ارجوكم ساعدوني شاسوي

خلينا نفهم ليش بتسفرينها او ليش هو رافض عشان نعرف نحل الموضوع يالغاليه

وضحيلنا اكثر عشان انساعدج
ليش بتسفرينها ؟؟ شو سوت؟؟ وليش ريلج مو راضي ووشلون حاولتي تقنعينه؟؟

هي تشتغل وكل شي وانتي تعرفين الريايل
مانعه تروح بيت هلي وانا قلت له مب على كيفها
قال هي تشتغل وزينه
ابي اقنعه انا مب مرتاحه

وليش يمنعها تروح بيت اهلك؟
الله يعينك والله اكثر شي يقهرني لما الزوج يتدخل بموضوع الخدامه
تحياتي

اختي لازم توضحين بالسالفه ليش مب مرتاحه مثلا شاكه بشي وليش زوجج ما يبيها تروح بيت هلج هو وش له خص فيها المفروض ما يتدخل وليش يرفض ؟؟؟
عشان نقولج وننصحج لازم نعرف الاسباب ؟؟

حرام تقطعين رزقها بدون سبب!! يعني بتقولين في اسباب وما تذكرينها، ليش مثلا عرجة؟ عورة؟ في شي يمنعها تادي شغلها زين مثلا؟؟

وضحي اكثر

رايحه مشتكيه عند زوجي ان هناك اهاوشها وان كل تشتغل هناك
والشغل وايد مع ان كل خدم هناك وياريت صج
بس ريلي رافض يسفرها يقول هي زينه
هي كل تراددني من ورى ريلي
ولين هو موجود تلاقينها تشتغل وتحترمني
خاطري اراوي اشلون تكلمني بس مادري اشلون
عطوني حلول طرق علشان
يقتنع
هو كل ان مايبي يسفر ويجيب وحده غيرها
لان هو مايداني شي اسمه خدم

هلا ..

عندي لج طريقه حلوة ..

اذا شفتيهاا اترد عليج واتكلمج بسلوب مب شئ او انهاا تكذب على زوجج .. انج اتشغلينهاا وايد بيت اهلج ..

كل ماتلقين فرصه حلوة خلي دايم التلفون بين ايدج كل ماشفتيهاا سوت شئ حاولي انج تتصلين على زوجج على طول ويسمع الحوار الي يدور بينكم ،، بس انتي لا تخلينهاا هي تحس .. علشان مع مرور الوقت راح يقتنع ..

ماشاء الله عليج
على هاي الفكره ماجات في بالي
والله العظيم مشكوره وجزاج الله خير
جان زين مسوي توها مكلمتني اليوم بنفس خايسه

وارجوج انا بس ابي يسفرها

حبيبتي اخذي وياج مسجل او ام بي ثري وسجلي الحوار كامل، واذا تقدرين تركبين لها كاميرا يكون احسن
ترى الشغالات اللي جذي يبون يجرون رياييلنا لهم فحاسبي على بيتج

لله يكون بعونك

المشكله هي مسلمه وتصلي لكن عيها الوحيده تنقل سوالف
بحاول اصورها
بس اشلون انا فكرت بالجوال بس ماقدر بتبين

الله يسهل لك امورك بس حاولى باي طريقة

حبيبتي
افتحي تسجل الجوال وخليه بجيبك وافتعلي معها خلاف او اى شي وبعدين شغلي التسجيل
لما هي تتكلم وتخربط وحاولي انك تطلعين كل خياسها واسلوبها معك علشان زوجك يسمع ويتأكد
وكوني طبيعيه بالتسجيل وهدديها قولي بقول لبابا واكيد بترد رد وقح وسمعيه
وبيسفرها زي الحلاوه
تحياتي

الله يخليكم لي يابنات
ابشركم
سجلتها وكل هاي من افكاركم
بس يبيلي تسجيل ثاني تكون معصبه علي اكثر
بس قلت له ان سجلتها بس قلت له ماتقولها وتسمعها تسفرها على طول
علشان ماتضرني بشي
راح اتابع معاكم الأحداث بس لاتخلوني
وانشاء الله اخبركم اني سفرتها ادعولي
والله اني ماظلمتها
والله يشهد

ترى السالفه مب بس بتسجلينها وخلاص السالفه اكبر شلون مو مصدقج ومصدقها ومقتنع بكلامها وانتي زوجته مب مقتنع منج هاي المصيبه ..
حبيبتي لا تاخذين الموضوع تسجيل وبيسفرها لا هو ليش يسمع للخدم المفروض ماله شغل... وهاي الصح وشلون تسمحين لها تجي تشتكي .. والله هاي ينخاف منها ...
قولي لها انا المدام مب زوجي اذا فيج شي تجيني انا واذا تكلمت جدام زوجج سكتيها وقولي لها ما تكلم بحضور زوجج واذا ع الاكل والا تجيب انتي سوي هالشي اذا زوجج بالبيت واذا غرفتها برع بالملحق لا تخلينها تدخل داخل اذا زوجج موجود ..
لازم انتي تعودينها وش تبين والصراحه الغلط من زوجج ليش يرد عليها ويسمع للخدم..
الله يعينج واذا سفرتيها بتجيبن غيرها ما تدرين يمكن تكون اجلب منها قولي لزوجج اذا جات تكلمه يقولها تجي لج انتي... وجي بتعتدل..

السلام عليكم ورحمه الله وبركاته ..

اختي .... إضافه ,, وصدقيني ما ابي اهدم بيتج او شي .. بس تأكدي ان ما في شي بين ريلج وبينها ,, وشي ثاني .. تأكدي انها مب ماخذه شي من ريحه ريلج ... او ريحت بيتكم ..


تحياتي

ام جنى