله يعين.

الله يوفقك يا نيو نمبر وان شاء الله بتنجح العملية ، بس نور ما تبغى بنت تقول تبغى اخو ما ادري ليش ما ترضى احد يقول لها تبغين اخت تقول لا ابغى اخو ، ابوها يقول يمكن تبغى اخو عشان تضمن ان ما يقدر ياخذ اغراضها من العاب وثياب وكل شي بس ما اعتقد لان اي شي يصغر من ثيابها ما ترضى اعطيه احد تقول خليه الى اختي.

ربي ييسر لج و يهون عليج العمليه نيو ميمبر ... و يكتب لج الحمل و يرزقج بالذريه الصالحه ان شاء الله ...

أهلين أخواتي مافي حد منكم يبشرنا بخبر حلو.. أنا الصراحة متفائلة على الشهور اليايه...

الله يعطيج يا ام عبدالله وخلج جذيه على طول متفائلة

صبحكم الله بالخير يابنات..

كا ولدي أنتقلت له حالة عيالكم.. أمس بالليل قرر يبي يصير مع أخوانه 5،، وفتح أصابعه وقعد يحسب عبدالله (يعني هو)، خالد، عبدالرحمن،محمد، اميمة (هذي وحده معاهم بالصف).. قلت له ماما وليش مسكينة بس بنت قال عشان بس نعطيها دفتر باربي تلون فيه وأنا وأخواني بنلعب في مكعبات سبايدرمان... يحليله والله خياله واسع عور قلبي.. وآقول له ماما مافي مكان نومهم يقول ماما بنشتري سرير فوق تحت فوق تحت ونومهم فيه..

يارب يرزقه باخوان و اخوات على قد ما يبي ان شاء الله .....اكيد تلاقين حد بالصف صار عنده اخو يديد و لا اخت و لا كانوا يتكلمون عن اخوانهم

انا بنتي جذي بين فرته و فرته ترجع تقول تبي بيبي سستر او بيبي براذر احس لما حد من ربعها بالحضانه يصير عندهم بيبي و يتكلمون هي اتي تبي تقلدهم ..

و امس بدت تالف لاول مره و تتخيل اخت لها و يلست تقول لي قصتها اونه هي و اختها لعبوا بادوات المطبخ و هي سوت معكرونه لاختها ....جان اضحك و قلت بدينا بتاليف القصص


ياله الله يرزق الجميع ان شاء الله بالقريب العاجل

اللَّ[COLOR="Red"]هُمَّ إنَّكَ تَسْمَعُ كَلاَمِي، وَتَرَى مَكَانِي، وَتَعْلَمُ سِرِّي وَعَلاَنِيَتِي، وَلاَ يَخْفَى عَلَيْكَ شَيْءٌ مِنْ أَمْرِي، وَأَنَا الْبَائِسُ الْفَقِيرُ، وَالْمُسْتَغِيثُ الْمُسْتَجِيرُ، وَالْوَجِلُ الْمُشْفِقُ، الْمُقِرُّ الْمُعْتَرِفُ إِلَيْكَ بِذَنْبِهِ. أَسْأَلُكَ مَسْأَلَةَ الْمِسْكِينِ، وَأَبْتَهِلُ إِلَيْكَ ابْتِهَالَ الْمُذْنِبِ الذَّلِيلِ، وَأَدْعُوكَ دُعَاءَ الْخَائِفِ الضَّرِيرِ، دُعَاءَ مَنْ خَضَعَتْ لَكَ رَقَبَتُهُ، وَذَلَّ لَكَ جِسْمُهُ، وَرَغِمَ لَكَ أَنْفُهُ.. أَسْأَلُكَ أَنْ تَغْفِرَ لِي جِدِّي وَهَزْلِي، وَخَطَئِي وَعَمْدِي، وَكُلُّ ذَلِكَ عِنْدِي. اللَّهُمَّ إِنَّ مَغْفِرَتَكَ أرْجَى مِنْ عَمَلِي، وَإنَّ رَحْمَتَكَ أَوْسَعُ مِنْ ذَنْبِي يارب العالمين.[/COLOR]

هههههههههه ضحكني عبود ما شاء الله عليه تلاقين السالفة كانت في باله بس ما كان يتكلم وامس كان يفضفض الله يعطيه ويعطي عيالنا كلهم يا رب.


ضياء الروح: آمين يا رب العالمين

مرمر.. ماشاء الله بعد طبخت معكرونة وأكلتها.. لا شكلهم عيالنا بيصيرون مؤلفين من الزين كل ماتموا بروحهم..



ضياء الروح..جزاك الله خيرا على الدعاء...



أكبر قلب.. الله يعين أي مسكين الظاهر من زمان مخطط على هالعيال.. الله يعطينا يارب...