شوفي حالتي دكتوره ومتى ممكن احمل؟؟

(f)السلام عليكم

تحية لج دكتوره ..

والله يجزيج خير(f)

أنا بشرح لج حالتي بس ابي اعرف متى ممكن احمل ..

انا تزوجت شهر 11 2007 وحملت في شهر 12 اخر دوره لي كانت في 27-11

كان حملي بخير لين ما وصلت الخامس في الاسبوع 22 صادني نزيف ورحت المستشفى ..

قالولي ان كيس الياهل نازل والسبب توسع في عنق الرحم !!

ورقدوني بالمستشفى على اساس انهم يسوون لي عمليه ربط لعنق الرحم .. بعد يومين قالولي مدام ما وقف النزيف احتمال عنق الرحم يصيده التهاب .. وكانو ماخذين لي عينه عشان يتأكدون فيني التهاب في عنق الرحم او لا ..

وقالو بعد ما نقدر نسويلج الربط لانج تنزفين ووضع الجنين واطرافه نازله تحت مع الكيس .. وحتى لو بيسوون ربط احتمال ينبط الكيس لان نازل!!

قالولي عندج خيارين يا تنتظرين او نولدج بالطلق الصناعي .. واذا انتظرتي احتمال التهابات توصل الرحم وهاي مشكله لج !!

انا قلت اولد تميت اطلق يومين .. اليوم الاول من الظهر لين الليل الساعه 12 الم بس ما يتني ولاده وتعبت عطوني مخفف الم ورجعوني الجناح .. في اليوم الثاني ردوني غرفه الولاده وعطوني جرعه اكبر مضاعفه لان كانو معطيني قبلها 20 زادوها لي 40 في اليوم الثاني ..

وولدت في الليل طبعن الياهل مات اثناء الولاده .. رغم انه كان عايش لاخر لحظه وهو في بطني اسمع دقات قلبه لان مركبين لي سير واسمعه .. وكان نشيط يضربني ما كنت اتوقع يموت..

هذي حالتي ..

خبروني ان اذا حملت في المره الثانيه لازم يسوون لي ربط .. وبس

الحين صار لي 12 يوم من ولدت وبعد ما اخلص النفاس برجع حق ريلي ..

متى يناسب احمل يا دكتوره ؟؟؟

وهل في ضرر اذا حملت بعد النفاس مباشره ؟؟؟؟؟؟

جاوبيني ع الخاص دكتوره ويزاج الله الف خير ..

انتظر ردج بفارغ الصبر ..