مرحبا
[GRADE="00008B FF6347 FF4500 DC143C"]
قرننا انا وزوجي انسافر الكويت كم يوم الشهر القادم ((إن شاء الله )) مع بنتي وحبيت أعرف أفضل الأماكن السياحية وأفضل مراكز التسوق أبغي ادلوني على محلات لملابس الأطفال حلوة ومحلات لشراء الشنط والشيلات بأسعار معقولة عشان هديا لصديقاتي و وأفضل المحلات للعطور العربية والبخور
وشنو المطاعم المميزة :)[/GRADE]
أدري توه الناس بس حابه أسولي برنامج 4 أيام وأحدد الأماكن
بنات الكويت ساعدوني
t
04-05-2008 | 09:04 AM
ن
05-05-2008 | 04:13 AM
فديتج بعد قلبي شوفي انا بقولج على كل الأماكن وانتي كيفج وانشالله الله يقدرني
اذا على الفنادق عندج فنادق مختلفة وكل فندق أحلى من الثاني
عندج خمس نجوم وعندج ثلاث نجوم وعندج الداون
خمس نجوم عندج الهيلتون وهذا فظييييييييع
عندج المنشر عندج كمبنسكي وعندج شيراتون وراديسون ساس وبلازا وموفمنبك ومارينا
والسفير هذيله كلهم خمس نجوم
وعندج أربع نجوم اللي اهم ماريديان وبستكي والمنتزه الجديد و كونتنينتال و سويس ماريوت
وعندج الثلاث نجوم اللي اهم الواحه امبريال وكارلتون وهذيله ما أنصحج فيهم
واذا تبين في شقق فندقيه تكون أحسلج وجنج قاعده ابيتج وأوفرلج
عندج الشقق الفندقيه أكثرها بالسالميه وانا انصحج تقعدين بالسالميه لأن كل شي بكون يمج
الشقق الفندقيه اهي : هالا موتيل ورويال موتيل ومها هاوس هذيلا ابعاد شوي
وعندج بالسالميه اللي اهم رويال ريزيدنس وعندج بعد ميراج
هذا بالنسبه للسكن
نيي حق الأسوقه ويالله ما كثرهم الاسوقه عندنا أكثر من البيوت
عندج بالسالميه
الأسوقه الفخمه
مارينا والفنار وشاهه ومريم وزهره وليلى غاليري والبستان (وهذيله كلهم يم بعض)
عندج بعد بفحيحيل مجمعين لا غير فخمين(الكوت والمنشر)
هذا غير الأسوقه العاديه اللي راح تشوفينها ودايما تكون الأسعار بفحيحيل وااااااايد أقل من الأسعار بالديره مع انج تلقين نفس البضايع
عندج بشرق اللي اهو سوق شرق وعندج الرايه
وعندج بالشويخ اللي اهم مجمع الأفنيوز وهذا يعتبر ليلحين من أكبر المجمعات الموجوده بالكويت
هذا غير الأسوقه العاديه تلقينها بالسالميه
فاشن مل والحوش والسالميه القديمه بس شكلج ماراح تلحقين عليها لأن بهدمون محلاتها وبيبنون مكانها مجمع يديد وعندج السندس والأيوب
بس في نفس محلات السالميه القديمه ونفس البضايع تحصلينه بمجمع بالسالميه اسمه سوق السالميه او اللي احنا انسميه السوق الحمر او سيتي سنتر
وعندج بحولي المهلب وعندج بعد مجمع بيروت وعندج كويت ماجيك ببو حليفه وعندج الصالحيه بالعاصمة
واذا تبين اسوقه حق لبس سهرات عندج مجمع النقره بحلي
اهم اثنين مجابلين بعض
النقره الجنوبي اللي اهو ملابس سهره يهال واهو محل واحد والباقي لبس طلعات عادي
اما الشمالي فكله لبس سهره
وليلى غاليري اللي ذكرته من قبل هم نفس الشي
