فزعتكم يابنات عندي حل حق الشعر بس ابي رايكم تكفون

(

(رنين)

عروس فضية

30-04-2008 | 05:54 PM

السلام عليكم ورحمة الله وبركاته ..

كيف حالكم ياأحلى عرايس وأحلى بنات؟؟

أكيد في وايد بنات فالمنتدى حالتهم نفس حالتي وهي تساقط الشعر وخفته وتعرجه :(
وصارت سالفة الشعر عقدتي .. لازم كل يوم اسشوره واذا الجو حار ولا رطب راحت علي واخترب شعري وراح كل تعبي :(

عاد الحين تقدم العلم وتطور .. وصار كل شي ممكن ولله الحمد ..
وأكيد سمعتوا عن تكثيف الشعر عن طريق الوصلات والخصل اللي يركبونها الصالونات ..

بغيت يابنات الله لايهينكم تفيدوني وتساعدوني في هالحل اللي لقيته .. واللي ان شاء الله بيحل عقدتي .. تقول اللي فالصالون لازم اول شي نسوي تمليس .. وهالتمليس بيخلي الشعر ناعم لمدة سنه ويتناسب مع الخصل اللي بيركبونها .. يعني مشكلة التعرج والسشوار بتنحل تقريبا .. وطبعا الشعر بيصير كثيف ان شاء الله مع هالخصلات .. بس التمليس بيكون عباره عن مواد كيماويه تنحط عالشعر ومادري اذا بتسبب اضرار ولا لا .. سألت دكتور شعر يقول هالمواد لها اضرار ومب زين تنحط عالشعر :( بس يوم قلتله مشكلتي وحس في معاناتي قال مب مشكله اذا مره وحده ان شاء الله مايضر الشعر ..

يابنات عندكم علم بالموضوع هذا ؟؟ وفي وحده جربت من قبل ؟؟ وشاللي تنصحونا فيه ؟؟

يعني هالمواد الكيماويه احسها نفس الهاي لايت اللي نحطه على الشعر .. ويعني لو سألنا دكتور بيقولنا ان هالمواد ضاره وتساعد عالتساقط وتبيض الشعر وجفافه ووو الخ .. مع هالشي احنا مجربين نحط مره ومرتين والحمدلله الاضرار خفيفه يعني ..

تكفون ساعدوني وافتوني في هالموضوع .. ابي شعري يصير كثيف وحلو وناعم :( خصوصا ان عندي مناسبه بعد كم يوم :( لا وابشركم انا واختي وامي نعاني من مشاكل الشعر :(

وطلب اخير من بنات السعوديه .. بنات عندكم هالسالفه فالسعوديه ؟؟ وكم تكلف ؟؟ لان هالعمليه اهني تقريباً تكلف 10 آلاف ريال قطري .. فاذا موجوده في صالونات الخبر او الحسا او هالمناطق يعني فالسعوديه ياريت تخبروني وتقولونلي كم تكلف ؟؟

وشكراً مقدماً ..

ا

ام دانــــه

عروس نشيطة

30-04-2008 | 07:03 PM

سلام عليكم اختي

اولا انا عن تجربه شخصيه ماانصحج انج اتسوين تمليس انا سويت وتأسفت قد شعر راسي لان الشعر اللي طلع لي اخس من قبل يعني من قبل كان وسط بس الحين احس واايد متدرج

ليش ما تستخدمين زيوت لمعالجه الشعر احسن لج من الخصل استخدمي زيت الخروع وااايد زين يطلع الشعر بس يبيله وقت ومثل الشي زيت رتاج اللي عندنا في المنتدى يقولون انه ينبت الشعر
وينعمه بعد والاكل له علاقه بهذا الشي

وتقدرين تستخدمين الثوم في شعرج صح انه ريحته كريه لكن تحملي شوي استخدميه مع زيت الزيتون والقرفه ووايد زين انا ببتدي من هذا الشهر بهذه الخلطه والخطله الثانيه راح استخدم القرفه والمحلب والحبه السوده وزيت عافيه بس انا ابيه ملامسه يتعدل لان ما شاء الله شعري كثيف

مسامحه على الاطاله وهذي وجهة نظري

بس اكرر والله نصيحه اخت لا اتسوين تمليس لان في بدايه الايام راح تستانين بعدين بتدمين عن تجربه شخصيه

واكرر ترى شي راجع لج

مع السلامه

(

(رنين)

عروس فضية

30-04-2008 | 07:21 PM

^

وعليكم السلام اختي ..

