شي للأسف صرت اشوفه بكثرة

السلام عليكم خواتي
يارب تكونون بألف خير وعافيه

رغم المشاكل الجسيمة إللي امر فيها وربي سبحانة وحده العالم فيها ما جيت علشان اكتب ولا وحده منها ايماناً مني انه هو المعين ربي يفرج عني وعنكم ويريح بالكم ..

جيت افضفض شوي عن إللي صرت اشوفه .. سبحانة الله ياخواتي كل واحد لاهي بعمره امرار اروح لصديقاتي واقعد فأقول بنفسي خلنا نذكر الله مبدال محد يجيب بسيرة فلانه وعلانة الاقي الحامل فيهم لو تفتحين راسها تلاقين فيها حملها وبس ومتى بتولد وشنو تشتري وإللي تفكر بزوجها وهمها اهو الليل والنهار ولاهية حتى عن ذكر الله ( إلا من كلم إلا وين راح!! ) فسألتهم سؤال قط فكرتوا بالآخره ؟؟؟ فكرتوا يمكن تموتون بأي لحظه وهل انتوا مستعدين ولا لا؟؟؟ كل وحده فتحت حلجها وقعدت تشوفني صار الكل لاهي بعمره ؟؟ شنو شغله الشاغل >> حياتة يعني مو آخرته إلا من رحم ربي

مكثرهم البنات إللي يبون يتزوجون ومايدرون ان الزواج مسؤليه ويمكن الله يوفقج بواحد يريح بالج ويمكن لا ( إن خذته واهي ما تعرفه حظها نصيبها >> يحن عليها ولا بخيل يمكن رومانسي ويمكن ثلج وإن خذته واهي تحبه عاد ساعتها محد ضربها على ايدها ولا تلوم إلا نفسها)
على طول تذكرت صديقتي وهي تقول ودي اتزوج يا ناس لو على واحد متزوج!!!

لا البنت مرتاحه بحالها ولا المتزوجه مرتاحه >> تدرون ليش ؟؟؟ محد قانع بقسمة الله له يمكن خير واهم مايعرفون .. الله سبحانه موزع الأرزاق يمكن تلاقين وحده تقولين اها سعيده ومحظوظه زوجها يحبها ويهديها الهدايا ويطلعها بس ماتدرين البيوت اسرار يمكن ما تبي تبين مشاكلها وتبي تبين انها سعيده !

ربي يريح بال كل وحده ويصلح لها زوجها ان كانت متزوجه ويوفق بناتنا ويستر على حالهم

قال يحيى بن معاذ الرازي: "على قدر حبك الله يحبك الخلق، وقدر خوفك من الله يهابك الخلق"

واوصيكم ونفسي بالدعاء

( اللهم أصلح لي ديني الذي هو عصمة امري ... وأصلح لي دنياي التي فيها معاشي ..وأصلح لي آخرتي التي اليها معاذي ... وأجعل الحياة زيادة لي في كل خير ....واجعل الموت راحه لي من كل شر )