من حقي ولا لأ

حبايبي انتو يعيطكم العافيه او ماتقصروون والله انا لازم امر عل هل القسم كل ماادخل المنتدى
انا بقولكم مشكله صغيره اوتافهه بالنسبه لوايد منكم ادري بس بالنسبه لي كبيره
انا زوجي لا مبالي بامور هو يشوفها تافهه انا اشوف انها من حقي
انا لي الحين ما خلصت دراستي ابيكم تدعولي اني اخلص هل السنه اواتخرج
كل يوم اروح الجامعه يدزلي نفس المسج ماكو غيره لا زياده ولا نقصان يسألني فيه اذا قام ادرس ولا لا اوانا من كثر ما مليت او حفظت المسج بس يرن جوالي اعرف منو او شو مكتوب فاطنش مرات لاني اذا رديت عليه او مارديت نفس الشي
بعض الاحيان اكون بيت الوالد على ساس تغيير شوي او من هل السوالف اقوله قعد الصبح انا لازم احد يحن على راسي على ساس اقوم الصبح يعني يرن المنبه 8 انا 10 اقوم اقول بعد شوي الحين فاذا احد جا او قالي يلا قومي مافي وكت بالصراخ او بالهداومه ماعندي مشكله اقوم
هو مايدق على ساس يقعدني يرد يدز نفس المسج السخيف يلا قومي على ساس تدرسين
انا مابى اقوله مسجاتك سخيفه ولا غيرها ولا شي بس عاتبته اونه ليش ماقعدني من النوم او هو طبعا يعطيي الاعذار الحلوه
كان عندي موعد بالمستشفى هو ماجاه معي عقبها رديت بيت الوالد مارحت البيت ماسالني ولا قال شو سويتي ماسويتي اقوله ليش ماقلت يقولي نسيت او على هل منوال مب اول مره يسويها
اذا عاتبته او زعلت او تضاربنه ولا كانه متضاربين تعرفووون شو يسوييييييييي يدز نفس المسج يعني انا تضاربت معاه الصبح ماكلمه ولا ادق عليه اتعمد انسى جوالي بالبيت مااودي معاي على ساس لا اتصل ارجع الاقي نفس المسج يسأل عن الدراسه او انا طول الوقت مالي بارض شي او اذا خذيت جوالي معاي انتظره يتصل مايتصل يدز هل المسج او اذا كلمته ولا كانه سوى شي ولا كانه متضاربين كانه مافينه شي اقوله شو انت ماعندك مشاعر يعني انا اللي اعرفه اذا شخص متضارب مع شخص مايكلمه او يعاتبه عل الاقل هو لا يمشي الموضوع
يعني ماني عارفه بس هو جي ولا كل الرجاجيل جي
اذا تضاربنا صراحه مالي بارض ادرس او نفسيتي تتعب او احس هو مب بالبال
انا اتعمد انسى مبايل باليت مرات لاني احاول اني ما اتصل عليه انا بس اشوف الجوال على طول ادق له لو عندي سوالف او ماعندي
او احس به تعود على هل الشي يعني انا االي قاطه نفسي عليه او انا بحاول اغير هل الطبع مب عارفه استحمل اسبوع او عقب ارجع مث الاول احاول اشغل نفسي بس ارجع اتصل
بنات اللي تعرف او حست بمشكلتي ياليت تفيدوني
او ابيكم بالنهايه ماتنسوني بالدعاء الامتحانات قربت او انا عندي مادتين ساقطه فيهم مب عارفه كيف انجح او مستقبلي بهل المادتين اذا مانجحت خلاص
الله يخليكم ادعولي من كل قلبكم اني اتخرج هل السنه ان شاء الله