وجزاج الله خير على الرد يالطيبه ..

والله مادري عن التمليس :( صدمتيني مع اني كنت مستانسه على السالفه .. وبالنسبه للزيوت وغيره مافي فايده .. يعني انا اختي مسكينه جربت كل شي تقريبا .. تاخذ حبوب تقوي الشعر وادويه وزيوت واشياء طبيه ماخلت شي .. لا من برا ولا من اهني بس مافي فايده .. حتى علاج وتدليك حق الشعر سوت بس والله شعرها على حالته .. اي حد يشوفه يعوره قلبه .. وانا نفس الشي :( وامي بعد مسكينه .. جي السالفه بالوراثه ولان احنا يعني نفكر ونحاتي وايد من جي ..

اممم انا شعري يقولون انه ناعم .. بس هو مب ناعم وايد .. يعني لو تسبحت وطلعت يستوي كيرلي :( ولو سشورته صج يصير ناعم لكن لانه خفيف فيخترب بسرعه فالحر :( خصوصا من يدام .. وهالشي بصراحه عقدني ..

يمكن ماسوي تمليس بس بركب هالوصلات :(
لاني حاليا استخدم شامبو طبي .. واخذ حبوب حديد .. طبعا هاي من الدكتوره .. وعطتني ادوى افرك فيه فروة راسي مرتين فالاسبوع لمدة شهر والصراحه ماستخدمته الا مرتين هههه يملل لان لازم احطه واغسله بعد اربع ساعات وانا مب فاضيه .. جامعه وسالفه .. وماعرف شلون اخلي شعري كثيف :(

وبصراحه اكلي خرابيط .. ماكل بيض ولا فواكه ولا سلطه ولا اشرب حليب الا نادراً .. بس اكل روب وجبن يعني هاي اكثر شي وبس .. وماقدر التزم ماعرف يعني .. صعبه..

ان شاء الله حبوب الحديد تعوض النقص .. والله انا يوم حسيت ان شعري خف وايد من صوب فروة الراس خفت ورحت اراجع الدكتوره .. :(

الله يعين .. ويعطي الجميع شعر زين عشان محد يعاني

ف

فتفوته صغنتوته

مشرفة سابقة

30-04-2008 | 08:27 PM

[GRADE="00008B FF6347 008000 4B0082"]طبعا اساسى متعمليش تمليس لانه قااااااااتل للشعر ومادام شعرك اصل خفيف يعنى التمليس هيخليكى ظلبطه والله وبدل شعر خفيف مش هيبقى فى اصلا ولا شعره انا مستغربه ازاى دكتور يقولك عادى اعملى تمليس مرة فى السنه ؟؟؟!!!!!!!
اما الوصل فطبعا انتى مسلمة وعارفه ان لعن الله الواصله
بدل كل الى بتعمليه ده عالجى ششعرك يا حبيبتى انا كمان شعرى كان معدوم زيك بس بالمعالجه والله بقى احسن كتير عن اول وده عشان بهتم بيه لكن انتى بتدورى على الحلول السريعه مش مهم ايه عواقبها؟
انا بستخدم زيت آنوب الهندى وهتلاقيه بقطر فى السيتى سنتر داومى عليه شهر وشوفى اذا نفع مع شعرك ولا لا
وعندك وصفات بالملايييين مغذيه للشعر ابحثى واهتمى بشعرك هتلاقى نتيجه احسن من النتيجه السريعه كمان[/GRADE]

ا

ايام عمري

عروس جديدة

30-04-2008 | 08:30 PM

أختي من ترك شيء لله عوضه الله خـــــــــيرا منه

غـــــــــــــــــــاليتي
على حسب علمـــــــي وصل الشعر حرم
ولعن الله الواصله والمستوصله

