شوفوا ايش سار في بنتي

السلام عليكم ورحمة الله وبركاته
اكتب لكم ايش سار مع بنتي امس
وانا ارتجف كأن الحين سار معاها الي سار
امس الخميس رحت زياره عند اختي تمام
بنتي عمرها خمس سنوات تلعب مع بنات
خالاتها وحده عمرها اربع سنوات والثايه ست
سنوات وتخيلوا ايش العبه الي جات في بالهم
لعبة صدام اكيد ما فهمتوا يعني يحطوا حبل
الستاره في رقبتهم ويطلعوا فوق التكايه وينزلوا
مع ان الغرفه متروسه اولاد كبار بس مشغولين
في المباره الي بين الاتحاد والهلال وما شافوهم
المهم كانت العبه بالدور وكلهم لعبوها وما في احد
اصيب بس بنتي طاحت على الارض وشد الحبل
في حلقها وخلاص لحقناها في اخر لحظه والله
لو تشوفوا رقبتها كيف مجروحه تقولوا ربي كتبلها
عمر جديد وقلت خلاص مره تانيه مافي لعب لوحدهم
قدامنا مع انهم ما كنوا لوحدهم بس اتعلمت درس
فظيع الله يهديلنا اولادنا ويصلحهم
قولوا امين