والله الاسوقه وايد حبيبتي بس انشالله اكون قايلتلج المهمين عندنا
اي وتذكرت أجيال هم بفحيحيل وعندج العثمان
اما لبس اليهال فالمجمعات اللي ذكرتها فيها محلات لليهال
واتوقع نفس محلاتكم مثل مذر كير وبيبي دول ووايد محلات والله وهم السوق الحمر فيه شغلات حق اليهال ووايد حلوه
نيي حق المطاعم
اذا تحبين بفندق
عندج النخيل وعندج السفير وعندج هوليدي ان وعندج الهيلتون
وعندج مطاعم بعد
هارد روك وعندج فرايديز وتشيليز وروربي تيوزدي وميس الغانم(مأكولات لبنانيه وعربيه) ونينو(هذا مأكولات بحريه)
وبرج الحمام(مأكولات شاميه) وعندج مغل محل (مأكولات هنديه)
هذا غير المطاعم التوصيليه اللي ام شارع المطاعم وكنتاكي وبرجر وتشيكن فريز وفروج وهالمطاعم اللي تطلبين منهم وانتي بالسيارة
وطبعا في مطاعم بكل المجمعات اللي ذكرتها وانصحج اذا تحبين الأكل اللبناني مطعم ميجنا اللي بالكوت واااايد حلو
وعندج مطعم فريج صويلح هذا مأكولات خليجيه
وملتوت هذا نفسه
وعندج سوشي(ياباني) وواسابي وايكو هذيله نفسه
اتمنى أكون فدتج بلي عندي
بس نصيحتي اذا تبين تشترين هدايا بأسعار معقوله عندج السوق الأحمر
وعندج أسوقة فحيحيل
واذا عالعطور
عندج بالفنار وعندج بمحلات السالميه القديمه وايد محلات عطور عربيه وأجنبيه
اذا تبين عطور عربيه عندج أجمل وعندج المرشود وعندج الغانم وعندج القرشي
وأنصحج بالغانم وأجمل من أروع العطور الصراحه
القرشي وايد يحبونه بس احس عطورهم غاليه عالفاضي
اما اذا تبين عطور اجنبيه عندج بيضون وهذا بكل مكان حتى بالجمعيات تلقين محل فيه بيضون ههههههههه
وعندج غاليريا وهذا بالفنار
وهذا اللي قدرت أتذكره واي استفسار أنا حاظر حبوبه وسوري عالتقصير بعد قلبي
اذا على الفنادق عندج فنادق مختلفة وكل فندق أحلى من الثاني
عندج خمس نجوم وعندج ثلاث نجوم وعندج الداون
خمس نجوم عندج الهيلتون وهذا فظييييييييع
عندج المنشر عندج كمبنسكي وعندج شيراتون وراديسون ساس وبلازا وموفمنبك ومارينا
والسفير هذيله كلهم خمس نجوم
وعندج أربع نجوم اللي اهم ماريديان وبستكي والمنتزه الجديد و كونتنينتال و سويس ماريوت
وعندج الثلاث نجوم اللي اهم الواحه امبريال وكارلتون وهذيله ما أنصحج فيهم
واذا تبين في شقق فندقيه تكون أحسلج وجنج قاعده ابيتج وأوفرلج
عندج الشقق الفندقيه أكثرها بالسالميه وانا انصحج تقعدين بالسالميه لأن كل شي بكون يمج
الشقق الفندقيه اهي : هالا موتيل ورويال موتيل ومها هاوس هذيلا ابعاد شوي
وعندج بالسالميه اللي اهم رويال ريزيدنس وعندج بعد ميراج
هذا بالنسبه للسكن
نيي حق الأسوقه ويالله ما كثرهم الاسوقه عندنا أكثر من البيوت
عندج بالسالميه
الأسوقه الفخمه
مارينا والفنار وشاهه ومريم وزهره وليلى غاليري والبستان (وهذيله كلهم يم بعض)
عندج بعد بفحيحيل مجمعين لا غير فخمين(الكوت والمنشر)