وهذا من التدليس
ارضي بما كتبه الله لكـــــــــي
تسعدي في الدنيا والآخره
وعسى الله ان يعوضك شعر أجمل مما اردتي وصــــــــله

وقرأت في المنتدى عن منتج كومينو موتو لتكثيف الشعر منتج ياباني
جربيه ان شاء الله يجيب نتيجه معك
وفي الصيدليه شفت منتج ياباني لونه احمر نفس مفعول كومينو موتو
بس كان سعره أغلى وقالي الصيدلي ان مفعوله أقوى
وانه ينبت الصلع مرسوم عليـــــــــه ثـــــوم ومعه شامبو وبلسم

اتمنى ان تنعمــــي بشعر ناعم كثيف
وتنعمي بنعيم الجنه

أختك المحبه

#

#نسمة ايمان#

عروس مشاركة

30-04-2008 | 08:37 PM

الله يسعدك يا اختى ابتعدى عن وصل الشعر فهو يخرج من رحمة الله
وهل لنا الا الامل فى رحمة الله جل جلاله

(

(رنين)

عروس فضية

30-04-2008 | 09:34 PM

بس هذي الوصلات او الخصل راح تصير جزء من شعرج .. يعني كأنه شعرج تغسلين شعرج عادي وتسشورينه وكل شي .. ماراح يبين انها وصلات .. يعني راح تعتبر جزء من الشعر مثل الزراعه .. ليش الاعتراض ؟!؟

انا قلت ان الحلول الثانيه مثل الزيوت وغيرها ماجابت نتيجه معاي ..

ف

فتفوته صغنتوته

مشرفة سابقة

30-04-2008 | 09:45 PM

وردة قطر;5884446:
بس هذي الوصلات او الخصل راح تصير جزء من شعرج .. يعني كأنه شعرج تغسلين شعرج عادي وتسشورينه وكل شي .. ماراح يبين انها وصلات .. يعني راح تعتبر جزء من الشعر مثل الزراعه .. ليش الاعتراض ؟!؟

انا قلت ان الحلول الثانيه مثل الزيوت وغيرها ماجابت نتيجه معاي ..

[GRADE="00008B FF6347 008000 4B0082"]فهمك للموضوع غلط
لان لما توصلى شعرك هيبان لغيرك ان شعرك تقيل صح؟ يعنى غيرتى خلق الله صح؟ بلاش يا حبيبتى والله حراااااااااام فعلا
بلاش تغضبى ربنا [/GRADE]

أ

أحــــــــــــــلام

عروس مشاركة

30-04-2008 | 10:43 PM

فتوى
السؤال :

- ما حكم الاسلام في المرأة التي تريد توصيل شعر أصطناعي بشعرها , هل يجوز أم لا ؟؟

الجواب :

الحمدلله رب العالمين والصلاة والسلام على خاتم الأنبياء والمرسلين أما بعد:
لا يجوز وصل شعر المرأة لحديث :أن امرأة جاءت إلى النبي صلى الله عليه وسلم فقالت : يا رسول الله! إن لي ابنة عريسا. أصابتها حصبة فتمرق شعرها. أفأصله؟ فقال (لعن الله الواصلة والمستوصلة). والله أعلم

ا

امونه 2008

عروس متألقة

30-04-2008 | 11:13 PM

الله يعينك

م

مهرهـ

عروس جديدة

30-04-2008 | 11:31 PM

إستخدمي ثووم .. وزيوت وجرجير ..

خليكِ ع الطبيعه .. وإذا إضطريت سوي زرآعه ..

بس لاتوصلين .. لأن الوصل حرآم ياآختي ..

(

(رنين)

عروس فضية

01-05-2008 | 12:30 AM

اممم يمكن شفتو في المحلات بكلات الشعر اللي يكون فيها شعر صناعي ونركبها عالشعر .. اذا هذي هي الوصله بالمعنى المقصود لان نوصلها للشعر ونشيلها يعني ماتم معانا للابد .. اما هذي الخصلات اللي تركبينها في شعرج فتكون مثل الزراعه يعني بتم في شعري عالطول وبتصير جزء من شعري اغسلها واسشورها ..فهمتوا ؟؟
يعني ماظن انها وصله بالمعنى المحرم .. هذا والله اعلم