طحت في مشكله بليييز ساعدوني ،، ما ابي امي تزعل علي او تاخذ فكره سيئه عني .. بللليييز

هلا والله ..

خواتي اشحالكم ؟؟ ..

والله بصراحه ضايق خلقي مره ،، ومحتاره شو اسوي ،، طحت في مشكله ،، بس الله يغربل الشيطان ...

انا كنت يالسه مع اربيعااتي في المدرسه ،، انا (غير متزوجه) .. وعلياء (متزوجه) .. ودانه(مخطوبه) ..

(( طبعاً انا ادرس في مركز مسائي )) يعني اغلبيتهم كبار ومتزوجين ،، المهم .. ذاك اليوم انا كنت لابسه شنطه و علياء كانت في الاداره ودانه كانت وياي ،، فدانه وعلياء ولا وحده منهم لابسه شنطه بس عندهم تلفوناتهم في ايدهم وكتب وبـس ،، وعقبهاا قالتلي دانه امسكي تلفوني وفيه كان عندهاا ظرف صغير كأنه ظرف الي مال الصور الشخصيه ،، فما حبيت اني امسك افتح واشوف لان مافيني فضول ويت عليا من الاداره وقالتلي هذا تلفون دانه وليش عندج ،، قلتلهاا دانه سارت الحمام(الله يعزكم) وخلت تلفونهاا والظرف عندي ،، ودقايق طلعت دانه من الحمام(الله يعزكم) وسرنا ويا بعض المقصف علشان نشتري ..

وعقبهاا دخلنا الصف وانا نسيت الظرف عندي والتلفون عطيته حق دانه لان كان الظرف في الشنطه والتلفون في ايدي خفت ان الي في الظرف يطيح وانا اتحمل ،، المهم حتى دانه نست الظرف ولا يا على بالهاا <<<<<<<<<<< لين هني كل شئ تمام ..:D

ورديت البيت انا وتذكرت ان الظرف عندي مال دانه .. و ثاني يوم الي هو يوم الجمعه(يعني اليوم) امي قالت لي عندج قلم قلتلهاا هييه بس في الشنطه وانا كنت ذاك الوقت في الحمام(الله يعزكم) اغسل ايدي ،، سارت امي عند شنطتي وخذت القلم وسبحان الله كأن الشيطان يلعب في عقلهاا يلست اتفتش في بوكي(محفظتي الصغيره) لانهاا شافت صوره ابوي وجدتي عندي وكانت تبي اتشوف الصور الباقيه لان كلهم كانوا تقريباً 4 او 5 صور داخل المحفظه ،، وفيه كان من ظمنهم هالظرف مال دانه عندي ،، هي مايا على بالهاا شئ المهم فتحت وشافت صورة واحد شاب:eek: سألتني شو هذا قلتلهاا هذا مب مالي هذا مال اربيعتي (بس ماقلت اسم البنت)كانت حاطه تلفونهاا وظرفهاا عندي ونسيت اعطيهاا اياهاا ،، طالعتني بنظره خفيفه وقالتلي انا زعلانه منج ولا تكلميني انا بخبر اخوج عن سوالف وراحت ختى ماعطتني فرصه علشان اقولهاا التفاصيل ..

والحين انا خايفه انهاا اتقول حق اخوي او انهاا تاخذ فكره سيئه عني ،، وبصراحه ما اقدرر اقولهاا ان هذا الظرف مال دانه لانهاا تعرفهاا امي وهي تتصل علي ..

واذا امي عرفت ان دانه نخطوبه راح تمنعني منهاا ،، لان امي ماتحب ان بناتهاا يكلمون حد متزوج او مخطوب ،، تفتكر ان هالبنات بيعلموناا على اسرارهم(هي وخطيبهاا) او اي شئ من الامور الي تخصهم ..

لان اربيعت اختي قبل لا تتزوج امي كانت اتخلي اختي تكلمهاا وامي تعرف البيت زين مازين بس من عرفت ان هالبنت راح تتزوج كل ماتتصل حق اختي تقولهاا بنتي مب موجوده ـ لانهاا تفكر انهاا راح اتقولهاا عن اسرارهاا هي وزوجهاا ...