الحموضة

هلا أختي دلوعة مغرورة

أنا كنت مثلج و كل حامل تمر بهذا الشيء والدوا ما يسوي مفعول ودايما يقولون لا تاكلين وايد

يعني لا تاكلين لحد الإشباع التام خلي وجباتج متقطعة يعني خمس وجبات في اليوم

بس ال م ارتحت بعد كل هذي النصايح إلا لما أكلت موز بعد الأكل كنت أحاول ما أثقل بالأكل

وآكل حبة موز أو نص حبة تمنع الحموضة انها تطلع لفوق و اتغثك أثناء نومك وهذ المعلومة أنا

عرفتها بالصدفة بس كانت النتيجة الفتاكة للحموضة و طبعا تركة الأدوية مال الحموضة ((موكسال))

والحمدلله أتمنى أكون أفدتج....

يعني بعد فترة الحموضة تروح والله تبقى لنهاية الحمل؟

حبيبتي كل حامل تكون غييير عن الثانية أنا كانت الحموضة املازمتني من الشهر الثاني

للرابع و بهدها كانت مرة تي و مرة تروح كنت أحاول ما آكل أشياء اتزيدها يعني إذا كلت شي و حسيت

بالحموضة من بعدها أقول خلاص مرة ثانية بخفف من هذا الأكل أنت احرصي انج ما تملين معدتك بالأكل

لحد الإشباع التام لأ خلي أكلك خفيف و على فترات و لا تنامين بعد الأكل على طول أما إذا حسيتي

انك بتنامين حطي مخدتين تحت راسك و كتفك عشان يكون جسمك مرتفع اشوي ولا تصعد الحموضة

للحلق ولا تنسي حبة الموز لأنها أحسن من الدواء


أنا الحين بآخر السابع وللحين أحيانا أحس بالحموضة بس أخف من قبل و مثل ما قلت أرتاح

أكثر امل أكل حبة موز :)

انا الحين بالشهر السابع ولاما احس بالحموضه اشرب حليب بارد وتخف شوي
ونصيحتي لك لاتاكلين وجبات دسمه بالذات العشاء وحاولي تتعشين قبل موعد نومك بساعتين على الاقل ا
والله يهون علينا

خففي من الأكل الدسم و كذلك من الفواكه .. و كثري من أكل الحبوب و البقول و الخضروات ذوات الأوراق الخضر

و جربي هذا ..

قطعي الزنجبيل الأخضر الى شرائح .. و رشيه بملح بحري

حطيه في الفرن على نار هادية مدة 6 ساعات أو حتى يتفحم تماماً ..

دقيه في الجرن أو النجر .. كل يوم على الريق خذي القليل منه في نص كاس ماء عادي ..

اسأل الله أن يهون عليك ما تجدين ..

انا الحموضة لازمتني للتاسع وبالعكس زادت اكثر وكنت اشرب حليب باستمرار واكل خيار وبعد البطيخ وحاولي ماتخلي المعدة فاضية لان الحموضة بتزيد ويوم تنامي حطي مخدات تحت راسك وكتفيك الى نص الظهر يعني مرتفعين بشكل مائل

1- حليب بارد
2- تفاح
3- خيار

فيه حبوب اعتقد اسمها رينو
اسالي الصيدلي عنها

الحليب البارد
كنت استخدمه لمن كنت حامل
بس الحموضه كانت معاي للتاسع
الله يعين..

حبيبتي شوفي انا مب حامل ولا شي
وعندي حموضه تخيلي من شهرين واخذت الدوا ومايروح والحين اخذ دوا لشهرين انشالله ينفع

انصحج انج ماتشربين شاي على معده فاضيه
ولا قهوه على معده فاضيه

ولاتاكلين قبل النوم ب ساعتين عشان ينهضم الاكل
و اكلي روب بارد

وخففي من المقليات والاكلات الدسمه اللي فيها دهون والاكل الحار يعني اللي فيه فلفل

والله يشفيج ويشفينا ويشفي جميع المسلمين

تذكرتيني بنفسي بس الحمد لله يوم دخلت الرابع كنها خفت بس اذا اكلت دسم على العشاء آآآآآآآآآآآآآآآآآآآآه من الالم عشان كذا كلي اشياء بدون قلي طبخ افضل والله يشفيك..........