هذا غير الأسوقه العاديه اللي راح تشوفينها ودايما تكون الأسعار بفحيحيل وااااااايد أقل من الأسعار بالديره مع انج تلقين نفس البضايع
عندج بشرق اللي اهو سوق شرق وعندج الرايه
وعندج بالشويخ اللي اهم مجمع الأفنيوز وهذا يعتبر ليلحين من أكبر المجمعات الموجوده بالكويت
هذا غير الأسوقه العاديه تلقينها بالسالميه
فاشن مل والحوش والسالميه القديمه بس شكلج ماراح تلحقين عليها لأن بهدمون محلاتها وبيبنون مكانها مجمع يديد وعندج السندس والأيوب
بس في نفس محلات السالميه القديمه ونفس البضايع تحصلينه بمجمع بالسالميه اسمه سوق السالميه او اللي احنا انسميه السوق الحمر او سيتي سنتر
وعندج بحولي المهلب وعندج بعد مجمع بيروت وعندج كويت ماجيك ببو حليفه وعندج الصالحيه بالعاصمة
واذا تبين اسوقه حق لبس سهرات عندج مجمع النقره بحلي
اهم اثنين مجابلين بعض
النقره الجنوبي اللي اهو ملابس سهره يهال واهو محل واحد والباقي لبس طلعات عادي
اما الشمالي فكله لبس سهره
وليلى غاليري اللي ذكرته من قبل هم نفس الشي
والله الاسوقه وايد حبيبتي بس انشالله اكون قايلتلج المهمين عندنا
اي وتذكرت أجيال هم بفحيحيل وعندج العثمان
اما لبس اليهال فالمجمعات اللي ذكرتها فيها محلات لليهال
واتوقع نفس محلاتكم مثل مذر كير وبيبي دول ووايد محلات والله وهم السوق الحمر فيه شغلات حق اليهال ووايد حلوه
نيي حق المطاعم
اذا تحبين بفندق
عندج النخيل وعندج السفير وعندج هوليدي ان وعندج الهيلتون
وعندج مطاعم بعد
هارد روك وعندج فرايديز وتشيليز وروربي تيوزدي وميس الغانم(مأكولات لبنانيه وعربيه) ونينو(هذا مأكولات بحريه)
وبرج الحمام(مأكولات شاميه) وعندج مغل محل (مأكولات هنديه)
هذا غير المطاعم التوصيليه اللي ام شارع المطاعم وكنتاكي وبرجر وتشيكن فريز وفروج وهالمطاعم اللي تطلبين منهم وانتي بالسيارة
وطبعا في مطاعم بكل المجمعات اللي ذكرتها وانصحج اذا تحبين الأكل اللبناني مطعم ميجنا اللي بالكوت واااايد حلو
وعندج مطعم فريج صويلح هذا مأكولات خليجيه
وملتوت هذا نفسه
وعندج سوشي(ياباني) وواسابي وايكو هذيله نفسه
اتمنى أكون فدتج بلي عندي
بس نصيحتي اذا تبين تشترين هدايا بأسعار معقوله عندج السوق الأحمر
وعندج أسوقة فحيحيل
واذا عالعطور
عندج بالفنار وعندج بمحلات السالميه القديمه وايد محلات عطور عربيه وأجنبيه
اذا تبين عطور عربيه عندج أجمل وعندج المرشود وعندج الغانم وعندج القرشي
وأنصحج بالغانم وأجمل من أروع العطور الصراحه
القرشي وايد يحبونه بس احس عطورهم غاليه عالفاضي
اما اذا تبين عطور اجنبيه عندج بيضون وهذا بكل مكان حتى بالجمعيات تلقين محل فيه بيضون ههههههههه
وعندج غاليريا وهذا بالفنار
وهذا اللي قدرت أتذكره واي استفسار أنا حاظر حبوبه وسوري عالتقصير بعد قلبي
t
05-05-2008 | 03:28 PM
مشكورو أختي على المعلومات